1 John 1

Guarani 2015 (Ñanderuete Ñe’ẽ Porã 2015)

Jump to: Chapter 2 →

1Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

2ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

3Upévare, umi mba’e ore rohecha ha rohenduva’ekue romombe’u peẽme, peẽ peñembopy’apeteĩ hag̃ua orendive, ha ñaĩ hag̃ua Ñanderuete ha ita’ýra Hesu Crísto ndive.

4Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

5Ko ñe’ẽ porãite kóva ore rohendu Hesu Crístogui ha rombohasase peẽme: Ñanderuete ningo tesape, ha mba’eveichagua pytũ ndaipóri ipype, (Tiágo 1,17).

6Ja’érõ ñañembopy’apeteĩha hendive ha jaiko pytũmbýpe (angaipápe) ñandejapu, ha ndaja’éi pe añetegua.

7Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

8Ja’érõ nañaneangaipaiha, ñande ñañembotavy ñandejupe voi, ha ñandepype ndaipóri pe añetegua.

9Ñamombe’úrõ ñane rembiapo vaikue Ñanderuetépe, Ha’e ipy’aporã ha heko porãgui operdona ñane rembiapo vaikue ha ñanemopotĩ opaichagua mba’e heko pegua’ỹvagui.

10Ja’érõ nañanerembiapo vairiha, ñambojapu Ñanderuetépe, ha iñe’ẽ noĩri ñandepype.

Jump to: Chapter 2 →

Recommended Reading

Commentary 1 John Commentaries → Devotional 1 John Devotional Guide → Get This Bible Guarani (Ñanderuete Ñe’ẽ Porã ) Study Bible →