2 Chronicles 4

Chin SCB2 (Syin Chin Bible)

← Chapter 3 Jump to: Chapter 5 →

1Solomon kumpipa in king khat metre 9 veu a zai, a saanna metre 4.5 a pha, king li nei biaknatau khat taau taw vawtsak hi.

2Ama in metre 2.2 a thuk, a khuangmai zaina metre 4.4 a pha, a kiimkot sauna metre 13.2 a pha, taau tuikuang beam khat zongh vawt hi.

3Tuikuang ngongvang puasang a king kiimkot ah a kithuap ngual nii in zeam hi. A zepnate sia khuital lim hi a, tuikuang taw sa khat in a kisung ahi hi.

4Tua tuikuang sia a puasang a nga, taau khuital sawm le nii te nungzaang ah kinga a, tua khuitalte in thum sim veu in ngatna khat tek nei hi.

5Tuikuang panghte sia millimetre 75 saa hi. A ngong sia haingong taw kibang a, paakpalh bangin a puasang ah deal hi. Tuikuang sungah tui litre 60,000 bang ta hi.

6Amate in kuangtung sawm zongh vawtin nga sia Biakinnpi thangsang ah koi in, a saksang ah nga koi hi. Tuate sia sangaw biakpiakna in a kihal sabakte silna in zak tu ahi hi. Kuangpui sungah tui sia thiampite kisil natu hi.

7Amate in a vawt ngei bangin khamh meidetna khuam sawm le sabuai sawm vawtin Biakinnpi ii a lai inndoi sungah koi in, a lang le lang ah meidetna khuam nga le sabuai nga veu kikoi hi. Khamh khawbeam zakhat zongh kivawt hi.

9Amate in thiampite atu in a sungsang leitual vawt a, a puasang leitual khat zongh vawt hi. A kilaklaw ah a om kongpite ii kongkhate sia taau taw kituam hi.

10Tuikuang sia Biakinnpi ii nisuana thangsang king nai ah kikoi hi.

11Huram in bealte, kawkeaute le khawbeamte zongh vawt hi. Ama in Biakinnpi atu in, Solomon kumpipa tungah a vawt tu a kamciamsa nate theampo vawt siat a: Khuam nii Khuam dawn ah kuang taw a kibang khuam dawnbawk nii Khuam dawnbawk sim ii tungah a kipheak thikkualte Khuam dawnbawk khat sim kiimkot ngual nii in, a kingual taau talee nga zali Khuileang sawm Kuangtung sawm Tuikuang Tuikuang ngakna khuital sawm le nii Bealte, kawkeaute le thikkeaukaate ahi hi. Khutthiam syapipa Huram in hi vanhte theampo sia Solomon kumpipa thupiak bangin Topa Biakinnpi sungah zak tu in taaunawtsa taw in vawt hi.

17Kumpipa in hi teng theampo sia Sukkoth le Zeredah kilaklaw Jordan kuam taau seakna munah vawtsak hi.

18A vawtsa na tam mama ahikom taau a kizangh theampo ii ngitna kuama in he zo ngawl hi.

19Solomon kumpipa in Biakinnpi a zak tu a cingin khamh van zakte zong vawt hi: biaknatau le Topa atu biakpiakna anluum sabuaite;

20Ngealna om bangin meidetna khuamte le Thiangthobel Mun mai ah det tu khamh pha taw a kivawt meiinnte;

21paak zepna te, meiinnte, taitee te;

22meiinn ciang te, kuangte, ngimnamtui halna pakante le meikam toaina bealpeute ahi hi. Hi nazakte a vekpi in khamh ciitak taw kivawt hi. Biakinnpi puasang kongkhate le Thiangthobel Mun sang kongkhate sia khamh taw kituam hi.

← Chapter 3 Jump to: Chapter 5 →