bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Dagbani
/
Dagbani Bible (Naawuni Kundi Kasi)
/
Song of Solomon 5
Song of Solomon 5
Dagbani Bible (Naawuni Kundi Kasi)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 6 →
1
N tizɔpaɣa ni n daamiliya n kpe m puu maa ni. N laɣim n tulaalɛnim’ mini mɛɛr. N di n shigbana shiri. N nyu n wain ni m bihim. Zɔrinima, dimiya ka nyu, n yurinima, nyumiya yurilim hal ti buɣi.
2
N daa gbihimi, amaa ka n suhu lee ne. Wumma, n yura n-kpahiri n dunoli maa. N yura ni n tizɔpaɣa, yoomi ka n kpɛna. N ŋmani ŋun luɣ’ shɛli ka galimi. Maligim lumi mahigi n zuɣu, ka yuŋ paɣili kpe m-mahigi n zabiri.
3
M pun pirigi n situra, n lan zaŋm’ li so yaha? M pun paɣi n naba, n lan niŋmi n-chɛ ka di daɣi?
4
Ka n yura maa daa zaŋ o nuu daai dunoli, ka n suhu dii kpe o ni.
5
Ka n daa yiɣisi ni n yoog’ o ka o gari. N ni daa zaŋ n nuu gbaai bɛ ni gbaari binshɛli yoori dunoli ni n yooi, n nuhi daa puɣila mɛɛr zim, ka n nubihi daa tɔɣiri mɛɛr kom.
6
N daa yooi dunoli maa ti n yura maa, amaa ka o bi kpɛna ka ŋmaligi chaŋ. N ni daa kul wum o kukoli, ka n suhu kpe o ni. Ka n daa yina lihi bo o, amaa ka bi nya o. Ka n daa bol’ o, amaa ka o bi garigi.
7
Ka tiŋguliba daa chani gindina ti nya ma n-gbaai ma bu ma ti ma dansi. Ka tiŋ’ maa gooni guliba daa darigi fuɣi n chinchin’ shɛli din gbini n nyiŋgoli ni.
8
Jɛrusalɛm paɣiba, pomiya ni yi yi nya n yura maa, yi ni yɛl’ o ni n lula bole o zuɣu.
9
Paɣiba ni paɣ’ viɛlli, a yura maa bela o ko ka chɛ shɛba? Bɔ ka a yura maa lee zaŋ gar’ o taba ka a ti yɛli ti lala?
10
N yura maa viɛlimi pam ka mali yaa. Ninvuɣ’ tuhili puuni so bi ŋman’ o.
11
O zuɣu nyɛla salima alali. O zabikpila kul gahirimi, ka sabigi kaman kahiŋkɔɣu la.
12
O nina ŋmanila ŋmana bɛn ʒe kɔzɔrim noli, ka nyɛ bɛ ni zaŋ bihim paɣi shɛba.
13
O kparima ŋmanila tulaale tihi vuɣa din wandi tulaale din nyom viɛla. O naŋgbampiba ŋmanila paɣiviɛligakushihikom, ka mɛɛr kom be di ni.
14
O bɔɣiri nyɛla salima, ka yɛri din viɛli dolibi pir’ o bɔɣiri maa. O niŋgbuna nyɛlisirimi kaman wɔbinyina mini safaya kuɣa la.
15
O biɛhi ŋmanila alabasita daantalisi din tam salima binzahi zuɣu. O biɛhigu ŋmanila Lɛbanɔn sida ti’ gahinda.
16
O yɛtɔɣa nyaɣisi pam, ka o biɛhigu zaa mali kɔre pam. Jɛrusalɛm paɣiba, n yura ni n zo maa ni be shɛm m-bala.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 6 →
All chapters:
1
2
3
4
5
6
7
8