bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Judges 15
Judges 15
Edo ((E Baibol Ẹdo) Version 1996)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
1
Ọ ghi kpẹe fua kherhe, vbe ọ sẹ ẹghẹ ne a ya fian ọka, e Samsin keghi ya tue amwẹ ọnrẹn, ọ keghi mu ovbi ewe gie ẹe. Rẹn keghi tama erha amwẹ ọnrẹn wẹẹ, “I ho ne I gha rrie ughugha ọvbokhan mwẹ.” Sokpan ọ ma gie ẹe gha khian.
2
Ọ keghi tama Samsin wẹẹ, “Te I mẹ te wa gha ro vbe ọ ghe ẹmwata wẹ ohu ẹre mu ẹẹn, ọ re I na rhie ẹre ne ọsiọ. Ọ rhe ye rriọ, ọtiọnrẹn ne kherhe ọ re ọ mose sẹ. U sẹtin rhie onii ye ihe ẹre.”
3
E Samsin keghi kha wẹẹ, “A i ghi miẹn mwẹ kpe ye emwi ne I rhirhi ru ivbi e Filistia ẹre nian.”
4
Ọre ọ na ya munọ umuọkhọkhọ iyisẹn eha. Ọ kegha munọ ẹre eva uhukpa, ọ keghi gbalọ iran ẹrhunrhun kugbe, ọ na gbalọ ukpekhọe mu dọmwadẹ eva nii.
5
Ọ keghi rhu avbe ukpekhọe nii, ọ na zẹ iran obọ la uwu oha ọka ọghe emwa Filistia. Ọ keghi wa giẹn ehia a, ẹ i re avbiẹ ọka ne a fian nẹ ọkpa, do sẹ egbe ne a ma he fian ni rre ugbo. Ugbo emwiokọ oliv kevbe giẹn uan ba ẹre.
6
Avbe emwa Filistia keghi nọ wẹẹ, “Gha ọ ru emwi na?” Iran keghi họn wẹ e Samsin ọ re ọ ru ẹe rhunmwuda orruan rẹn ọmwa Timna ne ọ miẹn Samsin amwẹ, ọ na rhie ne ọse ẹre. Ẹre emwa Filistia na gha khian, iran na ya giẹn okhuo nii uan, iran na vbe giẹn owa erha ẹe muotọ.
7
E Samsin keghi tama iran wẹẹ, “I i, erriọ uwa ye ra? U gha miẹn i ghe I gha kuẹtin vbe ẹ i re te I vbe ru uwa ẹre nẹ.”
8
Ọ keghi dekun iran ọghe ọhanabe, ọ na gbele ni bun vbe uwu iran, Ẹre ọ na kpao, ọ na ya di uvun okuta ne ọ rre ukpẹ oke Etam ya.
9
Ivbi e Filistia keghi do bu agọ ye Juda, iran na gha gu ẹvbo ne a tie ẹre Lẹhi khọn.
10
Emwa e Juda keghi nọ iran wẹẹ, “De emwi ne uwa gu ima khọn baa?” Iran keghi wanniẹn wẹẹ, “Te ima do mu e Samsin oghunmwu, ne ima vbe ya ru ẹe vbene irẹn ru ima.”
11
Ẹre arhin arriaisẹn eha na gha rrie uvun okuta ne ọ rre ukpẹ oke Etam, iran na tama Samsin wẹẹ, “Wẹ ma rẹn ighẹ emwa Filistia ọ re ọ kha yan ima. Vbu a ghi na yin ghe ima vbenian hẹ yi?” Rẹn keghi wanniẹn wẹẹ, “Vbene iran ru mwẹ zẹẹ ọ re I vbe ru iran.”
12
Iran keghi tama rẹn wẹẹ, “Te ima rre na ne ima do gba a ne ima miẹn ehe na mu ẹẹn gie iran.” E Samsin keghi kha wẹẹ, “Wa yan ma mwẹ wẹ wa i ra tobọ uwa gbe mwẹ uan.”
13
Iran keghi wanniẹn wẹẹ, “Ẹn o, te ima ra gba a kẹkan ne ima mu ẹẹn ne iran. Ma i gbe ua.” Ẹre iran na ya irri ọgbọn eva gba ẹe, iran na mu ẹẹn ke ukpẹ oke ni gha dee.
14
Ọ ghi sẹ Lẹhi, ivbi e Filistia keghi wa gha vẹ bu ẹre dee, iran kegha go yan rẹn. Orhiọn e Nọyaẹnmwa keghi rhie ẹtin ne ẹẹn, ọ keghi giagia irri ne a ya gbalọ ẹre obọ gbalọ ẹre owẹ kua vbene a gha kha wẹ oru ne erhẹn giẹnrẹn ọ re nọ.
15
Rẹn ghi ghe ghe ugboloko agbanmwẹ ekẹtẹkẹtẹ, ọ na gua ẹe rhie ọ na ya ẹe gbele arhin arriaisẹn (1,000).
16
Ẹre Samsin ghi na zẹ ihuan so, “Ugboloko agbanmwẹ ekẹtẹkẹtẹ ọ re I ya gbele arhunmwu arriaisẹn, ugboloko agbanmwẹ ekẹtẹkẹtẹ ọ re I ya silo iran yan egbe ikun ikun.”
17
Iyeke ọnii, ọ keghi fi ugboloko agbanmwẹ ni fua. A kegha tie ehe ne emwi na na sunu Ramat.
18
Ovbamẹ ke wa gha gbe Samsin, ẹre ọ na datie Nọyaẹnmwa wẹẹ, “U rhie akhọnmiotọ nọkhua na mẹ nẹ, te ovbamẹ ghẹ ghi gbe mwẹ uan ra ne avbe ivbi e Filistia ni ga ẹbọ na do mu mwẹ oghunmwu gha rrie?”
19
Ẹre Osanobua na rhan ugboghodo ọkpa vbe otọ vbe Lẹhi vbe evba, amẹ keghi vẹ ladian vbọ. E Samsin keghi wọn, egbe na do gha ye ẹe ẹse. Ẹre iran na ghi gha tie ovbi ẹzẹ ni Hakọ; te ọ ye rre Lẹhi sẹ ẹdẹ nẹrẹ na.
20
E Samsin keghi su Izrẹl la ukpo ugie vbe avbe emwa Filistia kha yan iran.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21