bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Judges 13
Judges 13
Edo ((E Baibol Ẹdo) Version 1996)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Ivbi Izrẹl keghi dọlegbe rukhọ ghe e Nọyaẹnmwa, rẹn na gie emwa e Filistia gha kha yan iran la ukpo iyeva.
2
Okpia ọkpa kegha rrọọ ẹghẹ nii ne a tie ẹre Manoa ovbi ẹvbo ne a tie ẹre Zora gha a nọ, ọ keghi vbe gha re ovbi ẹwae e Dan. Amwẹ ọnrẹn ma biẹ.
3
Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.
4
Gia miẹn i ghẹ u ma da ayọn rhọkpa ra ne u rri evbare ne a wua rhọkpa.
5
Rhunmwuda te u ra hanmwa na, ne u biẹ ọmọ okpia. Ghẹ zẹ ọre eto rhunmwuda, ke ẹdẹ ne a biẹ ọe kpao, ta a ra wa ya ẹe fi ohan ne e Nọyaẹnmwa zẹ vbe e Agbihiagha. Rẹn gha suẹn gha winna ọghe ne a miẹn ivbi Izrẹl fan vbe obọ emwa Filistia.”
6
Okhuo nii keghi kpao, ọ na ya tama ọdafẹn ọnrẹn, ọ wẹẹ, “Ọmwa Osanobua ọkpa bu mwẹ gha dee, ọ wa mu ohan zẹ vbe odibo Osanobua vbe a gha ghe ẹre. I ma nọ rẹn ehe ne ọ ke rre, ọ ma vbe ta eni ẹnrẹn ma mwẹ.
7
Sokpan, rẹn tama mwẹ wẹ I gha hanmwa, I ghi vbe biẹ ọmọ okpia. Ọ tama mwẹ wẹ ne I ghẹ da ayọn ra ayọn ne ọ wegbe, ra ne I rri evbare ne a wua, rhunmwuda, ọmọ nii, te a ra ya ẹe fi ohan ne Nọyaẹnmwa zẹ vbe e Agbihiagha vbe ẹdẹ agbọn rẹn hia.”
8
Ẹre Manoa na na erhunmwu ghe Nọyaẹnmwa wẹẹ, “Nọyaẹnmwa lahọ, gie ọmwa Osanobua ne u gie rre dọlegbe gha dee ne ọ do tama mwa vbene a gha ru ọmọ nii hẹ vbe a gha biẹ ọe.”
9
Osanobua keghi ru vbene Manoa nọ rẹn, odibo ẹre keghi dọlegbe bu okhuo ni rre vbe ọ tota vbe uwu oha. E Manoa ne ọdọ ẹre i rre evba.
10
Rẹn keghi rhunmwuda onii rhie ulẹ ya tama odọ ẹre wẹẹ, “Do ghe! Ọmwa ne ọ ka bu mwẹ rre ẹdẹ rriọ vbe dọlegbe bu mwẹ rre.”
11
E Manoa keghi guakpao, ọ na lele amwẹ ọnrẹn. Ọ keghi bu okpia nii gha khian, ọ nọ rẹn wẹẹ, “Wẹ ọ re ọ gu ọvbokhan mwẹ guan ẹdẹ rriọ ra?” Rẹn wanniẹn wẹẹ, “Ẹn.”
12
Ẹre Manoa na kha wẹẹ, “Ẹn hẹn ẹmwẹ ne u ta ẹe gha ghi sẹ, vbe ọ kei ne ọmọ nii gha ru emwi hẹ? De emwi ne ọ gha ru?”
13
Odibo e Nọyaẹnmwa nii keghi wanniẹn Manoa wẹẹ, “We ne ọvbokhan an ghẹ mwẹ ọ ma ru emwi hia ne I tama rẹn.
14
Ọ ghẹ ye unu kan emwi kemwi ne ọ ke egbe erhan ne a ya ọmọ rẹn ru ayọn ne ọ baa rre, ọ ghe da ayọn ra ayọn ne ọ wegbe ra ne ọ rri evbare ne a wua. Ọ ghẹ mwẹ ọ ma ru emwi hia ne I tama rẹn.”
15
Vbene ọ ma na rẹn wẹ odibo e Nọyaẹnmwa nọ, e Manoa keghi tama rẹn wẹẹ, “Lahọ, ghẹ he kpao. Gia a ya ranmwẹ ovbi ẹwe mu guẹ.” Sokpan odibo nii tama rẹn wẹẹ, “I gha mudia, mẹ I ra rri evbare ruẹ. Sokpan a de ghe u ho ne u lẹe, giẹn ọnrẹn uan zẹ vbe emwi izọ ese ghe e Nọyaẹnmwa.”
17
E Manoa keghi tama odibo nii wẹẹ, “Ta eni ruẹn ma mwa, ne ima miẹn ehe na ye ọghọ guẹ vbe ẹmwẹ ne u ta ẹe na a ghi sẹ nẹ.”
18
Odibo nii nọ rẹn wẹẹ, “Vbọzẹ ne u na ho ne u rẹn eni mwẹ yi? Ẹhi ọyunnuan nọ.”
19
Ẹre Manoa na mu ovbi ewe nii deba ikpẹ emwiokọ eso, ọ re ọ na ya ẹe zọ ese vbe uhunmwu aka okuta nii ghe e Nọyaẹnmwa ne ọ ru emwi ọyunnuan.
20
Ugbẹn vbe aramwẹ erhẹn ọnrẹn ghi ke aka nii ba ghe iso e Manoa kevbe amwẹ ọnrẹn keghi bẹghe odibo e Nọyaẹnmwa nii vbe ọ lele aranmwe erhẹn nii hin odukhunmwu ghe ẹrinmwi. Iran keghi dele viọ aro rhu otọ. E Manoa kevbe amwẹ ọnrẹn ma ghi dọlegbe miẹn odibọ Osa nii ọvbehe. E Manoa keghi do rẹn wẹ odibo e Nọyaẹnmwa ọre ọmwa nii khin.
22
E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”
23
Sokpan, ọvbokhan rẹn wanniẹn wẹẹ, “Akpawẹ te Nọyaẹnmwa ho ne ọ gbele ima an, ẹ i ghẹ rhan obọ miẹn emwi izọ ese mwa; rẹn i ghẹ rhie avbe emwi na hia ma ima, ẹ i ghẹ vbe talọ avbe ẹmwẹ na ma ima vbe ẹghẹ na!”
24
Okhuo nii keghi biẹ ọmọ okpia, ọ na gha tie ẹre Samsin. Ọmọ nii keghi wan, e Nọyaẹnmwa na fiangbe ẹe.
25
Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21