Ezekiel 48

Chin SCB2 (Syin Chin Bible)

← Chapter 47 Jump to:

1Saksang ngamngi sia Mediterranean tuipi pan nisuana sang ah pai a, Hethlon khuapi, Hamath Ciangh, Enon khuapi, Damascus le Hamath kumpi ngamte kilaklaw ngamngi dong ahi hi. Minam khat simin leitang khen khat tek, nisuana ngamngi pan nitumna sang Mediterranean Tuipi dong, a nuai a kingual bangin sak pan thang dong nga tu hi. Dan Asher Naphtali Manasseh Ephraim Reuben Judah

8Tua zom leitang khen sia a zak tuam tu in kituam koi tu hi. Hi sia saksang pan thangsang dong kilometre 12.5 zai a, a minamte leikhen a kipiak bangma in nisuana pan nitumna dong a sauna kibang tu hi. A Biakinnpi sia hi leikhen sungah om tu hi.

9Hi leikhen ii laisaan ah kilometre 12.5 a sau, kilometre 10 a zai muntuam khat sia Topa atu in kipia tu hi.

10Hi a thiangtho mun ii leikhawk khat sia thiampite ii neisa hi tu hi. Amate ii leikhawk sia nisuana pan nitumna ah kilometre 12:5, sak pan thang kilometre 5 pha tu hi. Topa ii Biakinnpi sia hi mun ii a laizang santak a kikoi tu hi

11Hi mun thiangtho sia Zadok suan le paal thiampite atu ahi hi. Amate in ka na thumaan takin hong sepsak a, Israel dangte ii ngamtat khialnate ah Levi minam sung pan a dangte kihel bangin amate kihel ngawl hi.

12Tua ahikom amate in Levi te leitang neina mun taw kizomin muntuam khat nei tu a, tuasia a thiangthobel mun hi tu hi.

13Levi te zongh in muntuam khat nei tu a, thiampite leikhawk ii thangsang hi tu hi. Hi mun zongh nisuana pan nitumna dong kilometre 12.5 hi tu a, saksang pan thangsang dong kilometre 5 hi tu hi.

14Topa tungah a ki aapna mun sia leitang a phabelna mun hi a, hi mun sia midang khat pawpo tungah kizuak thei ngawl, kitheak thei ngawl, kikhiin thei ngawl tu hi. Tua mun sia thiangtho a, Topa neisa ahi hi.

15A taanglai a tuam vilvel mun sia kilometre 12.5 sau in kilometre 2.5 zai a, a thiangtho mun ahi ngawl hang mite ii a dei bangin a zak tu ahi hi. Tua munah amate teangin leitangte zangh thei tu hi. A khuapi sia a laizang ah om tu a,

16tua pangh li teng kikim in, a pangh khat sim metre 2,250 hi tu hi.

17Khuapi kiimkot sia a pangh simin metre 125 a zai mun awng khat veu om tu hi.

18Khuapi a kisaat zawkciang mun awng lai leitang, mun thiangtho ii thangsang lian mun khat — kilometre 5 kilometre 2.5 a pha nisuana sang mun le kilometre 5 kilometre 2.5 a pha nitumna sang mun sia ah khuapi sung a teang mite in longam in zangh tu hi.

19Khuapi sungah a teang pawpo akua minam ahizong tua munah lotho thei tu hi.

20Tua ahiciang a khen laizang ah a kikoituam mun buppi sia pangh li nei tu a, pangh khat sim kilometre 12.5 pha tu hi, tua ii sungah khuapi mun zongh kihel tu hi.

21Biakinnpi omna mun ii nisuana sang le nitumna sang ah thiampite leitang, Levi te leitang le khuapi a taanglai leitang teng sia ngamukpa ii neisa ahi hi. Tuasia in nisuana sang ah nisuana ngamngi dong, nitumna sang ah Mediterranean Tuipi dong, saksang pan Judah ngamkhen le thangsang pan Benjamin ngam khen dong ahi hi.

23Hi muntuam ii thangsang, a taanglai Israel minamte in leitang khen khat tek, nisuana sang ngamngi pan nitumna sang Mediterranean Tuipi dong, saksang pan thangsang dong a nuai a bangin nga tu hi. Benjamin Simeon Issachar Zebulun Gad

28Gad minam a piakna mun ii thangsang ngamngi sia Tamar pan nitumna thangsang Kadesh Ciktui dong, tua zawkciang Egypt ngamngi dung pan nitumna saksang Mediterranean Tuipi dong ahi hi.

29Vaanglianpipa Topa in, “Tuabangin Israel minamte ii tan tu in a ngam leitang sia a khen, a khen in kihawm tu hi,” ci hi.

30Jerusalem khuapi sung tumna sawm le nii om hi. Pang li te sung pan pang khat simin metre 2,250 pha a, tuate khat sim in kongpi thum tek nei in kongpi khat sim minam khat ii min veu kivaw hi. Saksang pang a kongpite ii minte sia Reuben, Judah, le Levi hi a; nisuana sang pang a kongpite sia Joseph, Benjamin le Dan hi a; thangsang pang a kongpite sia Simeon, Issachar le Zebulun te hi a; nitumna sang pang a kongpite sia Gad, Asher le Naphtali ahi hi.

35Khuapi ii pangh li teng a kiim uum pang sia ii sauna kingawm sia metre 9,000 pha hi. Tu pan kipan tua khuapi ii min sia, ‘Hi munah Topa om hi!’ “Jehovah Shammah” hi tu hi.

← Chapter 47 Jump to: