Hosea 14

Guarani 2015 (Ñanderuete Ñe’ẽ Porã 2015)

← Chapter 13 Jump to:

1Nde, Israel, ejevýke nde Jaratee rendápe, ne rembiapo vaikue rupi re’ava’ekue.

2Peñembyasyete pejapo vai haguére ha pejevy pende Ruete rendápe, ha peje ichupe: Emopotĩ ore rembiapo ky’a ha ejapyhy jevy ore ñemomba’eguasu rome’ẽséva ore kuave’ẽmby rendápe.

3Asíria ndoikomo’ãvéima ore pytyvõhára ramo ha ore ndorojupisevéima kavaju ári (roñorãirõ hag̃ua ore pu’aka rehevénte) ha ore ndorojapomo’ãvéima ore jararã ore potee rupi. Nendivémante ityre’ỹva ojohu jeporiahuvereko.

4Che amongueráta ichupekuéra heko ñañágui, Che ahayhu jevýta ichupekuéra, che pochy ojeíta ichuguikuéra.

5Che ha’éta Israélpe g̃uarã ysapýicha, ha’e ipotýta pe yvoty lírioicha ha oipysóta hapokuéra cédro ka’aguýicha.

6Hakãnguéra ojepysóta olívo rakãicha ha hyakuã porãta Líbano pegua ka’aguýicha.

7Ou jevýta hikuái ha oguapýta ikuarahy’ã guýpe, ha oikovéta trígoicha, ha ipotýta hikuái parrálicha, ojekuaauka porãta víno Líbano peguáicha.

8Efrain he’íta: Mba’épa che arekovéta ta’ãngakuéra reheve. Che, pende Ruete, ahendúta ha ama’ẽta hese, Che ha’éta ichupe g̃uarã cipres yvyra akýicha, chérupi hi’a porã jevýta.

9Iñarandu ha iñakã porãva toikuaa ko’ã mba’e. Pende Ruete rapekuéra naikarẽi, heko potĩva oguatahína che rape rupi, umi heko ñañáva katu oñepysãngáta upérupi.

← Chapter 13 Jump to: