bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Deuteronomy 19
Deuteronomy 19
Gussi (EBIBILIA ENCHENU) 2020
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 20 →
1
“Ekero Omonene, Nyasae oino, arabe osiririe abanto b’ebisaku biria mogochia koegwa ense yabo, na ekero mwairire ense amo nemechie yabo, na komenya ase chinyomba chiabo,
2
mwatanane emechie etato ase ense eyio Omonene, Nyasae oino, agochia kobaa.
3
Ense eyio Omonene, Nyasae oino, agochia kobaa, moyiate ase chinsemo isato, na moroisie chinchera chikogenda ase emechie eyio etato, erio omonto karaite oyonde mosiabano, abe ogotamera oyomo bw’emechie eyio.
4
Omonto onde bwensi oraite oyonde mosiabano, atamogechete agwo ritang’ani, nanyare gotamera oyomo bw’emechie eyio, na gotooria obogima bwaye.
5
Nebe ng’a omonto ogendire amo noyonde ase rinani kogecha emete, na ekero aimokirie egesire, na egesire ekio gesomoke korwa ase omote, gecharare, geite omonto oria onde, omoiti oria nabo aratamere oyomo bw’emechie eyio ase ogotooria obogima bwaye.
6
Nenyare koba ng’a orogendo rogochia ase omochie bw’obotamero nigo rore orotambe, na omonto oria oganetie korusia egesiomba abwatie omoiti oria, na komoikeera nchera, na ase endamwamu yaye amoite, nonya omoiti oria tagwenerete goitwa, ekiagera aitete omonto mosiabano atamogechete agwo ritang’ani.
7
Ase ayio nabachikire mwatanane emechie etato.
8
“Ekero Omonene, Nyasae oino, aragareyie orogongo rwaino robe oronene, buna arierete chisokoro chiaino eira ase ogotiana, na kobaa inwe ense yonsi eria atebetie chisokoro chiaino ng’a nabayee,
9
nainwe komorarende na kobwata amachiko aya nabaeire ase rituko ria rero na komwancha Omonene, Nyasae oino, ase okobwatia chinchera chiaye botambe, erio nario moranyare komenta emechie ende etato.
10
Komorakore ayio, amanyinga ’abanto batari na komocha atabaise goiterwa ase ense eye Omonene, Nyasae oino, agochia kobaa ebe omwando oino, ase igo timokoba na komocha kw’ogoitera amanyinga.
11
“Korende onye omonto ogechete omonto onde erinde amoboere na komoaka goika akwe, na nyuma y’ayio atamere oyomo bw’emechie eyio,
12
erio abagaaka b’omochie bw’omoiti oria batome abanto bamorusie korwa ase omochie oria atameire, bamobeke ase okoboko kw’oria okorusia egesiomba ki’oyomwabo, nere aite omoiti oria.
13
Timobaisa komororera amabera, korende morusie korwa ase Abaisraeli okomocha kw’ogoiterwa kw’amanyinga ’omonto otarenge na komocha, erinde nebe buya asemore.
14
“Tobaisa gotumana orobebe ronde rwonsi rw’omogisangio oo, orwo abanto ba kare babegete ase orogongo rw’omwando oria oraegwe ase ense eria Omonene, Nyasae oino, arakoe ebe eyao.
15
“Omonto oyomo bweka tagoisana koba kirori igoro ase omonto onde okorire ogosaria, gose ebibe binde bionsi akorire; korende ekina nigo keranachwe ekero birori babere gose batato bakwanire oborori bwabo.
16
Onye omonto onde okoba kirori bw’oborimo ase okogania gokorera omonto onde bobe, na komosoera,
17
abanto abwo babere barenge kwomana goika bachiche ase obosio bw’Omonene, ase abakuani na abagambi abwo batenenerete ase amatuko ayio.
18
Abagambi goika baunenkie mono bamanye gose kirori oria nigo agosoera oyomwabo ase oborimo.
19
Komoranyore ng’a noborimo, erio mokorere kirori oria amang’ana aria aria ere arengereretie gokorera oyomwabo. Naboigo morusie obobe borue asemore.
20
Abanto bande ekero baraigwe ayio bairoke, tibakora okomocha konga buna okwo ase egati yaino.
21
Timobaisa komororera amabera. Egesusuro nigo kerabe obogima ase obogima, eriso ase eriso na erino ase erino, okoboko ase okoboko na okogoro ase okogoro.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34