bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
Numbers 33
Numbers 33
Guarani 2015 (Ñanderuete Ñe’ẽ Porã 2015)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Ko yvy rupi Israel tribukuéra ohasa, osẽva’ekue guive Egípto retãgui isoldádo atykuéra ndive, opytáva Moises ha Aaron poguýpe.
2
Moises ohai peteĩ kuatia rehe opaite yvy pehẽngue réra ohasa haguérupi, upe ára guive, Ñanderuete he’ígui ichupe: Kóva hína pe tape ha umi yvy pehẽngue réra, osẽha ára guive;
3
Ramsésgui osẽ hikuái pe jasy peteĩha, pe ára 15-hápe; páscua ohasa rire pe ára peteĩháme Israel tibukuéra osẽ pyapy mbaretépe Egiptoyguakuéra resa renondégui.
4
Egiptoyguakuéra oñotỹ aja mayma ita’ýra ypykue omanova’ekuépe ha Ñanderuete ohechauka ichupekuéra ijarakuéra ndaipu’akaiha hesekuéra.
5
Israel tribukuéra osẽ Ramsésgui opyta hag̃ua Sucótpe.
6
Sucótgui osẽ hikuái opyta hag̃ua Etámpe, opytáva desiérto ruguaitépe.
7
Etámgui osẽ hikuái ha ojevy hikuái Pihahirot ári, opytáva Baal-zefon rovái, ha opyta hikuái Migdólgui kuarahyresẽme.
8
Pi-hahirótgui osẽ hikuái ha ohasa Yguasuete Pytã mbyte rupi desiérto gotýo, ha oguata hikuái mbohapy ára pukukue Etam desiérto rupi, ha opyta hikuái Marápe.
9
Marágui osẽ hikuái ha ou Elímpe, oĩháme 12 yvu ha 70 mbokaja máta; ha upépe opyta hikuái.
10
Elímgui osẽ hikuái ha opyta Yguasu Pytã (Mar Rójo) ypýpe.
11
Yguasu Pytã ypýgui osẽ hikuái opyta hag̃ua Sin desiértope.
12
Sin desiértogui osẽ hikuái ha opyta Dofcápe.
13
Dofcágui osẽ hikuái opyta hag̃ua Alúspe.
14
Alúsgui osẽ hikuái ha opyta Refidímpe, upépe tetãyguakuéra ndoguerekói y hoy’u hag̃ua.
15
Refidímgui osẽ hikuái opyta hag̃ua Sinai desiértope.
16
Sinai desiértogui osẽ hikuái ha opyta hag̃ua Kibrot-hataávape.
17
Kibrot-hataávagui osẽ hikuái ha opyta hag̃ua Hazerótpe.
18
Hazerótgui osẽ hikuái opyta hag̃ua Ritmápe.
19
Ritmágui osẽ hikuái opyta hag̃ua Rimon-Pérespe.
20
Rimon-Péresgui osẽ hikuái opyta hag̃ua Libnápe.
21
Libnágui osẽ hikuái opyta hag̃ua Rissápe.
22
Risságui osẽ hikuái opyta hag̃ua Ceelatápe.
23
Ceelatágui osẽ hikuái opyta hag̃ua Séfer cérrope.
24
Séfer cérrogui osẽ hikuái opyta hag̃ua Haradápe.
25
Haradágui osẽ hikuái opyta hag̃ua Macelótpe.
26
Macelótgui osẽ hikuái opyta hag̃ua Tahátpe.
27
Tahátgui osẽ hikuái opyta hag̃ua Tarápe.
28
Tarágui osẽ hikuái opyta hag̃ua Mitcápe.
29
Mitcágui osẽ hikuái opyta hag̃ua Hasmonápe.
30
Hasmonágui osẽ hikuái opyta hag̃ua Moserótpe.
31
Moserótgui osẽ hikuái opyta hag̃ua Bene-jaacánpe.
32
Bene-jaacángui osẽ hikuái opyta hag̃ua Gidgad cérrope.
33
Gidgad cérrogui osẽ hikuái opyta hag̃ua Jotbatápe.
34
Jotbatágui osẽ hikuái opyta hag̃ua Abronápe.
35
Abronágui osẽ hikuái opyta hag̃ua Ezion-géberpe.
36
Ezion-gébergui osẽ hikuái opyta hag̃ua Zin desiértope, pevahína Cades.
37
Cadésgui osẽ hikuái opyta hag̃ua Hor cérrope, Edom retã apýrape.
38
Ha pa’i Aaron ojupiva’ekue Hor cérrope, Ñanderuete he’i haguéicha, ha upépe omano; 40 áño Israelguakuéra osẽ rire Egípto retãgui, pe jasy 5-ha jave, pe ára peteĩháme.
39
Aaron oguerekókuri 123 áño omano ramoguare Hor cérrope.
40
Pe Arad retã ruvicha oikóva Négevpe, Canaan retãme, ohendu ouhahína Israelguakuéra.
41
Upéi Israelguakuéra osẽ Hor cérrogui opyta hag̃ua Zalmonápe.
42
Zalmonágui osẽ hikuái opyta hag̃ua Punónpe.
43
Punóngui osẽ hikuái opyta hag̃ua Obótpe.
44
Obótgui osẽ hikuái opyta hag̃ua Ije-abarímpe, Moab retã rembe’ýpe.
45
Ijeabarímgui osẽ hikuái opyta hag̃ua Dibon-gádpe.
46
Dibon-gádgui osẽ hikuái opyta hag̃ua Almon-diblataímpe.
47
Almon-diblataímgui osẽ hikuái opyta hag̃ua Abarim cerrokuérape, Nebo rovái.
48
Abarim cerrokuéragui osẽ hikuái opyta hag̃ua Moab ñu rupi, Jordan ypýpe, Jerico rovái.
49
Ipahaitépe opyta hikuái Jordan rembe’ýpe, Bet-jesimot guive Abelsitim peve, Moab ñúme.
50
Ha Ñanderuete oñe’ẽ Moiséspe, Moab ñúme, Jordan ypýpe, Jerico rovái, ha he’i:
51
Eñe’ẽ Israelguakuérape ha ere ichupekuéra: Ág̃a, pehasávo pe Jordan ha peike ramo Canaan retãme,
52
pemosẽta pene renonderãgui opaite tetãnguérape ha pembyaipava’erã ijára ra’ãngakuéra itaguiguáva ha ta’ãnga ojejapóva mba’e hykupyrégui, pehundipáta umi yvy yvatekuéra (oñemomba’eguasuhápe ijarakuérape).
53
Pemosẽmbáta umi tetãyguakuéra upépe oikóvape, peiko hag̃ua hendaguépe; Che ame’ẽmava’ekue peẽme pene mba’eteerã ramo.
54
Ha opytáta pende yvytee ramo pende tribukuérape g̃uarã po’a jeporavo rupi; umi hetavévape peme’ẽta yvy tuichavéva ha umi imbovyvévape peme’ẽta yvy sa’ive; pe po’a jeporavópe osẽháme ichupekuéra, upépe peteĩteĩ tríbupe oñeme’ẽta ijyvyteérã.
55
Ha napemosẽi ramo Canaan retãyguakuérape pene renonderãgui, umi opytáva oikóta peẽme g̃uarã mba’e akua ramo pende resápe ha ñuãtĩ ramo pende py rehe, ha pendepy’apy asyva’erã.
56
Ha Che ajapóta penderehe ajapo haguéicha avei hesekuéra.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36