Zechariah 13

Dagbani Bible (Naawuni Kundi Kasi)

← Chapter 12 Jump to: Chapter 14 →

1Dindali maa, kɔbil’ nin’ shɛli ni ti puhigi, ka Dauda daŋ ni niriba mini Jɛrusalɛmnim’ zaŋ di kom su n-yi alahichi mini buɣijɛmbo daɣiri ni.

2Dindali maa, n ni ti kpihim buɣa yuli tiŋgbɔŋ ŋɔ ni, ka so ku lan teei di yɛla yaha. N ni ti lan vuui anab’ ʒirinim’ mini buɣijɛmbo tiŋgbɔŋ ŋɔ ni.

3Ka so yi ti lan buɣisi ni o tɔɣisi anabitali yɛtɔɣa, dilan’ ba min’ o ma bɛn’ yɛlim’ o ni o simdi kum, o ni wuhiri ni o tɔɣisirila Naawuni yɛtɔɣa, amaa ka ŋmarila ʒiri la zuɣu. Ka o yi kul zaɣisi ka tɔɣisiri anabitali yɛtɔɣa maa, o ba min’ o ma bɛn’ zaŋm’ takɔbi kuhi ku o.

4Di saha maa, anab’ kam ti ku lan nyu bara ʒii nyabu zuɣu bee n-wuhi ni o nyɛla anabi bee n-ye binyɛr’ shɛli din mali biŋkɔbiri kɔbiri di ni n-yɔhim niriba.

5Amaa o naɣ’ ni yɛlimi, “M pala anabi, n nyɛla pukpara. Tiŋgbani zuɣu ka man’ kul kuriya nahindi m bilim ni hal ni wayo.”

6Ka so yi ti bɔh’ o, “Ya ka a lee nya a nyɔɣu ni dansi ŋɔ?” O ni garigi yɛli, “N zo yiŋ’ ka n nya dansi maa.”

7Yawɛ ŋun nyɛ Tɔbbihi Naa ŋɔ yɛliya, “Yiɣisim’ lu m piɛgul’ ŋɔ zuɣu ku o, ka piɛri maa wurim, ka n lu bɛ zaɣ’ bihi gba zuɣu.

8Ka tiŋgbɔŋ ŋɔ ni niriba zaa kalinli pirigibu buta puuni ʒii buyi kpi.

9Ka n zaŋ pirigibu buta maa ni ʒii yim bɛn kpalim la mi m-mal’ ba ka bɛ niŋ viɛlim kaman bɛ ni zaŋdi buɣim m-maani anzinfa ka di niŋdi viɛlim shɛm la; ka lan niŋ li kaman bɛ ni niŋdi salima shɛm la. Ka bɛ yi ti suhi ma, n ni deei bɛ suhigu. N ni ti yɛli ni bɛ nyɛla n niriba, ka bɛ mi ti yɛli, “Yawɛ n-nyɛ ti Naawuni”

← Chapter 12 Jump to: Chapter 14 →