bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Samuel 14
1 Samuel 14
Gussi (EBIBILIA ENCHENU) 2020
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
1
Rituko erimo Yonathani, omomura o Saulo, agatebia omomura oyorenge komobogoreria ebirwanero. “Inchuo togende gochia ase eburi y’abarwani b’Abafilisti korwa ensinyo ngumbu.” Korende tatebetie ise amang’ana ayio.
2
Saulo nigo arenge otoorete ase orobebe rwa Gibea inse y’omote okorokwa omokomomanga agwo Migironi, na abanto abarenge amo nere nigo barenge koreng’ana amagana atano na rimo (600).
3
Oyo orenge kobogoria egesibao ki’obokuani nere Ahia, mosinto bw’Ahitubu, momura omwabo Ikabodi. Ahitubu nere orenge mosinto o Finehasi o Eli, omokuani bw’Omonene agwo Silo. Abanto tibamanyete ng’a Yonathani konya ochiire.
4
Agwo ase Yonathani arigetie goetera ase ogoika eburi y’Abafilisti mbiarengeo ebitare bibere ebioge, ekemo kera ensemo y’oboeto. Ekemo kiarenge korokwa Bosesei na ekende Sene.
5
Egetare ekemo nigo giachongororogete ensemo ya sugusu kororia Mikimasi, na ekende ensemo ya irianyi kororia Geba.
6
Yonathani agatebia omomura oria omobogoreretie ebirwanero. “Inchuo togende gochia ng’umbu ase eburi y’abanto aba batarogeti. Ande nabo Omonene arakore egento asetore. Kende tikeri keratange Omonene tatokonya tobue, gatorabe abake gose abange.”
7
Omomura oria akamoiraneria, “Kora onsi ayare ase ebirengererio biao. Genda, inche nigo inde amo naye, ninkore buna oganetie.”
8
Erio Yonathani akamotebia, “Twamboke gochia aroro, tweorokie ase abanto aba.
9
Kobaratotebie: Tenena agwo moganye, intwe tochiche asemore; erio totenene aase aito, titogenda asebare.
10
Korende kobaratotebie: Inchuo, tiira gocha aa asetore, erio totiire, ekiagera ekio nakio kerabe ekemanyererio asetore ng’a Omonene obabekire ase amaboko aito.”
11
Ase igo barabwo babere bakeorokia ase Abafilisti abwo barenge ase eburi, na barabwo bagateba, “Rigereria, Abaibirania abwo bagosoka korwa ase chingoro ase bebisete.”
12
Erio abarendi babo b’eburi bakarangeria Yonathani amo nomobogoreria bw’ebirwanero biaye, bakabatebia, “Inchuo tiira gocha aa asetore, tobatebie ring’ana.” Yonathani agatebia omomura oria, “Mbwatie, totiire gochia aroro, ekiagera Omonene obabekire ase amaboko ’Abaisraeli.”
13
Bono Yonathani akagura gotiira namaboko na amagoro, na omobogoreria bw’ebirwanero biaye akamobwatia korwa nyuma, Yonathani agaakera Abafilisti inse, na omomura oria orenge komobwatia korwa nyuma, akabaita.
14
Ase ogoita okwo kwe ritang’ani, okwo Yonathani na omomura oria bakorete, nigo baitete abanto koreng’ana emerongo ebere ase egetii kiarenge keng’ana ekeng’ese ki’omogondo oremire ne chiombe ibere ase rituko erimo.
15
Omoondoko ogasoa ase abanto bonsi b’egetwori agwo ase egetii. Abanto b’eburi amo nabwo barenge abasakori, bonsi bagatengechigwa nomoondoko; goika nonya nense egatengechigwa. Omoondoko oria omonene nigo orwete ase Omonene.
16
Abarendi ba Saulo abarendete agwo Gibea ase orogongo rwa Benjamin bakarora Abafilisti baburukanire na goserebekana, bakominyoka gochia aaria na aaria.
17
Erio Saulo agatebia abanto abwo barenge nere, “Bara abanto morore gose ning’o otari aa asetore.” Na ekero bababarete bakarora ng’a Yonathani na omomura oyorenge komobogoreria ebirwanero tibaiyo.
18
Saulo agatebia Abiya, “Renta Esanduku ya Nyasae aiga.” (Ase engaki eria Esanduku eria nigo yarenge ase Abaisraeli.)
19
Ekero Saulo agendererete gokwana nomokuani, eburu‐buru eyarenge ase egetwori ki’Abafilisti ekamentekana kobucha. Ase ayio Saulo akamotebia, “Tiga, tobaisa koboria Omonene.”
20
Erio Saulo na abanto bonsi abarenge amo nere bagasangererekana amo, bagasoa ase esegi eria. Kobaikire agwo bakarora ng’a Abafilisti baitanire, kera oyomo noyonde nomoro, na eburu‐buru eria ekaba enene inono.
21
Bono Abaibirania abwo babwataine n’Abafilisti korwa agwo kare na komenya amo nabarabwo ase egetwori kiabo, bakairana bakabwatana n’Abaisraeli abwo barenge gotang’anwa na Saulo na Yonathani.
22
Boigo Abaisraeli bande, abwo konya bebisire ase ebitunwa bi’ense y’Efraimu, ekero baigwete ng’a Abafilisti batamire, nabarabwo bakababwatia nomokia gochia kobarwania
23
Esegi eria ekagendererera korwanwa goika ng’umbu ya Beti‐Aveni. Igo Omonene agatooria Abaisraeli ase rituko riria.
24
Ase rituko riria Abaisraeli bagachandeka mono na kogoya, ekiagera Saulo atianetie abanto, agateba, “Aragererigwe omonto onde bwensi orarie gento omogoroba otaraika na ntarakoora korusia egesiomba ase ababisa baane.” Ase ayio, omonto onde tabete okoria endagera ase rituko riria.
25
Abanto bonsi bagacha ase rinani, na aroro agwo bakarora obooke bore inse.
26
Ekero basoete rinani erio bakarora ng’a riaichoire nobooke, onde taboriete, ekiagera nigo bairogete okoragereria koria gwa Saulo.
27
Korende Yonathani taigwete ekero ise achigete abanto ase okobatiania ng’a tibaria kende. Ase ayio, akarambaria enyimbo yarenge koboko kwaye akayechobia ase eriana rire nobooke ime, akaribwata, akariria. Erio amaiso aye akarora buya.
28
Korende omonto oyomo akamotebia, “Iso nigo abegete ogochika ogokong’u, agatiania abanto, akabatebia: Aragererigwe omonto onde bwensi orarie endagera ende yonsi ase rituko ria rero.” Na abanto abwo bakaborwa chinguru, bakagoyana ase enchara.
29
Erio Yonathani akairaneria, akabora, “Tata ochandire ense eye. Rora bono nkorora inde buya, ekiagera naria obooke boke.
30
Naki nanga yare gocha koba buya rituko ria rero, onye abanto mbabete ne ribaga ri’okoria na koigota ase ebisakorwa basakorete korwa ase ababisa babo. Nanga nigo twabua Abafilisti mono kobua.”
31
Ase rituko riria Abaisraeli bagaita Abafilisti gochakera korwa Mikimasi goikera Ayaloni. Abaisraeli bakarosa mono ase okogoya, bare nenchara.
32
Ase ayio bakarindoka na koumokera ebisakorwa, bakaira ching’ondi ne chiombe, ne chimori, bagachinyenya na gochiria chire namanyinga ime yabo.
33
Ekero Saulo atebetigwe ng’a abanto bakorire ebibe ase Omonene ase okoria chinyama chire namanyinga ime yabo, akabora. “Mwakorire ogosaria. Bono torunkania rigena rinene gocha aiga asende.”
34
Naende Saulo akabatebia, “Genda mwesiarerere gochia ase abanto, mobatebie ng’a kera omonto obwate eng’ombe gose eng’ondi ayerente ayenyenyere aiga, ariere chinyama echio aiga, tabaisa gokora ebibe ase Omonene ase okoria chinyama chire namanyinga ime yaye.” Ase ayio ase obotuko obwo kera omonto akarenta eng’ombe yaye agwo akayenyenyerao.
35
Agwo Saulo akaagachera Omonene egesasimero; ekio nakio egesasimero egetang’ani aagacherete Omonene.
36
Saulo agatebia abanto, “Inchuo, tochiere Abafilisti ase obotuko obo, tobasakore goika mambia kobogokiamoka; titotiga monto onde nonya noyomo abe moyo.” Bakamoiraneria, “Kora aya orarore are buya.” Korende omokuani akabatebia, “Ritang’ani, toike Nyasae ang’e aiga, tomoborie.”
37
Erio Saulo akaboria Nyasae, “Inee! Ndatirimboka mbwatie Abafilisti? Nobarue obabeke ase amaboko ’Abaisraeli?” Korende Nyasae tamoiraneretie ase rituko erio.
38
Ase ayio Saulo agatebia abatang’ani bonsi b’abanto, “Suka gocha ang’e aa, morore na komanya ng’a mbibe ki biakorirwe aiga rero.
39
Ekeene, buna Omonene, are moyo, oyo ogotooria Abaisraeli, neba ng’a Yonathani, omwana one, okorire ebibe ebio, ere goika aitwe akwe.” Korende monto onde tamoiraneretie, nonya noyomo.
40
Erio Saulo agatebia Abaisraeli bonsi, “Inwe beera ensemo eyemo, na inche amo na Yonathani, omwana one, tobeere ensemo ende.” Abanto bakamoiraneria, “Kora aya orarore are buya.”
41
Ase igo Saulo akabora, “Aye Omonene, Nyasae bw’Abaisraeli, nase ki kwangire koiraneria omosomba oo rituko ria rero? Onye okomocha okwo nokwane, gose nokwa Yonathani, omwana one, iraneria ase enchera y’obomera bwa Urimu, konye kore okw’Abaisraeli iraneria na Tumimu.” Igo obomera bokagwera Saulo na Yonathani, na abanto bagatooreka.
42
Saulo agateba, “Aka obomera ase egati yane na Yonathani, omwana one.” Obomera bokagwera Yonathani.
43
Erio Saulo agatebia Yonathani, “Ntebie amang’ana gwakorire.” Yonathani agateba, “Nigo nachobia mesia y’enyimbo yarenge koboko kwane ase eriana rire nobooke, nkariria; ase ayio, nao inde aa, bono goika nkwe.”
44
Saulo agateba, “Nyasae ang’e egesusuro ekenene. Ekeene, aye Yonathani goika okwe.”
45
Erio abanto bagatebia Saulo, “Inee! Yonathani, oyorentire obobui obonene iga, nere igo araitwe akwe? Yaya, taibo. Ekeene, buna Omonene are moyo, nonya nagatukia akamo k’omotwe oye tigakogwa inse ase riroba, ekiagera ase ogokonywa kwa Nyasae orentire obobui obwo ase rituko ria rero.” Ase igo abanto bagatooria Yonathani, takwa.
46
Nyuma y’ayio Saulo agatiga kobwatia Abafilisti; bakairana gochia nka sobo.
47
Ekero Saulo abeire omoruoti igoro ase Abaisraeli, akaba okorwania ababisa baye bonsi abamenyete ase chinsemo chiaye chionsi: Abamoabu, na Abaamoni, na Abaedomu, na abaruoti ba Soba, amo na Abafilisti. Akaba okobua abanto bonsi abwo arwanetie.
48
Akarwana noboremu, akabua nonya n’Abaameleki, na agatooria Abaisraeli korwa ase amaboko abwo konya babasakoire.
49
Abana abamura ba Saulo nabwo aba: Yonathani, na Isivi, na Malikisua; na amarieta ’abaiseke baye babere naro aya: omoiseke omotangi Merabu, na oria omoke Mikali.
50
Moga Saulo nigo arenge korokwa Ahinoamu omosubati bw’Ahimasi. Omochiki bw’abarwani b’esegi nigo arenge korokwa Abineri, mosinto o Neri, oyorenge ise moke Saulo.
51
Kisi, ise Saulo, na Neri, ise Abineri, nigo barenge basinto b’Abieli.
52
Ase amatuko onsi Saulo arenge moyo akaba okorwana esegi entindi n’Abafilisti. Aande onsi Saulo arenge korora omonto orenge ne chinguru na orenge omoremu nigo amobegete kobeera amo nabarwani baye b’esegi.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31