bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Deuteronomy 1
Deuteronomy 1
Gussi (EBIBILIA ENCHENU) 2020
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 2 →
1
Amang’ana aya naro Musa akwanete n’Abaisraeli bonsi ekero barenge ase erooro, moocha y’orooche rwa Yorodan. Nigo barenge ase Ekerubo Ekiomo kororia Sufu, gati gati y’omochie o Parani ase ensemo eyemo, na emechie ya Tofeli na Labani, na Haseroti, na Disahabu ase ensemo ende. (
2
Orogendo korwa Horebu goetera ase ense y’ebitunwa bia Seiri goika Kadeshi‐Barinea nigo rwarenge orw’amatuko ikomi na rimo.)
3
Ase rituko rie ritang’ani ri’omotienyi o ikomi nomo, omwaka bw’emerongo ene, Musa agatebia Abaisraeli amang’ana onsi ayio Omonene konya amochikire abatebie.
4
Amang’ana aya nigo abete ekero Omonene konya abuire Sihoni, omoruoti bw’Abaamori, oyomenyete Hesiboni, amo na Ogi, omoruoti o Basani, oyomenyete Asitaroti ang’e na Edirei.
5
Ekero abanto barenge ase ense ya Moabu, moocha ya Yorodan, Musa agachaka gotebereria abanto amachiko aya, ogoteba.
6
Ekero twarenge ase egetunwa kia Horebu, Omonene, Nyasae oito, agakwana naintwe, agatotebia, “Mwabeire mokobeera aiga ase egetunwa eke engaki entambe eisaine.
7
Bono imoka mochake orogendo rwaino. Moonchoke mogende gochia ase ense y’ebitunwa y’Abaamori, na ase abanto be chinse chietanaineo. Abwo bamenyete ase Ekerubo Ekiomo, na ase ense y’ebitunwa, na ase ense omweya, na ase ense ya Negebu, na ase ense ere ang’e n’Enyancha Enene. Mogende ase ense y’Abakanani gochia ase egetunwa kia Lebanoni, na goikera ase orooche roria oronene rw’Eufarati.
8
Rigereria, inche Omonene nabaeire ense eyio. Genda moyeire; eyio inche Omonene nariete eira na gotiana ng’a ninyee Ibrahimu, na Isaka, na Yakobo, chisokoro chiaino, amo nabanto b’ororeria rwabo.”
9
Musa agakwana, “Ase engaki eria nigo nabatebetie ng’a inche bweka tinkonyara kobaraa.
10
Omonene Nyasae oino, obamentekanirie mono, na bono inwe nigo more abange mono buna ching’enang’eni chia igoro.
11
Tiga Omonene, Nyasae bwe chisokoro chiaino, abamentekanie ara elifu, mobe abange goetania buna more bono, naende abasesenie buna abarierete eira.
12
Korende naki ndakore inyare inche bweka kobogoria egurube enene y’emechando yaino na kobagayana?
13
Chora korwa ase kera egesaku kiaino abanto abang’aini, abare abamanyi, abanto bamanyekanete buya, na inche nimbabeke babe abatang’ani baino.
14
Inwe nigo mwanchete ayio, mokairaneria: Amang’ana ayio gwatotebirie namaya, natokore boigo.
15
Ase ayio nkabeka abanto baria bachoretwe korwa ase kera egesaku kiaino, abanto abang’aini, abamanyekanete buya, abaranyare gokora emeremo buya, babe abaraai baino: abande ase chilifu, na abande ase amagana, na abande ase emerongo etano, na abande ase ikomi. Naboigo nkababeka bakaba abateneneri b’ebisaku biaino bionsi.”
16
“Ase engaki eria ngachika abagambi baino, nkabatebia: Motegerera ebina bire ase egati y’Abaisraeli bamino. Monache ekina kia boronge, kerabe ase egati y’omonto na oyomwabo, gose ase egati yaye na omomenyi omenyete bwoye.
17
Timoba nogwanchereria komokonacha ebina; mokore boronge, abe omonto omoke gose omonene. Timoiroka omonto onde bwensi, ekiagera ekina nekia Nyasae. Ekina kende gionsi kere egekong’u asemore, mokendetere, na inche ningetegerere.
18
Naboigo ase engaki eria nabachigete igoro y’amang’ana onsi mogwenerete gokora.”
19
“Intwe togakora buna Omonene, Nyasae oito, atochigete; tokarua Horebu, tokagenda, togaeta ase egati y’erooro enene ekwoboyia mono, eria mwaroche ase ense y’ebitunwa y’Abaamori; erio togaika Kadeshi‐Barinea.
20
Nkabatebia: Bono mwaikire ase ense y’ebitunwa y’Abaamori, eyio Omonene, Nyasae oito, agochia gotoa.
21
Rigereria, Omonene, Nyasae oino, obaeire ense eria. Genda moyeire ebe eyaino, buna Omonene, Nyasae bwe chisokoro chiaino, abatebirie. Timoiroka, gose timokwa emioyo.”
22
“Erio inwe mwensi mogacha asende, mogantebia: Totome abanto bagende koroota ense eria, erinde batorentere amang’ana buna ense eria ere, barore enchera togochia goetera, naende emechie eria togochia koira, buna ere.”
23
“Amang’ana ayio akarorekana asende ng’a namaya, na inche ngachora abanto ikomi na babere, oyomo korwa ase kera egesaku.
24
Abanto abwo bakagenda gochia ase ense eria y’ebitunwa, bagaika ase ense omweya y’Esikoli, bakaroota ense eria.
25
Bakanyora okwama gw’ense eria, bagakorenta asetore, naende bagatorentera amang’ana aya baroche agwo ase ense eria, bagakwana: Ense eria Omonene, Nyasae oito, agochia gotoa nengiya mono.”
26
“Korende timwanchete kogenda ase ense eria, mokaanga koigwera ogochika Omonene, Nyasae oino, abaete.
27
Mokemurungania ekero mwamenyete ase chiema chiaino, mogateba: Omonene nigo atogechete, nakio kiagerete agatorusia korwa ase ense ya Misiri, erinde atobeke ase amaboko ’Abaamori, nabarabwo batoite na gotosiria.”
28
“Nase ki toragende aroro? Abaminto batwoboirie, ekiagera batebire ng’a abanto bare ase ense eria nabanene naende nabatambe gotobua. Emechie yabo nemenene, naende nigo egiteire chindwaki chiigete igoro. Naende ntwarora amamonto, abanto b’ororeria rw’Anaki.”
29
“Erio nkabatebia: Timoiroka gose goichanigwa ase abanto baria.
30
Omonene, Nyasae oino, oria okobaraa, nere orabarwanere esegi buna mwaroche aya abakorerete ekero mwarenge Misiri,
31
naende ekero mwarenge ase erooro. Mwaroche buna Omonene, Nyasae oino, abaraaete, na ase chinchera chionsi echio mwaetete goika mogaika aase aa: ere nigo ababogoretie buna omonto akobogoria omwana oye.
32
Korende nonya okorete ayio onsi, timwamwegenete Omonene, Nyasae oino,
33
oyorenge kobatang’ana botambe na kobarigeria aase mware gochia gotoora. Ase obotuko nigo arenge kobaraa nomorero, na ase omobaso obaraa ne riire, koborokia aase mware goetera.”
34
“Omonene akaigwa amang’ana aino, akaba nendamwamu, agatiana na goteba:
35
Ekeene, onde tari ase abanto b’ekegori eke ekebe oraike ase ense eria engiya narierete chisokoro chiaino eira ng’a nimbayee,
36
otatiga Kalebu mosinto o Yefune. Ere narore ense eria na koyetacha namagoro aye. Nimoyee ere na ororeria rwaye, ekiagera ere obeire okonyigwera na gokora ogwancha kwane, inche Omonene.
37
Omonene nigo abete nendamwamu asende ase engencho y’ogokora kwaino, agateba: Nonya naye tokonyara gosoa ase ense eria.
38
Korende Yoshua, mosinto o Nuni, omokonyi oo, nere orasoe aroro. Mobeke chinguru, omoremie, ekiagera nere oraraae Abaisraeli bagende koira ense eria ebe omwando obo.
39
“Naende Omonene agatotebia twensi: Abana baino abake abwo mwatebete ng’a nabooswe, abwo ase rituko ria rero bataramanya ayare amabe gose amaya, nabwo baraike ase ense eria, inche nimbayee ebe eyabo.
40
Korende inwe onchoka, mogende gochia ase erooro, gochia ase enchera ekogenda ase omosomo bw’Enyancha Embariri.
41
“Erio mokang’iraneria mogantebia: Twakorire ebibe ase Omonene, korende bono nkogenda tore korwana esegi buna Omonene, Nyasae oito, atochigete. Kera omonto asemore akabogoria ebirwanero biaye bi’esegi, akarengereria ng’a namang’ana amagusu kogenda koira ense eria y’ebitunwa.
42
“Omonene agantebia: Bakanie, obatebie ng’a tibabaisa kogenda korwana esegi, ekiagera inche Omonene tindi amo nabarabwo. Kobaragende nigo bagochia kobugwa nababisa babo.
43
Nkabatebia amang’ana ayio Omonene akwanete, korende mokaanga koigwera, mogasaria amang’ana Omonene abachigete, mokagenda nobomwenu ase ense eria y’ebitunwa.
44
Abaamori abamenyete ase ense eria bagacha kobarwania, bakabaseria buna chinchoke chigoseria abanto, bakababua agwo Seiri, bakabasiarera, bakababwatia gochia Horima.
45
Erio inwe mokairana, mokarera ase Omonene abakonye, korende Omonene taigwete okorera kwaino gose tabategererete.
46
Ekio gekagera mokabeera agwo Kadeshi ase amatuko amange.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34