bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Samuel 17
1 Samuel 17
Gussi (EBIBILIA ENCHENU) 2020
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Abafilisti bagasangereria abarwani babo korwana esegi agwo Soko, omochie ore ase orogongo rwa Yuda. Bagatoora aase akorokwa Efesi‐Damimu, egati ya Soko na Aseka.
2
Saulo amo n’Abaisraeli bagasangererekana, bagatoora ase ense omweremo ekorokwa Ela; nabarabwo bakarobera korwana n’Abafilisti.
3
Abafilisti bagatenena ase egetunwa ekemo, na Abaisraeli ase ekende, ne rikura ndiarenge ase egati yabo.
4
Erio agwo omonto ore korokwa Goliato, omonto bw’omochie o Gati, akaoroka korwa ase egetwori ki’Abafilisti. Ere nigo arenge etuoni y’esegi; obotambe bwaye nigo bwarenge bw’ekerengo ki’amaboko atano na rimo na ekeng’ese.
5
Nigo abegete ekegogwa gi’etaai na egoti yaroisirie korwa ase ebioma, na oborito bw’egoti eyio nigo bwarenge koreng’ana chikiro emerongo etano, na isano na ibere (57).
6
Ase amagoro aye nigo anaarete ebitange bi’etaai, boigo nabwate esimisi y’etaai abegete ireko.
7
Orotanga rwe ritimo riaye nigo rware buna omwaro omonene na oborito bw’ensonga ye ritimo riaye nigo bwarenge koreng’ana chikiro isano na ibere. Omonto ore komobogoreria enguba nigo arenge komotang’ana.
8
Goliato agacha bosio, agaaka eriogi ase abarwani b’Abaisraeli, akabora, “Nase ki mwachire na korobera ase okorwana esegi? Inee! Inche tindi Omofilisti, nainwe nabasomba ba Saulo? Chora omonto oyomo oino ache aa asende.
9
Omonto oyio karanyare korwana nainche na kong’ita, rirorio intwe natobe abasomba baino, korende kondamobue na komoita, rirorio inwe mobe abasomba baito, motokorere.”
10
Omofilisti oria akagenderera gokwana, agateba, “Nachayire emeganda y’abarwani b’Abaisraeli ase rituko ria rero. Ing’a omonto, torwane nere.”
11
Ekero Saulo amo n’Abaisraeli bonsi baigwete amang’ana ’Omofilisti oria, bagaichana na kwoboa mono.
12
Daudi nigo arenge omwana o Yese, Omoefarati korwa Bethlehemu ase orogongo rwa Yuda. Yese nigo abwate abamura batano na batato, na ase amatuko aria Saulo arenge omoruoti, Yese konya ogotire mono.
13
Abamura baye batato abanene konya bachiire korwana esegi amo na Saulo. Omomura oria omotangi nigo are korokwa Eliabu na oyo o kabere Abinadabu, na oyo o gatato Sama.
14
Daudi nere orenge omoke ase bonsi. Abwo batato abanene bakaba bakomobwatia Saulo.
15
Korende engaki ase engaki Daudi nigo arenge gotiga Saulo ogenda Bethlehemu korisia ching’ondi chia ise.
16
Ase engaki y’amatuko emerongo ene, chimambia na emegoroba, Omofilisti oria nigo arenge gocha bosio, otenenao.
17
Rituko erimo Yese agatebia Daudi, omwana oye, “Imokia ebigara ebi bisambire, ebitonga bibere, oimokie nemegati eye ikomi ogende bwango, obiirere bamura bamino aaria ase egetwori.
18
Boigo oirere omochiki obo bw’abarwani elifu eyemo amabomba aya ikomi ay’amabeere abwatanire. Orore gose bamura bamino mbuya bare, naende ondetere ekemanyererio gete korwa asebare, erinde imanye buna bagendererete.
19
Saulo, na bamura bamino, na Abaisraeli bonsi nao bakare ase ense omweremo ya Ela korwana n’Abafilisti.”
20
Rituko ria kabere, mambia chuni, Daudi agatigera omonto onde okorisia ching’ondi, akaimokia chindagera chiria, akagenda buna Yese konya amochikire. Ekero aigete ensinyo y’egetwori ase chigari chiabekire chigekengerete, akanyora emeganda konya yarobeire gochia korwana esegi yarenge goaka eriogi ri’esegi.
21
Abaisraeli bakeroberia ase okorwana na Abafilisti boigo, na emeganda eyio ebere nigo yarigereranetie.
22
Daudi agatiga endagera eyio ase omorendi bw’ebinto bi’esegi, akaminyoka gochia ase abarwani. Gaikireo agakwania abamwabo.
23
Ekero Daudi arenge gokwana nabarabwo, Goliato, etuoni eria, Omofilisti korwa Gati, akarua aase Abafilisti baroberete, akagenda bosio, agakwana amang’ana aria anarete gokwana botambe, na Daudi akayaigwa.
24
Ekero Abaisraeli baroche Goliato, bagatama bonsi, bakamwoboa mono.
25
Abaisraeli bagakwana na gotebania, “Moroche omonto oria ogocha? Nigo agocha gotochaya intwe Abaisraeli. Omoruoti oito naria eira ng’a natenenkie omonto oraite Goliato. Boigo namoe omoiseke oye abe mokaye, naende eamate yaye etigwe, teaka ebango ase egati y’Abaisraeli.”
26
Erio Daudi agakwana nabanto bateneine ang’e nere, akababoria, “Inee! Omonto oraite Omofilisti oria, na koruseria Abaisraeli ogochaywa okwo, inki araegwe? Omofilisti oyo otarogeti, ninki aisaine goika are noboremu gochaya emeganda y’esegi ya Nyasae ore moyo?”
27
Abanto bakairaneria, bakamotebia, “Amang’ana aria aria arakorerwe oyo oraite omonto oria.”
28
Eliabu, omomura omonene omwabo Daudi, akaigwa buna agokwana nabanto. Akaba nendamwamu enene ase Daudi, agateba, “Ninki kiagera gwachicha aa? Ning’o gwatigera riicho riria rike rie ching’ondi chikare nka aaria ase erooro? Nimanyete oboenenu bwao na obobe bore ase enkoro yao. Nigo gwacha aa korora esegi rioka.”
29
Daudi agateba, “Ninki nakora rende? Nokoboria gwoka naboria.”
30
Erio Daudi akeonchora gochia ase omonto onde akaboria amang’ana aria konya aboririe, na abanto bakamoiraneria buna konya bamoiraneirie ritang’ani.
31
Ekero abanto baigwete amang’ana a Daudi, bakagenda bakayatebia Saulo, na Saulo akamorangeria.
32
Daudi agatebia Saulo, “Monto onde takwa omoyo ase okomwoboa Omofilisti oyio. Inche, omosomba oo, ningende komorwania.”
33
Saulo agakania Daudi, akamotebia, “Tokonyara korwania Omofilisti oyio. Aye nomoke; ere nigo enaretie korwana esegi korwa obosae bwaye.”
34
Korende Daudi agatebia Saulo, “Inche, omosomba oo, nabeire nkorisia ching’ondi chia tata, na ekero kende gionsi endo gose edubu yare gocha koira eng’ondi korwa ase riicho,
35
nigo nare koyeromeng’ana na koyeaka inse, naende natooria eng’ondi eria korwa ase omonwa oye, na onye endo gose edubu yare korindokera, nigo nare koyebwata chinderu, erinde nayeaka nayeita.
36
Inche, omosomba oo, nabeire ngoita chindo ne chidubu, naboigo buna nakorete ching’iti chiria ninkore n’Omofilisti oria otarogeti, oyochayire emeganda y’esegi ya Nyasae ore moyo.”
37
Naende Daudi agateba, “Omonene oria ontooretie korwa ase chinchara chi’endo na echi’edubu, nigo arantoorie korwa ase amaboko ’Omofilisti oria.” Saulo akamotebia, “Gaki genda, na Omonene abe amo naye.”
38
Erio Saulo akaimokia ebirwanero biaye bi’esegi, akabibekera Daudi, akamobekera na ekegogwa gi’etaai omotwe oye, na egoti eroisirie korwa ase ebioma.
39
Daudi akeboerania ebirwanero ebio amo nomoyio o birende, agateema kogenda, ekiagera konya taranara kweboerania ebinto buna ebio. Erio agatebia Saulo, “Tinkonyara gotaara nyeboeranetie ebinto ebio, ekiagera timbinareti.” Akabirusia na kobitiga.
40
Erio akaimokia enyimbo yaye ase okoboko kwaye, agachora amagena atano amaterere korwa ase akarooche, akayabeka ase esaro yaye y’oborisia, na enduruche akabogoria koboko kwaye. Na bono agasuka gochia ang’e n’Omofilisti oria.
41
Omofilisti oria agacha bosio, akamoika Daudi ang’e, na omobogoreria bw’enguba yaye omotang’aine.
42
Ekero Omofilisti oria aroche Daudi oyorenge omosae omobariri na omonyakieni, akamochaya mono.
43
Erio agatebia Daudi, “Inee! Nesese inde? Ogonchichera nenyimbo?” Agatiana ase chinyasae chiaye, akaragereria Daudi.
44
Naende Omofilisti oria agatebia Daudi, “Inchuo aiga asende, nainche ning’ee chinyoni ne ching’iti chi’orosana chinyama chi’omobere oo chichirie.”
45
Daudi akamoiraneria, “Aye nigo ogonchichera kore nomoro, ne ritimo, na esimisi, korende inche nigo nkogochera ase erieta ri’Omonene bw’Emeganda, Nyasae bw’emeganda y’esegi y’Abaisraeli, oyio gwachayire na komochecheria.
46
Rituko ria rero Omonene nakobeke ase okoboko kwane. Ninkoiyerie inse, na kobutora omotwe oo; ning’ee chinyoni ne ching’iti chi’orosana emebere ekwete y’abarwani b’Abafilisti; erio abanto b’ense yonsi mbamanye ng’a Abaisraeli nigo bare na Nyasae.
47
Boigo omoganda oyo bwonsi nomanye ng’a Omonene tari korenta obobui ase enchera y’emioro na amatimo. Esegi nigo ere ey’Omonene, nere nababeke inwe ase amaboko aito.”
48
Omofilisti oria agachaka kogenda goikera Daudi ang’e, erio Daudi akaminyoka bwango gochia ase abarwani koumerana n’Omofilisti oria.
49
Daudi agasoyia okoboko kwaye ase esaro, akarusia rigena, akariruta nenduruche, agaaka Omofilisti oria obosio bwaye. Rigena riria rikarimera obosio bwaye ime, na ere akagwa inse maumama, agakwa.
50
Ase igo Daudi akabua Omofilisti oria, akamoita ne rigena ri’enduruche atari nomoro koboko kwaye.
51
Erio akaminyoka, agatenena ase omobere oye, agasomora omoyio oye korwa ase ekegocho, akamoita kegima ase okomobutora omotwe. Ekero Abafilisti baroche ng’a etuoni yabo yakure, bagatama.
52
Erio Abaisraeli na Abayuda bagaaka eriogi bakabwatia Abafilisti goikera Gati na ebiita bi’Ekironi. Abafilisti abaitetwe bakarara ase enchera korwa Saaraimu goikera Gati na Ekironi.
53
Erio Abaisraeli bakairana korwa ase baseretie Abafilisti bagasakora egetwori kiabo.
54
Daudi akaimokia omotwe bw’Omofilisti oria akayoira Yerusalemu, korende ebirwanero bia Goliato akabigacha ase eema yaye omonyene.
55
Ekero Saulo aroche Daudi okogenda korwania Omofilisti oria akaboria Abineri, omochiki bw’emeganda y’abarwani, “Abineri, omosae oyo, noyo ng’o”? Abineri akamoiraneria, “Aye omoruoti, ekeene buna ore moyo, inche timomanyeti.”
56
Omoruoti agatebia Abineri, “Genda oborie omanye gose omosae oyo noyo ng’o?”
57
Erio ekero Daudi arenge koirana ase egetwori gaitire Omofilisti oria, Abineri akamoira ase Saulo, Daudi nigo abogoretie omotwe o Goliato koboko kwaye.
58
Saulo akamoboria, “Omosae oyo, noyo ng’o ore?” Daudi akamoiraneria, “Inche nomwana bw’omosomba oo, Yese o Bethlehemu.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31