bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Lamentations 3
Lamentations 3
Edo ((E Baibol Ẹdo) Version 1996)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Ọmwa ne ọ rẹn emwi ne ọ khin vbe Osanobua a rri ọmwa oya, ọ re imẹ khin.
2
Ọ suaa mwẹ la uwu ebiebi, ọ keghi dọlegbe suaa mwẹ la uwu ẹre.
3
Ọ keghi kinmwi mwẹ yan egbe yan egbe vbene a i na mwẹ itohan.
4
Ọ fian mwẹ ẹwẹn, ẹwẹn ọgbọn, ọ keghi vbe bunnọ mwẹ ugboloko.
5
Ọ khui mwẹ ye eghan usẹ kevbe obalọ.
6
Ọ keghi ru ẹe ne I ya dia evba ya, ehe ne hihiihi ọghe ebiebi uwu.
7
Ọ ya ọgiọrọ rro mwẹ; oleghan ne ẹ i mwẹ idaehọ a gha lẹ fua ọ re imẹ khin.
8
I datu gha nọ iyobọ, sokpan, Osanobua ma zẹdẹ zẹ yọ mwẹ re;
9
Te i ghi dobidokpannọ khian; egbekẹn okuta gbe mwẹ odẹ vbe ehe ne I rhirhi a gha ho ne I la.
10
Ọ rhuẹ khẹ mwẹ zẹvbe akpakomiza, ọ saan yan mwẹ zẹvbe oduma.
11
Ọ khu mwẹ la uwa oha, ọ yanghaan mwẹ uan, ọ keghi sẹẹ mwẹ rae.
12
Ọ sii uhanbọ ẹre, ọ keghi ya mwẹ ru ehe ne irẹn ya ifẹnmwẹ ọnrẹn kọn.
13
Ọ fi ifẹnmwẹ ọnrẹn dinmwi la mwẹ uwu egbe.
14
Emwa giẹ mwẹ ne ebi ro, emwi igbogiẹ ọ re I khin iran hia re.
15
Oya vbe ẹhorriẹ ọ re ọ rhie mẹ gha re kevbe ne I gha wọn.
16
Ọ ya mwẹ aro wiẹn otọ ọ keghi kpannọ mwẹ akọn vbe okuta.
17
I mianmian nẹ, emwi ne ọ re egberranmwẹ kevbe ọfumwegbe kevbe ọyẹnmwẹ.
18
I i ghi ra tọ ọvbehe, idaehọ ne I mwẹ vbe ọghe Osanobua fo nẹ.
19
Iro ẹmwẹ obalọ ne ọ rrọ mwẹ egbe kevbe a i mwẹ owa, eruan orriara nọ mẹ.
20
Ẹ i zẹdẹ lahin ekhọe mwẹ rre egbe keghi wa wọọ mwẹ yotọ.
21
Sokpan, idaehọ mwẹ ghi werriegbe rre vbe I a ye emwi okpa na rre wẹẹ:
22
Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,
23
ọ ye rọkhọọ vbe owiẹ, ọ keghi vbe re ne ẹ i baku zẹvbe ne owẹn yanrre.
24
Mẹ i mwẹ emwi ọvbehe gberra e Nọyaẹnmwa rhunmwuda ọnii, uwu irẹn ọ re idaehọ mwẹ ye.
25
E Nọyaẹnmwa ru emwa ni mu ẹtin yan rẹn hia ẹse
26
rhunmwuda ọnii, ne a ye i ziengbe diakhẹ ọre, ọ re ọ maa sẹ ne a diakhẹ ọre ne ọ miẹn ima fan —
27
A ye egbe ọvbokhan ruẹ i ziengbe na guẹ, ọre ọ maa sẹ.
28
Ma gha rrioya, ọ kere ne ima okpa fẹko tota hunwan vbe i ziengbe.
29
Te ọ kere ne ima ya amuegberriotọ gha gbe uhunmwu kotọ rhunmwuda u ghaghe, idaehọ ghi ye gha rrọọ.
30
Ọ gha khọn rẹn ne a gbe mwa ra ne a vbe rhovbiẹ mwa wa gie ima hẹko ya egbe miẹn ehia.
31
Ọmwa itohan ọ re Nọyaẹnmwa khin rẹn i ra wa he mwa ẹdẹdẹmwẹdẹ.
32
Ọ sẹtin gie ima miẹn akhiẹ sokpan ahoẹmwọmwa rẹn ghe mwa re ne aro dae kevbe ne ọ deziẹn ẹsẹse.
33
Ẹ i yẹ ọre ne ọ gie ima gha miẹn akhiẹ ra obalọ.
34
E Nọyaẹnmwa rẹn vbe a gha piẹnpiẹn orhiọn mwa ye uwu eghan.
35
Ọ rẹn vbe a ma gie ọhẹ ne ọ ghae sẹ ima obọ.
36
A gha khiẹn ohiẹn bu vbe iko, ọ vbe rẹn.
37
Iho e Nọyaẹnmwa ọkpa, ọ re a ru vbe ẹghẹ hia.
38
Ke ne ọ maa, kevbe ne ọ khọ, ọ gha gie ọkpa, ọ re a na ru ẹe.
39
Vbọzẹ yi ne ima gha na zẹdẹ zuyọn vbe a gha rri ima oya ye orukhọ mwa?
40
Wa gie ima ghe vbene ima yin hẹ, ne a fiwerriẹ bu e Nọyaẹnmwa.
41
Wa gie ima mu otọ ẹko mwa ma Osanobua vbe ẹrinmwi, ne a na erhunmwu.
42
“Ma ru orukhọ nẹ, a keghi vbe sọtẹ wẹ ne Nọyaẹnmwa ma vbe yabọ mwa.
43
“U khulo ima, u keghi gbele ima an, ohu ne ọ mu ẹẹn keghi degue itohan ruẹn,
44
Vbekpa izohu ruẹ nọkhua ne ọ mwẹ imi sẹrriọ wẹ erhunmwu ima i sẹtin hae gberra.
45
U keghi ya ima ru otiku agbọn na.
46
“Avbe eghian ima hia rhovbiẹ mwa iran keghi vbe ya ima gbogiẹ.
47
Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.
48
Ẹzẹ ameve lẹ vbe aro mwẹ, vbe I miẹn vbene a lọkọ emwa mwẹ hẹ.
49
“Ameve mwẹ gha lẹ zẹvbe ẹzẹ ne ẹ i ka,
50
e Nọyaẹnmwa te do gbearoghe otọ ke ẹrinmwi rre ne ọ bẹghe mwa.
51
Ekhọe mwẹ rhiae, vbe I miẹn emwi ne ọ sunu vbe egbe ikhuo ẹvbo.
52
“Avbe eghian mwẹ ne ẹ i mwẹ emwi ne iran rhunmwuda ẹre khuiwu mwẹ, khuẹẹn ifi mu mwẹ zẹvbe ne a mu ahianmwẹ.
53
Iran fi mwẹ fi ẹmwẹ ne unu fi uwu uvun iran keghi mu okuta khiọ unu ẹnrẹn.
54
Amẹ keghi suẹn gha ro gue mwẹ, mẹ keghi te ro wẹ uwu sẹ otọ fo nẹ.
55
“Ototọ uvun ni ọ re imẹ ke kpetie ruẹ Nọyaẹnmwa.
56
I ghi vbe rinmwian wẹ ne u zẹ yọ mwẹ re, u keghi họọn.
57
U zẹmwẹ wanniẹn mwẹ, u keghi tama mwẹ wẹ, ne I ghẹ gie ohan mu mwẹ.
58
“E Nọyaẹnmwa, wẹ gbe bu mwẹ rre u keghi do miẹn mwẹ fan.
59
Ta ye ọghomwẹ wẹ rẹn vbe ne iran ho mwẹ ẹmwẹ hẹ.
60
U rẹn vbene avbe eghian mwẹ khuiwu mwẹ hẹ, kevbe vbene iran khuan khẹ mwẹ hẹ.
61
“U họẹn vbe iran rhovbiẹ mwẹ Nọyaẹnmwa wẹ rẹn ehe ne iran ghae yi hia.
62
Iyẹn mwẹ ọ re iran naa ne ebi ro iran ghi vbe gha si uma.
63
Ke owiẹ ya sẹ ota mẹ ọ re iran ya gbogiẹ.
64
“Rri iran oya ye emwi ne iran ru Nọyaẹnmwa.
65
Fi iran unu ne u gie egbe wọ iran!
66
Zọ uhio owẹ iran, ne u gie iran gbẹro vbe agbọn na!”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5