bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
Numbers 1
Numbers 1
Guarani 2015 (Ñanderuete Ñe’ẽ Porã 2015)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
1
Ñanderuete oñe’ẽ Moiséspe Sinai desiértope, pe óga jojohuhápe, ára peteĩháme, jasy mokõiháme, pe áño mokõiháme Israel osẽ rire Egípto retãgui, ha he’i ichupe:
2
Peipapa mayma Israel ñemoñarenguéra hogaguasukuéra ha opaite hogayguápe, ojepapava’erã opaite kuimba’e, peteĩteĩ héra rupi.
3
Véinte áño ombotýva guive, mayma Israelgua ikatúva osẽ ñorãirõme, nde ha Aaron peipapáta isoldádo atykuéra rupi.
4
Oĩva’erã penendive peteĩ mburuvicha mayma Israel tríbugui, omoakãva hogaguasu atykuéra.
5
Ko’ãvahína umi kuimba’e réra, Ruben tríbugui oĩta penendive, Elisur, Sedeur ra’y;
6
Simeon tríbugui, Selumiel, Zurisadai ra’y;
7
Juda tríbugui, Naason, Aminadab ra’y;
8
Isacar tríbugui, Natanael, Zuar ra’y;
9
Zabulon tríbugui, Eliab, Helon ra’y;
10
Jose ra’ykuéragui: Efrain tríbugui, Elisáma, Amiud ra’y; Manases tríbugui, Gamaliel, Pedasur ra’y;
11
Benjamin tríbugui, Abidan, Gideoni ra’y;
12
Dan tríbugui, Ahiezer, Amisadai ra’y;
13
Aser tríbugui, Pagiel, Ocran ra’y;
14
Gad tríbugui, Eliasaf, Deuel ra’y;
15
Neftali tríbugui, Ahíra, Enan ra’y.
16
Ko’ã kuimba’e ojeporavova’ekue Israel retã apytégui omyakã hag̃ua itríbu ha hogaguasukuérape.
17
Moises ha Aaron ombyaty ijerekuévo ko’ã kuimba’e, héra rupi,
18
ha avei opaite Israel ñemoñarenguérape pe ára peteĩháme, pe jasy mokõiháme, hogaguasukuéra ha hóga peteĩteĩme, ojepapa hag̃uáicha peteĩteĩva héra rupi, 20 áño ombotyva’ekue guive.
19
Ñanderuete he’i haguéicha Moiséspe, péicha ha’e oipapauka umívape Sinai desiértope.
20
Ojepapa Ruben ñemoñarenguérape, péva Israel ra’y ypykue, hogaguasukuéra ha hogakuéra rupi, peteĩteĩ héra tee rupi, mayma kuimba’e ombotymava’ekue guive 20 áño ha ikatúva oho ñorãirõháme.
21
Ruben tríbupe ojejohu 46.500 kuimba’e.
22
Simeon ñemoñarenguérape ojepapa hogaguasu atykuéra ha hogakuéra rupi, peteĩteĩ héra rupi, mayma kuimba’e ombotymava’ekue guive 20 áño ha ikatúva osẽ ñorãirõme.
23
Simeon tríbupe ojejohu 59.300 kuimba’e.
24
Gad ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, ombotyva’ekue guive 20 áño ha ikatúva osẽ ñorãirõháme.
25
Gad tríbugui ojepapava’ekue 45.650 kuimba’e.
26
Juda ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, ombotyva’ekue guive 20 áño ha ikatúva osẽ ñorãirõháme.
27
Juda tríbugui ojepapava’ekue 74.600 kuimba’e.
28
Isacar ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotyva’ekue guive ha ikatúva osẽ ñorãirõháme.
29
Isacar tríbugui ojepapáma 54.400 kuimba’e.
30
Zabulon ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýva guive ha ikatúva osẽ ñorãirõháme.
31
Zabulon tríbugui ojepapáma 57.400 kuimba’e.
32
Jose ra’ykuéra: Efrain ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýva guive ha ikatúva osẽ ñorãirõháme.
33
Efrain tríbugui ojepapáma 40.500 kuimba’e.
34
Ha Manases ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýva guive ha ikatúva osẽ ñorãirõháme.
35
Manases tríbugui ojepapáma 32.200 kuimba’e.
36
Benjamin ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýva guive ha ikatúva osẽ ñorãirõháme.
37
Benjamin tríbugui ojepapáma 35.400 kuimba’e.
38
Dan ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýva guive ha ikatúva osẽ ñorãirõháme.
39
Dan tríbugui ojepapáma 62.700 kuimba’e.
40
Aser ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýva guive ha ikatúva osẽ ñorãirõháme.
41
Aser tríbugui ojepapáma 41.500 kuimba’e.
42
Neftali ñemoñarenguérape ojepapa hogaguasukuéra ha hogakuéra rupi, peteĩteĩ héra rupi, 20 áño ombotýmava guive ha ikatúva osẽ ñorãirõme.
43
Neftali tríbugui ojepapáma 53.400 kuimba’e.
44
Ko’ãvape Moises, Aaron ha umi 12 Israel tribu ruvicha oipapava’ekue.
45
Ha opaite Israel ñemoñarenguéra ojepapava’ekue hogaguasukuéra ha hogakuéra rupi, 20 áño ombotýmava guive ha ikatúva osẽ ñorãirõme,
46
ohupity 603.550 kuimba’e. Leviguakuéra rembiapoukapy.
47
Ha Levi tríbu katu ndojepapái Israel ñemoñarenguéra apytépe;
48
Ñanderuete oñe’ẽgui Moiséspe ha he’i:
49
Levi tríbu ndereipapamo’ãi, Israel ñemoñarenguéra apytépe, ndereikuaamo’ãi inúmero.
50
Leviguakuéra toñangareko pe óga jojohuháre ha opaite hembiporukuéra rehe, oĩva guive ipype, ha’ekuéra oguerahava’erã pe óga jojohuha ha opaite hembiporukuéra, ha’ekuéra ojapova’erã hembiapo ipype ha omopu’ãva’erã hóga pirekueguiguakuéra pe óga jojohuha jerekuévo.
51
Ha pe óga jojohuha ojererovataha ára umi Levigua oipe’apava’erã, ha pe óga jojohuha opytataha ára, umi Levigua omopu’ãmba jevyva’erã; ha hesegua’ỹva oñemboja ramo pe tembiapo pévare omanova’erã.
52
Israel ñemoñarenguérava opyta joava’erã peteĩteĩva itríbu rekoha rendápe, peteĩteĩva ipoyvi ypýpe, isoldádo aty oĩháme.
53
Leviguakuéra oikova’erã pe óga jojohuha jerekuévo, ani hag̃ua pende Ruete pochy ho’a Israel ñemoñare nguéra aty ári; ha Leviguakuéra opytáta oñangareko hag̃ua pe óga jojohuha rehe.
54
Ha Israel ñemoñarenguéra ojapopa Ñanderuete he’i haguéicha Moiséspe.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36