bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Deuteronomy 33
Deuteronomy 33
Chin (Mara Bible RV (BSI))
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
1
He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.
2
Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.
3
A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.
4
Mawsi ta ryhpa miah pie ta, Zakaw pathlazy ryuto châta miah a pie.
5
Phopi hyutuhpazy amâ hmaoh nota, Izarei chi zydua hmaohkha ta ama y nota, Abeipa cha Zesuruh liata bei ta a y.
6
“Rubena cha hroh sala, Thi khah sy; A pathla maluh deikua, Chyh mawh sy.”
7
Zudâh châta byhnâ awna: “Hy Abeipa, Zudâh ao nathlie la, A phopi lâ a chhi mah y. Nâma ku ta a chariahzy a dyuhpa la, Ano baotuhpa châ mah y.”
8
Livai châta byhnâ awna: “Livai hnohta na Thumi pie la, Na mopathaihpa hnohta na Uri pie mah y. Ano cha Mâsâ liata pasia chi ta, Meribâ tizy liata na pahao.
9
Na bie a ngiah ta, Na biehrai a zyhpa vâta, A nô nata a paw kyh liata, ‘Pachâ veih ei na’ tah ta; A unawhzy pahno leipa ta, A sawzy tlai chhao uasa vei.
10
Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.
11
Hy Abeipa, a sôh nata piah byhnâ pie la, A ku raihria a pyh mah y; A khakhaipazy chai chhawh la, Ama thyu khao lei nawpa ta, Ano a haotuhpazy chai chhawh mah y.”
12
Benzami châta byhnâ awna: “ Abeipa kho ngaitapa cha, A hnohta â bohpa ta pahrâ mawh sy; Abeipa ta noh y ta vaih sala, A ngiatlâhzy likawh liata pahrâ mawh sy.”
13
Zawsi châta byhnâ awna: “ Abeipa ta a râh byhnâ pie sala, Avâ hmo sôhpa diati patlasa sala, Alei ry lâta ti athupazy pie mawh sy.
14
Noh thei sôhpazy pie sala, Thla kôvei phazy pie mawh sy.
15
Tlâhpi hlôpazy liata hmo pha chaipazy pua sala, Tlâhthlôh zôpazy liata hmo sôh chaipazy pua mawh sy.
16
Alei hneirôna byhnâzy â kipa ta to sala, Chhobuh liata a pahrâpa khokheina to mawh sy. Cha byhnâzy cha Zawsi luh chô liata y sala, A unawhzy hry liata luh chaipa laki liata y mawh sy.
17
Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”
18
Zebulawna châta byhnâ awna: “Zebulawna y, na siena maih lia a ly la, Iskâra y, na poh ozy liata a ly mah y.
19
Tilaipi hneirônazy thaoh ei ta, Raphyu liata ryu a pabupazy ama thaopa vâta, Phopizy ama tlâhpi lâ a vy awpa ta hrua aw ei ta, Cha liata atheihna dopazy ama hlâ aw.”
20
Kâdâ châta byhnâ awna: “Kâdâ râh a pakawhtuhpa cha, Reithaipa ta y mawh sy! Kâdâ cha chakeibarôhneipa hawhta a byu ta, Bâh nata luhzy a hriechheihpa a châ.
21
Hyutuhpa tovyuh pahlôhpa a châpa vâta, Râh pha chaipa ano châta a tlyh ta; Phopi chhituhpazy ano lâ a vy ei ta, Abeipa adona ta bie pachia ta, Izarei châta a bieraopazy hawhta a pachia.”
22
Dânâ châta byhnâ awna: “Dânâ cha chakeibarôhneipa lochopa châ ta, Bâsanâ tawhta a vaw zawpa a châ.”
23
Nâthalai châta byhnâ awna: “Hy Nâthalai, khokheina vâta lôhrâtlôpa ta y chi ta, Abeipa byhnâ to a topa na châ; Notla râhzy pahrâ la, Chho râhzy pahrâ mah y.”
24
Asera châta byhnâ awna: “Asera cha sawchapawzy hry liata byhnâ to chai sala, A unawhzy khokheina hlaopa ta, Sathaw liata a phei ny mawh sy.
25
Na thokhy chhikao hrainazy cha, Thua nata dawh châ sala; Na hro chhôh zydua ta Thatlôpa ta y mah y.”
26
“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.
27
Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.
28
Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.
29
“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34