Song of Solomon 6

Dagbani Bible (Naawuni Kundi Kasi)

← Chapter 5 Jump to: Chapter 7 →

1Paɣiba ni paɣ’ viɛlli, a yura maa lee be ya? Wuhim’ ti a yura maa ni kpa shɛli polo ka ti bo o sɔŋ a.

2N yura maa chaŋla o puu ni, o chaŋla tulaale tihi puu vuɣisi ni ni o ti chɛ ka o piɛri ŋub’ mɔri ka o bo paɣiviɛligakushihikom na.

3N yura maa n su ma ka n gba su o. O chɛ ka o biŋkɔbbaligu ŋubiri mɔri Paɣiviɛligakushihikom shee.

4N yura, a viɛlimi kaman Tiriza, ka viɛli kaman Jɛrusalɛm la, ka a ni be shɛm ŋmanila tɔbbihi bɛn gbibi tuutanima.

5Ŋmaligim’ a nini ka chɛ ma, dama di gbaari ma! A zabiri yirigirimi kaman buhi ni zɔri sirigiri Giliad Zoli zuɣu shɛm la.

6A nyina piɛlimi kaman bɛ ni su piɛ’ nyaan’ shɛb’ kom ka bɛ zaɣ’ yino kam mali jaa, ka bɛ ni so bi kɔŋ o bala.

7A kparima ŋmanila pumpɔrinchi’ bɔɣa m-be a sariga ni.

8Di pa shɛli na’ so ni tooi mali napaɣiba pihiyɔbu, ka mali mamanim’ pihinii ni paɣisara bɛn’ ka kalinli.

9N ŋman’ piɛlli ŋun luɣ’ shɛli ka galimi maa kul nyɛla zaɣ’ yino ko. O kɔŋko n-kul nyɛ o ma bipuɣiŋga. O ka dalinli. Paɣiba yi kul nya o, bɛ paɣir’ o mi. Napaɣiba mini naa mamanim’ gba yi kul nya o bɛ paɣir’ o mi.

10Ŋuni n-lee ŋmani biɛkaali, ka piɛli kaman goli, ka ne kaman wuntaŋa, ka o ni be shɛm ŋmani tɔbbihi bɛn gbibi tuutanim’ chani la?

11Ka n daa chaŋ tiwala tihi puu ni, ni n ti nya vinvamli ni tipuma, ka nya wain tihi puma, ka nya pumpɔrinchihi tihi puma.

12N ti yɛn baŋ, ka doo bɔbu kɔre zaŋ ma ti ʒili baɣili n nabia o chɛchɛbuŋ’ ni.

13Shulam paɣa, labimina, labimina! Labimina, labimina ka ti ti nya a. Bɔzuɣu ka yi lihiri man’ Shulam paɣa, kaman m bela tɔbbihi bɛn pie tab’ ʒiɛya buyi sunsuuni wari waa ŋɔ?

← Chapter 5 Jump to: Chapter 7 →