bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Matthew 14
Matthew 14
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
ସେଡେବ୍ଳ୍ ଗାଲିଲୀ ଜିଲାର୍ ଶାସନ୍କ୍ର୍ତା ହେରୋଦ୍ ର୍ଜା ଯୀଶୁର୍ ବିଷୟାର୍ କ୍ବର୍ ଶୁଣି ନିଜାର୍ ଚାକର୍ମ୍ନ୍କେ କଇଲା,
2
ଏ ଡୁବେନ୍ ଯୋହନ୍, ସେ ମ୍ଲା ଲକାର୍ ତ୍ଇହ୍ଣି ଉଟିଆଚେ, ସେତାର୍ଗିନେ ଇରିସ୍ବୁ ଶ୍କ୍ତି ତାର୍ ତ୍ଇ ଚମ୍ତ୍କାର୍ କାମ୍ କ୍ରୁଲି।
3
କାଇତାକ୍ ଗାଲିଲୀ ଜିଲାର୍ ହେରୋଦ୍ ର୍ଜା ନିଜାର୍ ବାଇ ଫିଲିପ୍ର୍ ମାଇଜି ହେରୋଦିଆର୍ ଗିନେ ଯୋହନ୍କେ ଦ୍ରି ବାନ୍ଦିକ୍ରି ବନ୍ଦିଗ୍ରେ ହୁରାଇ ରିଲାଇ।
4
କାଇତାକ୍ ଯୋହନ୍ ତାକେ କ୍ଉତିରିଲା, “ତୁଇ ହେରୋଦିଆକେ ବିବା ଅଉତାର୍ ନିଆଇ ନାଇ।”
5
ଆରେକ୍, ହେରୋଦ୍ ର୍ଜା ଯୋହନ୍କେ ମ୍ର୍ନେ ମାରୁକେ ମ୍ନ୍ କ୍ଲେକ୍ ହେଁ ଯିହୁଦି ଲକ୍ମ୍ନ୍କେ ଡିର୍ତିରିଲା, କାଇତାକ୍ ସେମ୍ନ୍ ତାକେ ବବିଶତ୍ କ୍ତା କ୍ଉତାଲକ୍ ବ୍ଲି ମାନ୍ତି ରିଲାଇ।
6
ମ୍ତର୍ ଜ୍ବେ ହେରୋଦାର୍ ଜ୍ର୍ନ୍ ଦିନ୍ ଆଇଲି, ହେରୋଦିଆର୍ ଟକି ଆଇଲା ଗତିଆ ମ୍ନ୍କାର୍ ମ୍ଜାଇ ନାଚିକ୍ରି ହେରୋଦ୍ ର୍ଜାର୍ ମ୍ନ୍କେ ସ୍ର୍ଦା କ୍ଲି।
7
ସେତାର୍ଗିନେ ର୍ଜା ହ୍ର୍ମାଣ୍ କ୍ରି କ୍ତାଦିଲା ଯେ, ସେ ଯାଇରି ହେଁ ମାଗ୍ଲେକ୍, ସେ ତାକେ ସେରି ଦେଇଦ୍।
8
ଆରେକ୍, ସେ ଟକି ନିଜାର୍ ଆଇସିର୍ କ୍ତାଇ ହ୍ଳି କଇଲି, “ମକେ ଡୁବେନ୍ ଯୋହନାର୍ ମୁଣ୍ତ୍ କାଟି ଗଟେକ୍ ତାଳିଏ ଦେ।”
9
ସେତାକ୍ ହେରୋଦ୍ ର୍ଜା ବେସି ଦୁକ୍ ଅଇଲେକ୍ ହେଁ ନିଜାର୍ ହ୍ର୍ମାଣ୍ ଆର୍ ନିଜାର୍ ସ୍ଙ୍ଗ୍ ବଜିଲ୍ଗେ ଆସିରିଲା ଗତିଆ ମ୍ନ୍କାର୍ ଗିନେ, ସେ ଟକିର୍ ଇଚା ହୁରାକ୍ରୁକେ ଆଦେଶ୍ ଦିଲା।
10
ଆରେକ୍, ଲକ୍ ହ୍ଟାଇ ବନ୍ଦିଗ୍ରେ ଡୁବେନ୍ ଦେତା ଯୋହନାର୍ ମୁଣ୍ତ୍ କାଟ୍ଲାଇ,
11
ଆରେକ୍ ଯୋହନାର୍ ମୁଣ୍ତ୍ କାଟି ଗଟେକ୍ ତାଳିଏ ଆଣିକ୍ରି ସେ ଟକିକେ ଦିଲାଇ, ଆରେକ୍, ସେ ତାର୍ ଆଇସିକେ ନ୍ଇଦିଲି।
12
ସେଡେବ୍ଳ୍ ଡୁବେନ୍ ଯୋହନାର୍ ଚେଲାମ୍ନ୍ ଆସି ତାର୍ ମ୍ଳ୍ ଆଣିକ୍ରି ମ୍ସ୍ଣେ ତହ୍ଲାଇ ଆର୍ ଯାଇ ଯୀଶୁକେ ଜାଣାଇଲାଇ।
13
ସେତାକ୍ ଯୀଶୁ ସେରି ଶୁଣି ଡଙ୍ଗାଇ ବ୍ସି ଗଟେକ୍ ଶୁନ୍ସାନ୍ ଜାଗାଇ ବାରିଗ୍ଲାଇ। ମ୍ତର୍ ବେସିଲକ୍ ସେମ୍ନ୍କେ ବାରିଯାତାର୍ ଦ୍କ୍ଲାଇ ଆର୍ ସେମ୍ନ୍ କୁନ୍ତି ଗ୍ଲାଇନି ସେରି ଜାନ୍ଲାଇ, ଆରେକ୍ ଲକ୍ମ୍ନ୍ ସ୍ବୁ ଗଳି ଗନ୍ଦି ବାଟେ ଅଇ ହ୍ଳାଇ ଜାଇ ଯୀଶୁ ଆର୍ ଚେଲାମ୍ନ୍କାର୍ କେଟ୍ଲା ଆଗେ ସେତି ଜାଇ ସେମ୍ନ୍ କେଟ୍ଲାଇ।
14
ଆର୍, ଯୀଶୁ ଡଙ୍ଗାଇ ହ୍ଣି ତ୍ଳେ ଉତୁର୍ଲା, ସେ ବେସି ଲକ୍ମ୍ନ୍କେ ଦ୍କି ସେମ୍ନ୍କାର୍ ଗିନେ ବିସାସ୍ କ୍ରି ଜୀବନ୍ ଦୁକାଇଲା, ଆର୍ ସେମ୍ନ୍କାର୍ କ୍ତେକ୍ ରଗିମ୍ନ୍କେ ବ୍ଲ୍କ୍ଲା।
15
ବେଳ୍ ବୁଡ୍ଲାକେ ଚେଲାମ୍ନ୍ ଯୀଶୁର୍ ଲ୍ଗେ ଆସି କଇଲାଇ, “ଇରି ଶୁନ୍ସାନ୍ ଚିମ୍ରା ଜାଗା ଆରେକ୍ ବେସି ସ୍ଞ୍ ହେଁ ଅଇଲିନି, ଆର୍ ଜ୍ନ୍କ୍ରି ସ୍ବୁ ଲକ୍ ଗାମ୍ ମ୍ନ୍କେ ଯାଇ ନିଜାର୍ ନିଜାର୍ ଗିନେ କାମ୍କେ କାଇ ହେଁ କାଦି ଗେନ୍ତି, ଇତାର୍ଗିନେ ସେମ୍ନ୍କେ ହ୍ଟାଇ ଦିଆସ୍।”
16
ମ୍ତର୍ ଯୀଶୁ ସେମ୍ନ୍କେ କଇଲା, “ସେମ୍ନ୍କାର୍ ଜାତା ଦ୍ର୍କାର୍ ନାଇ, ତୁମିମ୍ନ୍ ସେମ୍ନ୍କେ କାଳାଉଆ।”
17
ସେମ୍ନ୍ ଯୀଶୁକେ କଇଲାଇ, “ଅମାର୍ମ୍ନ୍କାର୍ ଲ୍ଗେ ଇତି ଚୁଚାଇ ହାଁଚ୍ଗଟ୍ ରୁଟି ଆର୍ ଜଳେକ୍ ମାଚ୍ ଆଚେ।”
18
ଯୀଶୁ ଚେଲାମ୍ନ୍କେ କଇଲା, “ହାଁଚ୍ଗଟ୍ ରୁଟି ଆର୍ ଜଳେକ୍ ମାଚ୍ ଇତି ମର୍ଲ୍ଗେ ଆଣା।”
19
ଆରେକ୍, ଯୀଶୁ ଲକ୍ମ୍ନ୍କେ ର୍ନ୍ ଉହ୍ରେ ବ୍ସୁକେ ଆଦେଶ୍ ଦିଲା, ଆର୍ ସେ ସେ ହାଁଚ୍ଗଟ୍ ରୁଟି ଆର୍ ଜଳେକ୍ ମାଚ୍ ନ୍ଇ ସ୍ର୍ଗ୍ ବାଟ୍ ଦ୍କିକ୍ରି ଇଶ୍ଵରାର୍ ଦନ୍ୟବାଦ୍ ଦିଲା ଆର୍ ରୁଟି ଚିଡାଇ କ୍ରି ଲକ୍ମ୍ନ୍କେ ବାଟାକ୍ରିଦେମ୍କେ ଚେଲାମ୍ନ୍କେ ଦିଲା। ଆର୍ ଚେଲାମ୍ନ୍ ଲକ୍ମ୍ନ୍କେ ବାଟାକ୍ରି ଦିଲାଇ।
20
ଆରେକ୍, ସ୍ବୁଲକ୍ ହେଟ୍ ହୁର୍ନେ କାଇକ୍ରି ସାନ୍ତି ଅଇଲା ହ୍ଚେ ରୁଟି ଜ୍ତେକ୍ ଉବୁର୍ଲି ସେରି ସ୍ବୁ ସେମ୍ନ୍ ବାର ଡ୍ଲା ବ୍ର୍ତି କ୍ରି ବେଟ୍ଲାଇ।
21
ହାଁଚ୍ଗଟ୍ ରୁଟି ଆର୍ ଜଳେକ୍ ମାଚ୍ କାଇଲା ଲକ୍ମ୍ନ୍କାର୍ ବିତ୍ରେ, ମାଇଜି ଟକି ଆର୍ ସାନ୍ ହିଲାମ୍ନ୍କେ ଚାଡିକ୍ରି, ପାକାପାକି ହାଁଚ୍ ହ୍ଜାର୍ ଅଣ୍ଡ୍ରାହିଲା ରିଲାଇ।
22
ସେମାଡେ ଯୀଶୁ ତାର୍ ଚେଲାମ୍ନ୍କେ ତାକାର୍ ଡଙ୍ଗାଇ ବ୍ସି ବେଥ୍ସାଇଦା ସ୍ହରାର୍ ସେହାଟିକେ, ସେ କେଟ୍ତା ଆଗେ ଜ୍ମ୍କେ କଇଲା, ଆର୍ ଇ ବିତ୍ରେ ଯୀଶୁ ଲକ୍ମ୍ନ୍କେ ତାକାର୍ ନିଜାର୍ ନିଜାର୍ ଗ୍ରେ ହ୍ଟାଇଲା।
23
ଲକ୍ମ୍ନ୍କେ ହଟାଇଲା ହ୍ଚେ ଯୀଶୁ ପାର୍ତେନା କ୍ରୁକେ ଡଙ୍ଗୁର୍ ଉହ୍ରେ ଗ୍ଲା, ଆରେକ୍ ସ୍ଞ୍ ଅଉତା ହ୍ତେକ୍ ସେ ସେତି ଏକ୍ଲା ରିଲା।
24
ମ୍ତର୍ ଡଙ୍ଗା ସେଡେବ୍ଳ୍ ସ୍ମ୍ଦୁର୍ କ୍ଣ୍ତିଲ୍ଗେ ହ୍ଣି ବେସି ଦୁରିକେ ରିଲି ଆର୍ ଡଙ୍ଗାର୍ ଆଗ୍ହ୍କ୍ ହ୍ବନ୍ ଟେଲ୍ତି ରିଲି ଲାଗି, ଲ୍ଉଡି ଡଙ୍ଗାୟ୍ ହାଇ ତ୍ଳ୍ ମ୍ଲ୍ତି ରିଲି।
25
ଯୀଶୁ କୁକ୍ଳା ଡାକେ ସ୍ମ୍ଦୁରାର୍ ହାଣି ଉହ୍ରେ ଇଣ୍ତି ଇଣ୍ତି ସେମ୍ନ୍କାର୍ ଲ୍ଗେ ଗ୍ଲା,
26
ଆରେକ୍, ଜ୍ଡେବ୍ଳ୍ ଚେଲାମ୍ନ୍ ଯୀଶୁକେ ସ୍ମ୍ଦୁର୍ ଉହ୍ରେ ଇଣ୍ଡ୍ତାର୍ ଦ୍କି ସେମ୍ନ୍ ଡିରି ଗ୍ଲାଇ ଆର୍ ଚ୍ମ୍କି କ୍ରି କଇଲାଇ, “ଇରି ତ ବୁତ୍।” ଆର୍ ସେମ୍ନ୍ ଡିରିକ୍ରି ବେଲ୍କି ଅଇଲାଇ।
27
ମ୍ତର୍ ଯୀଶୁ ସେମାଡେ ସେମ୍ନ୍କାର୍ ସ୍ଙ୍ଗ୍ କ୍ତା ଅଇ କଇଲା, “ସାସ୍ ଦ୍ରା! ଇରି ମୁଇ ଯୀଶୁ, ଡିରାନାଇ।”
28
ସେଡେବ୍ଳ୍ ପିତର୍ ଉତର୍ଦିଲା, “ଏ ମାପ୍ରୁ, ଇରି ଯଦି ତୁଇ, ତ୍ବେ ହାଣି ଉହ୍ରେ ଇଣ୍ତିକ୍ରି ତର୍ଲ୍ଗେ ଆସ୍ତାର୍ ଗିନେ ମକେ ଆଦେଶ୍ ଦେ।”
29
ଯୀଶୁ କଇଲା, “ଆସ୍।” ସେତାକ୍ ପିତର୍ ଡଙ୍ଗାୟ୍ ହ୍ଣି ଉତ୍ରି ହାଣି ଉହ୍ରେ ଇଣ୍ତି ଯୀଶୁର୍ ଲ୍ଗେ ଜ୍ମ୍କେ ଆରମ୍ କ୍ଲା।
30
ମ୍ତର୍ ପିତର୍ ସ୍ମ୍ଦୁରାର୍ ହ୍ବନ୍କେ ଦ୍କି ଡିରି ଗ୍ଲା, ଆର୍ ଜ୍ଡେବ୍ଳ୍ ସେ ବୁଡି ଜ୍ମ୍କେ ଲାଗ୍ଲା ବେଲ୍କି ଅଇକ୍ରି କଇଲା, “ଏ ମାପ୍ରୁ, ମକେ ଉଦାର୍ କ୍ର୍!”
31
ଯୀଶୁ ସେମାଡେ ଆତ୍ ଲାମାଇ ପିତର୍କେ ଦ୍ରି କଇଲା, “ଏ ଅଳକ୍ ବିଶ୍ବାସି କାଇତାକ୍ ଡାଉଟ୍ କ୍ଲିସ୍?”
32
ଆରେକ୍, ସେମ୍ନ୍ ଡଙ୍ଗାଇ ଚ୍ଗ୍ଲା ହ୍ଚେ ହ୍ବନ୍ ତିର୍ ଅଇଲି।
33
ସେତି ଡଙ୍ଗାଇ ରିଲା ଲକ୍ମ୍ନ୍ ଯୀଶୁକେ ମୁଣ୍ତିଆ ମାରି କଇଲାଇ, “ତୁଇ ସ୍ତ୍କ୍ରି ଇଶ୍ଵରାର୍ ହଇସି।”
34
ସେଡେବ୍ଳ୍ ଯୀଶୁ ଆର୍ ତାର୍ ଚେଲାମ୍ନ୍ ଡଙ୍ଗାଲ୍ଗେ ଗାଲିଲୀ ଜିଲାର୍ ସ୍ମ୍ଦୁର୍ ମ୍ଜିକେ ବୁଲିକ୍ରି ଗିନେସରତ୍ ସ୍ହର୍ ବାଟାର୍ ସ୍ମ୍ଦୁର୍ କ୍ଣ୍ଡି ଲ୍ଗେ କେଟ୍ଲାଇ।
35
ଆରେକ୍, ସେ ଜାଗାର୍ ଲକ୍ମ୍ନ୍ ଯୀଶୁକେ ଚିନି ସେ ଚାରିହାକ୍ ସ୍ବୁ ଗାମ୍କେ କ୍ବର୍ ହ୍ଟାଇଲାଇ ଆର୍ ଲକ୍ମ୍ନ୍ ସ୍ବୁ ରଗିକେ ତାର୍ ଲ୍ଗେ ଆନ୍ଲାଇ।
36
ଆରେକ୍, ସେମ୍ନ୍ ଜ୍ନ୍କ୍ରି ଯୀଶୁର୍ ହ୍ଚିଆର୍ ଆଚଡ୍କେ ଚୁଉତି, ଇରି ତାକେ ଗ୍ୱାରୁକେ ଲାଗ୍ଲାଇ, ଆରେକ୍ ଜ୍ତେକ୍ ଲକ୍ ତାକ୍ ଚୁଇଲାଇ, ସ୍ବୁଲକ୍ ବ୍ଲ୍ ଅଇଲାଇ।
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28