Micah 1

Irish 1817 (An Bíobla Naomhtha 1817 (Bedell))

Jump to: Chapter 2 →

1Briathar an TIGHEARNA tháinic go Micah an Morastiteach a laéthíbh Iotam, Ahas, agus Heseciah, ríghthe Iúdah, noch do chonnairc sé a ttaobh Shamária agus Ierusalem.

2¶ Eistigh, a phobal uile; cluin, a thaluimh, a nuile ní dá bhfuil ann: agus bíodh an Tighearna DIA na fhíadhnuise bhur naghaidhsi, an Tighearna ó na theampall náomhtha.

3Oír, féuch, tiucfuidh an TIGHEARNA as a áit, agus tiucfuidh a núas, agus sailteora sé air áitibh árda na talmhan.

4Agus leagfuighear na sléibhte faói, agus scoiltfighear na gleanta, amhuil céir as coinne na teineadh, agus amhuil na huisgeadha dóirtior síos re fánuigh.

5Ar son saruighthe Iácob atá so uile, agus ar son pheacadh thighe Israel. Cred é sárughadh Iácob? nach í Samária? agus cred íad áite árda Iúdah? nach í Ierusalem?

6Uimesin do dhéana misi Samária mar chárn don mhachaire, agus phlanndughadh fineamhna: agus dóirtfidh mé a clocha síos annsa ghleann agus léigfe mé a duthrach ris.

7Agus brisfighear a híomháighe greanta uile a mbloghuibh, agus loisgfighear le teine a tuillmhigh uile, agus leagfa mé a hiodhail uile áonránach: oir do chruinnigh sí íad do thuilleamh meirdrighe, agus fillfid chum tuillmhe meirdrighe.

8Uimesin caóidhfidh mé agus núallfuidh mé, imeocha mé tárnochd agus lomnochd: do dhéana mé gearán mar na draguin, agus cúmha mar na hulchabhcanuibh.

9Oír is doileighios a cneadh; óir tháinic sé go Iúdah; tháinic sé go géata mó phobail, eadhon go Hierusalem.

10¶ Ná foillsigh é ann Gát, ná guilidh ar áonchor: a ttigh Aphrah iompoidh thú féin annsa lúaithreadh.

11Imthigh romhad, a áitreabhthach Saphir, ar mbeith dod náire leis: ní tháinic Saanan amach a ngolgháir Bhet‐esel; glacfuidh sé a sheasamh uáibhsi.

12Oír do fheith áitreabhthach Márot go furachair ar mhaith: acht tháinic olc a núas ón TTIGHEARNA go geata Ierusalem.

13O thusa a dhúthchusaigh Lachis, ceangail an carbad don bheathach lúath: isí is tosach peacaidh dinghin Sion: óir do fríth sáruighthe Israel ionnadsa.

14Uimesin do bhéara tú tiodhlaiceadha do Mhor‐eset Ghát: biáidh tighthe Achsib na mbréig do ríghthibh Israel.

15Thairis sin do bhéara mé oighre chugad, a áitreabhthach Maresah: tiucfuidh sé go Adullam glóir Israel.

16Déana máol thú, agus beárr thú féin air son do chloinne breághdha; fairsingidh do mhaóile mar a niolar; óir do chúadar uáit a mbraighdionas.

Jump to: Chapter 2 →

Recommended Reading

Commentary Micah Commentaries → Devotional Micah Devotional Guide → Get This Bible Bedell Study Bible →