bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Dagbani
/
Dagbani Bible (Naawuni Kundi Kasi)
/
2 Kings 25
2 Kings 25
Dagbani Bible (Naawuni Kundi Kasi)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Ka Zɛdɛkia daa ti zaɣisi ni o ku lan jɛm Babilɔn naa. O ni daa di nam zaŋ chaŋ yuma awɛi saha gol’ so ŋun pahiri pia biɛɣu pia dali, ka Babilɔn Naa Nɛbukadnɛza daa zaŋ o tɔbbihi zaa kana nti liri Jɛrusalɛmnima n-teei gili bɛ tiŋ’ maa; ka me bindura tabili di gooni gil’ li ti tuui.
2
Ka bɛ daa kul doya gil’ tiŋ’ maa m-mali hal ti paai Naa Zɛdɛkia ni daa di nam maa yuun’ piniyini saha.
3
Di yuuni maa ni gol’ so ŋun pahir’ anahi daba awɛi dali, ka bindirigu daa lan ka tiŋ’ maa ni, ka kum lu niriba maa zuɣu.
4
Babilɔnnim’ ni daa kul teei gili bɛ tiŋ’ maa zaa yoli, bɛ daa chibi tiŋ’ maa gooni voli, ka Naa Zɛdɛkia min’ o tɔbbihi zaa daa doli voli maa yi goma ayi sunsuuni. Naa puu polo ka bɛ daa doli yi yuŋ n-zɔri kpari Jɔɔdɛn Mɔɣili polo.
5
Amaa ka Babilɔn tɔbbihi daa kari doli Naa Zɛdɛkia hal ti paag’ o Jɛriko bɔpiɛligu ni, ka o tɔbbihi zaa daa zo ka chɛ o.
6
Ka bɛ daa gbaai Naa Zɛdɛkia n-zaŋ o tahi Babilɔn Naa sani Ribila, ka o daa kar’ o saria.
7
Ka bɛ daa gbahi Naa Zɛdɛkia bidibisi n-ku ba o ninni, ka kpaɣ’ o mi nina; ka ba o bandi n-zaŋ o kuli Babilɔn.
8
Babilɔn Naa Nɛbukadnɛza ni daa di nam zaŋ chaŋ yuun’ pisiyinika puuni gol’ so ŋun pahir’ anu daba ayopɔin dali, ka Babilɔn naa kpambal’ so ŋun daa nyɛ o tɔbbihi sapashin’ kpeen’ so ŋun yuli daa booni Nɛbuzaradan la daa ka Jɛrusalɛm na.
9
O daa kamina ti nyo Yawɛ jɛmbu duu mini nayili ni Jɛrusalɛm yiya zaa buɣim. O daa nyo yil’ karili kam buɣim.
10
Ka Babilɔn tɔbbihi bɛn zaa daa be sapashin’ kpɛm’ maa sani daa daai goon’ shɛŋa din daa gili Jɛrusalɛm la zaa luhi.
11
Ka sapashin’ kpɛm’ Nɛbuzaradan daa zaŋ ninvuɣ’ shɛb’ bɛn daa kpalim be tiŋ’ maa ni mini bɛn daa zaŋ bɛmaŋ’ ti Babilɔn Naa Nɛbukadnɛza la ni ninvuɣ’ gbaliŋ bɛn zaa pahi kuli.
12
Amaa sapashin’ kpɛm’ maa daa naɣ’ chɛla tiŋgbɔŋ maa ni nandaamba shɛba ni bɛ maani tihi puri ka kɔra.
13
Ka Babilɔnnim’ daa ŋme n-wurim daanya daantalisi mini tɔrokɔnim’ daanya ni daanya kɔniŋdi bin’ titali din daa be Yawɛ jɛmbu duu la, ka kpuɣi daanya maa kuli Babilɔn.
14
Bɛ daa lan kpuɣi duɣuri mini soobuya ni bɛ ni mali binshɛŋa n-kpihindi firilanima ni tulaale zim lahi ni daanya la’ shɛŋa zaa bɛ ni daa mali tumdi tuma Naawuni jɛmbu duu puuni la.
15
Bɛ daa lan kpuɣi bɛ ni mali binshɛŋa moori buɣim mini lahi. Ka sapashin’ kpɛm’ maa daa kpuɣi bɛ ni zaŋ salima mini anzinfa mali binshɛŋa zaa kuli.
16
Ka daantalis’ ayi mini kɔniŋdi bini ni tɔroko’ shɛŋa Sulemaana ni daa mali niŋ Yawɛ jɛmbu duu la, di zaa daanya daa galisiya pam hal ka bɛ ku tooi buɣisi baŋ di tibisim ni nyɛ shɛm.
17
Daantalisi maa zaɣ’ yini kam dubu daa nyɛla mita anii, ka daanya binkpilli daa tam di zuɣusaa, ka di mi dubu nyɛ mita yini ni biɛla; ka bɛ zaŋ daanya mali pumpɔrinchihi kɔtomsi n-kɔɣili biŋkpilli maa gili n-dihi li nachiinsi. Ka daantal’ shɛli din pah’ ayi gba daa bemi kaman dini maa.
18
Di saha ka tɔbbihi bɛn guli naa sapashin’ kpɛm’ la daa gbahi maligumaaniba zuɣulana Sɛraya mini Zɛfania ŋun daa nyɛ maligumaana m-pa o zuɣu la ni dunɔguliba ata.
19
O daa lan nya do’ so ŋun daa pun nyɛ tɔbbihi sapashin’ kpɛm’ mini niriba anu shɛb’ bɛn daa nyɛ naa saawaranima tiŋ’ maa puuni n-gbahi ba. Ka o daa lan nya tɔbbihi sapashin’ kpɛm’ gbaŋŋmara ŋun daa su bɛ tiŋgbɔŋ maa niriba laɣimbu tuma la mini ninvuɣ’ pihiyɔbu tiŋ’ maa puuni n-gbahi ba.
20
Ka tɔbbihi bɛn daa guli naa la sapashin’ kpɛm’ Nɛbuzaradan daa zaŋ ba tahi Babilɔn naa sani Ribila.
21
Ka Babilɔn naa daa ti chɛ ka bɛ bu ba, ka ku ba Ribila din be Hamat tiŋgbɔŋ ni la. Bɛ ni daa gbahi Judanim’ maa bɛ tiŋgbɔŋ ni kuli tinzun’ tiŋgbɔŋ ni shɛm m-bala.
22
Di saha ka Babilɔn Naa Nɛbukadnɛza daa zaŋ Gɛdalia Ahikam bia ŋun daa nyɛ Shafan yaaŋa la n-leei gomna ka o su o ni daa chɛ ninvuɣ’ shɛb’ niŋ Juda tiŋgbɔŋ ni la fukumsi.
23
Ka sapashinnim’ mini bɛ tɔbbi’ shɛb’ bɛn daa be kpaŋ’ la zaa daa wum ni Babilɔn naa zaŋ Gɛdalia leei gomna, ka zaŋ bɛ tɔbbihi maa n-kuli Gɛdalia sanna Mizipa. Bɛ yuya n-daa nyɛ: Nɛtania bia Ishimail mini Karia bia Jɔhanan ni Tanhumɛt ŋun daa nyɛ Nɛtɔfa nir’ la bia Sɛraya ni Maakati nir’ la bia Jaazania.
24
Ka Gomna Gɛdalia daa lo ba alikauli yɛli, “Di zɔriya Babilɔn sapashinnim’ dabiɛm, kpalimmiya be ti tiŋgbɔŋ ŋɔ ni n-jɛmdi Babilɔn naa, ka binshɛlikam niŋ viɛnyɛliŋga yi sani.”
25
Amaa di saha maa zaŋ chaŋ gol’ so ŋun pahir’ ayopɔin ni, ka Nɛtania bia Ishimail ŋun daa nyɛ Ɛlishama yaaŋa, ka nyɛ ŋun daa yi nam zuliya ni na la daa zaŋ ninvuɣ’ pia pa omaŋ’ zuɣu n-kana ti liri gomna Gɛdalia n-ku o. Bɛ daa lan ku Izraɛlnim’ mini Babilɔnnim’ bɛn daa be o sani Mizipa maa.
26
Dimbɔŋɔ nyaaŋa ka sapashinnim’ maa mini bɛ tɔbbihi ni niriba bɛn zaa nyɛ tarimba ni wɔɣira daa yiɣisi kuli Ijipti, dama bɛ daa zɔrila Babilɔnnima.
27
Juda Naa Jɛhoyachin ni daa be tinzun tiŋgbɔŋ maa ni zaŋ chaŋ yuun’ pihitanaayopɔin puuni gol’ so ŋun pahiri pinaayi biɛɣ’ pisinaayopɔin dali ka Ivilmɛrɔdak daa leei Babilɔn naa, ka niŋ Juda Naa Jɛhoyachin nirilim yih’ o sarika ni.
28
Ɛvilmɛrɔdak daa tɔɣisi Naa Jɛhoyachin nirilim yɛtɔɣa, ka ti o jilima ʒiishee n-gari na’ shɛb’ bɛn daa be o sani Babilɔn tiŋgbɔŋ maa ni.
29
Ka Jɛhoyachin daa pirig’ o dansarika binyɛra sɔŋ; ka daa kul’ diri nayili bindirigu hal ni o nyɛvili tariga.
30
Ka naa Ivilmɛrɔdak daa kul tir’ o o dabisili kam laɣ’ dira hal ni o nyɛvili tariga.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25