1 Thessalonians 2

Gussi (EBIBILIA ENCHENU) 2020

← Chapter 1 Jump to: Chapter 3 →

1Abaminto, inwe abanyene mwamanyire ng’a ogosoa gwaito ase egati yaino tikwabete okwa bosa.

2Korende, buna momanyete, gatwaikire gochandwa na gochaywa ritang’ani ase Filipi, tokaremigwa na Nyasae oito gokwana enchili ya Nyasae asemore, ase okoumerana nokoamererania okonene mono.

3Naki ogosorora gwaito tikori ogw’okobasiria, gose ogw’okobabeka ase eubi, gose ogw’okobang’aina,

4korende buna twancheirwe na Nyasae koba abatwegenirwe koegwa enchili, nabo togokwana, tari ase okogwenera abanto, korende ase okogwenera Nyasae, oyokorenga chinkoro chiaito.

5Naki titwarenge namang’ana ay’okogwenera abanto, buna mwamanyire, gose ay’okobiserera obwegimeria. Nyasae nere kirori.

6Titwarigetie ogotogigwa korwa ase mwanyabanto, nonya nkorwa asemore, gose korwa ase abanto bande.

7Buna abatomwa ba Kristo anga ntwabaritoerete, korende nigo tware abororo ase egati yaino, buna omokungu akorera abana baye.

8Naboigo naintwe tware namaiga amange asemore, tokaba nomogoko kobaa inwe, tari enchili ya Nyasae yoka, korende nonya nobogima bwaito, ekiagera mwabeire abanchi baito.

9Naki baminto, moinyorete emeremo yaito na obokong’u bwaito, ng’a ekero twabaranderetie enchili ya Nyasae, tware gokora emeremo obotuko na omobaso, erinde titocha komoraarereria onde oino.

10Inwe mbirori, na Nyasae boigo, buna okogenderera gwaito kwarenge ase egati yaino, inwe abamwegenire, buna tware nobochenu na oboronge, na titware na komocha.

11Naki mwamanyire buna tware gosemia kera oyomo oino buna ise agosemia abana baye, na tokabaremia, na kobasorora, na kobakurera,

12erinde mogenderere buna ebagwenerete ase Nyasae, oyokobarangeria mosoe ase oboruoti bwaye, na ase obonene bwaye.

13Ase ayio, nigo togoakera Nyasae, ng’a mbuya mono, totari gotiga, ng’a ekero mwanyorete ring’ana ria Nyasae, eri mwaigwete korwa asetore, nigo mwarianchete, tari buna ring’ana ria mwanyabanto, korende buna rire ekeene ekeene, ring’ana ria Nyasae, erigokora emeremo ime yaino, inwe abamwegenire.

14Naki baminto, inwe nigo mwarenge ababwatani be chikanisa chia Nyasae ase Kristo Yeso, echire ase ense ya Boyahudi, ekiagera nigo mwanyorete emechando eria eria korwa ase abanto b’egesaku kiaino, buna baria banyorete korwa ase Abayahudi,

15abaitete Omonene Yeso na ababani, na intwe bagatoseria. Barabwo tibagwenera Nyasae, naende nigo bare mamincha ase abanto bonsi.

16Abwo bagatotanga titokwana nabanto b’Ebisaku amang’ana ayaranyare kobarentera ogotooreka. Ase enchera eyio baikeranie botambe ekerengo ki’ebibe biabo. Korende endamwamu ya Nyasae yabaikeire omoerio.

17Korende intwe, baminto, gatoraatananekane korwa asemore ase ekero egeke (ase obosio gose tari ase enkoro) tokarengereria mono kobua nokogania okonene kororana nainwe amasio ase amasio.

18Ase ayio, ntwaganetie gocha asemore (inche Paulo nonya ng’ara kabere) korende Saitani agatotanga.

19Ogosemeria gwaito ninki, gose omogoko oito, gose egutwa yaito eragere twetogie ase obosio bw’Omonene oito Yeso ekero ki’ogocha kwaye? Inee! Tari inwe?

20Ee, inwe nobonene bwaito, na omogoko oito.

← Chapter 1 Jump to: Chapter 3 →