bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Judges 10
Judges 10
Edo ((E Baibol Ẹdo) Version 1996)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
Ugbẹn vbe Abimẹlẹk ghi wu nẹ, Tola ne ovbi e Pua kevbe eyẹ Dodo kevbe do miẹn Izrẹl fan. Ovbi ẹwae Isaaka ọre ọ gha khin, rẹn keghi vbe gha rre Siamẹ vbe ẹvbo uhunmwu oke Ifreim.
2
Rẹn ọ re ọ gha re ọkaolotu Izrẹl la ukpo eha yan ugie. Rẹn keghi vbe wu, a na re ẹre ye Siamẹ.
3
Vbe iyeke Tola ọre Jaẹl ne ovbi e Giliad na vbe ladian. Rẹn keghi vbe ru ọkaolotu la ukpo evayan ugie.
4
Rẹn kegha mwẹ emọ ikpia ọgban ni vbe gha hin ekẹtẹkẹtẹ ọgban. iran kegha mwẹ okpẹvbo ọgban vbe otọe Giliad ne a ye tie ẹre ẹvbo ukpo ọghe Jaẹl.
5
Jaẹl kevbe wu, a na re ẹre ye Kamọn.
6
Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.
7
Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.
8
Vbe ukpo, eva irrọ vbugie, iran keghi siẹn yan ivbi Izrẹl ginna otọ, iran na gha zẹ iran kpokpo ighẹ ivbi Izrẹl ni rre Amọri, odẹ ahọ ọghe Ẹzẹ Jọdan vbe Giliad.
9
Ivbi Amọn kevbe fian Jọdan rra ne iran ya gu ẹwae ivbi e Juda, Bẹnjamin kevbe Ifreim gbinna. Agbọn keghi wa gha lọghọ Izrẹl ẹsẹse.
10
Ọre ivbi Izrẹl ghi na tu ladian ma e Nọyaẹnmwa, iran wẹẹ, “Ma rukhọ ghe ruẹ nẹ, rhunmwuda, ma fi iyeke gbe uwẹ ne Osanobua mwa, ma na ya gha gho e Bal.”
11
E Nọyaẹnmwa keghi wanniẹn ivbi Izrẹl ẹmwẹ wẹẹ, “Emwa Igipt, Amọri, e Filistia,
12
e Saidọn, Amẹlẹk kevbe ivbi e Moan na ọ gha a zẹ uwa kpokpo vbe ẹghẹ ne ọ gberra, wa keghi datie mwẹ. I ma miẹn uwa fan vbe obọ iran ra?
13
Sevba, wa keghi fi iyeke gbe mwẹ, wa na ya gha ghoo avbe ẹbọ ọvbehe, rhunmwuda onii nian, mẹ i ghi dọlegbe miẹn uwa fan.
14
Wa ya tu ma avbe ẹbọ ne uwa zẹe. Wa gha la ẹmwẹ, wa gie iran miẹn uwa fan.”
15
Sokpan ivbi Izrẹl keghi tama e Nọyaẹnmwa wẹẹ, “Ma rukhọ nẹ, ru emwi ne ọ rhirhi a yẹ ruẹ, sokpan, lahọ miẹn ima fan ẹrẹna.”
16
Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.
17
Ẹre ivbi iyokuo Amọn na si egbe koko, iran na do bu agọ vbe Giliad. Ivbi Izrẹl keghi vbe si egbe koko iran na bu agọ vbe Mizpa vbe Giliad.
18
Emwa kẹkan avbe ọkaolotu Giliad keghi nọ egbe iran ọta wẹẹ, “De ọmwa ne ọ gha ke odaro ne a ya gu ivbi Amọn gbinna? Rẹn ọ re ọ khian gha re ọkaolotu emwa ni rre Giliad hia.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21