bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin SCB2 (Syin Chin Bible)
/
2 Chronicles 35
2 Chronicles 35
Chin SCB2 (Syin Chin Bible)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Josiah kumpipa in Topa patoaina in Jerusalem khua ah Paisan Poai vawt hi; a tha masabel, ni sawm le ni li ni in tua poai atu in ngannote kingo hi.
2
Ama in thiampite ii Biakinnpi sungah a nasep tu seesakin amate nasep tek a phatak a sep natu in hanthawn hi.
3
Ama in Topa tungah a ki aap Israel syate ahi Levi te tungah hi thute hil hi: “David tapa Solomon kumpipa ii a sak Biakinnpi sungah tua Thuciamna Thingkuang thiangtho koi vun. Tua sia mun khat pan mun khat ah khiin kawkoai nawn heak vun, Topa na Pathian le Israel a mite ii na seam tunu hi.
4
David kumpipa le a tapa Solomon ii nasep hong seesak bangin Biakinnpi sungah bee le phung zui in panmun la tek vun a,
5
Noma pawlkhat in Israel mi sungah bangkua khat sim hu a kul ciang, na hu paih thei natu noma ma vaihawm vun.
6
Noma in Paisan Poai atu in tuunote le kealte ngo tu nu hi. Tu in Topa ii Moses tungah a piak thuhilnate Israel na mipuite ii a zui thei natu in noma le noma a zeksa om bangin kithiangsak vun a, sangaw biakpiaknate pia tu in kinging vun,” ci hi.
7
Josiah kumpipa in Paisan Poai hun sung mipite zak tu in ama ii khoai nganhonte sung pan tuute, tuunote le kealnote a vekpi 30,000 le khuital 3,000 pia hi.
8
A uliante zongh in mipite, thiampite le Levi te zak tu in pia tek hi. Biakinnpi uk uliante — Thiampi Lianbel Hilkiah, Zechariah le Jehiel — in tua poai sungah sangaw biakpiaknate a tu in thiampite tungah tuuno le kealno 2,600 le khuital 300 pia uh hi.
9
Levi lampuite — Conaniah, Shemaiah le a suapuipa Nethanel, Hashabiah, Jeiel le Jozabad — in tuuno le kealno 5,000 le khuital 500 sia Levi te ii sangaw biakpiaknate a tu in pia uh hi.
10
Paisan Poai atu in na theampo a vaihawm siat zawkciang kumpipa ii thupiak bangin thiampite le Levi te in amate nasepna mun tek ah om uh hi.
11
Tuu le keal a kingaw zawkciang Levi te in a vun hoai in thiampite in biaknatau tungah a chi the uh hi.
12
Tua zawkciang Moses Thukham sungah hilna om bangin a piak thei tu in meihal biakpiaknate a tu ngannote sia amate in a innkuan pawl tuatuamte zui in mipite hawmsak hi.
13
Levi te in ngeina om bangin Paisan Poai sangawte sia mei tungah em in a thiangtho biakpiakna sate sia bealte, bealpeu a lian a no te sungah huanin mipite tungah manlang takin hawmsak hi.
14
Hiteng a vawt zawkciang Levi te in amate atu le Aaron suan thiampite atu in sa hawm uh hi, banghang ziam cile ngannote pum bup halna le sangaw biakpiaknate pan a sathaute a halna in thiampite zan dongin komla uh hi.
15
Asaph bee le phung pan a nuai a Levi music thiamte sia David kumpipa thupiakna bangin nasep kiseena munte ah om tek hi: Asaph, Heman le kumpipa ii kamsaang Jeduthun ahi uh hi. Biakinn kongpi cingte in a cinna mun tek nusiat kul ngawl hi; banghang ziam cile amate atu in Levi dangte in Paisan Poai kingingsak uh hi.
16
Tua ahikom Josiah kumpipa thupiak bangin Topa biakna Paisan Poai vawtna a tu le biaknatau tungah meihal biakpiaknate a tu teng tua ni in a vekpi kivawt siat hi.
17
Tua munah a om Israel mite a vekpi in Paisan Poai le Tol Kisaw ngawl Anluum Poai ni sali sung vawt uh hi.
18
Kamsaangpa Samuel hun lai pan kipan Paisan Poai hi bangin kivawt ngeingawl hi. Paisan Poai sia Josiah kumpipa, thiampite, Levi te le Judah, Israel le Jerusalem mite ii
19
Josiah kumpi maan zawk kum sawm le kum liat kum in, a vawt bangin tua masia kumpite kuama in vawt ngeingawl hi.
20
Josiah kumpipa in Biakinnpi atu in hite theampo a vawt zawkciang Egypt kumpipa Neco in Euphrates ngun tungah a om Carchemish ah ngalsim tu in a ngalkaphonpi paipui hi. Josiah in ama tawlngaksak tu in hanciam hi,
21
ahizong Neco in Josiah tungah hi bangin thupuak hi: “Judah kumpipa awng, ka ngalsim tu sia nang taw kisai ngawl hi. Nang hong sim tu in hong pai hi ngawl a, ka ngalte a sim tu in a kuan ka hi hi. Pathian in manlangin hong sawl hi. Pathian in keima sangah pang ahikom kei hong nalh heak in, tua ahibuale ama in nang hong susia tu hi.”
22
Ahihang Josiah in sim sawm veve hi. Ama in Pathian ii Neco kumpipa tungtawnin a thusonte na ngai ngawlin kimealseal in Megiddo zaangtam ah ngalsim hi.
23
Ngal kisim sungin Egypt te ii thaltangte in Josiah kumpipa kha hi. Ama in a naseamte tungah, “Hong taipui tavun; nasia liam khi hi!” ci in thupia hi.
24
Amate in a siphu ngalleang tung panin toai in tua munah a om ama siphu ngalleang niina sia tungah suanh in Jerusalem ah paipui uh hi. Tua munah ama thi in kumpite thaan ah kiphum hi. Judah le Jerusalem mite theampo ama thi hu in khuangai tek uh hi.
25
Kamsaangpa Jeremiah in Josiah kumpipa atu in khuangai la khat phuak hi. Ama atu khuangai in a kaa uh ciang la sate in nupite ahizong pasalte ahizong hi khuangai la a zak uh sia Israel te ngeina suak hi. Tua late sia khuangai late khoptuana sungah kimu hi.
26
Josiah ii a sep theampo — Topa tungah a kipiakna, Thukham a zuina,
27
le ama taanghthu a kipatna pan a tawpna dong — Israel le Judah Kumpipate Taanghthu sungah kiciamtee siat hi.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36