bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Joshua 10
Joshua 10
Gussi (EBIBILIA ENCHENU) 2020
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Adoni‐Sedeki, omoruoti o Yerusalemu, akaigwa ng’a Yoshua obuire omochie o Ai na oyosiririe kegima, oitire na omoruoti bw’aroro, buna akorete Yeriko na omoruoti bw’aroro. Naboigo akaigwa buna Abagibeoni bakorire omorembe na kobwatana n’Abaisraeli, naende ng’a banyorire ribaga komenya ase egati yabo.
2
Bono omoruoti oria amo nabanto baye bakaondoka mono; ekiagera Gibeoni nigo orenge omochie omonene buna omochie onde bwonsi obwate omoruoti; nomonene orenge kobua Ai, na abarwani baye bonsi b’esegi nigo barenge ne chinguru chi’okorwana.
3
Adoni‐Sedeki, omuruoti o Yerusalemu, agatoma abanto gochia ase Hohamu, omoruoti o Heburoni, na Piramu, omoruoti o Yarimuti, na Yafia, omoruoti o Lakisi, na Debiri, omoruoti bw’Egiloni, akabatebia,
4
“Tiira gocha aa, monkonye, torwanie Abagibeoni, ekiagera barabwo bakorire omorembe na kobwatana na Yoshua na Abaisraeli.”
5
Erio abaruoti abwo batano b’Abaamori: oyo o Yerusalemu, na oyo o Heburoni, na oyo o Yarimuti, na oyo o Lakisi, na oyo bw’Egiloni, bagasangererekana amo, bagatiira amo nabarwani babo bonsi, bagaetanana Gibeoni na koyoumokera.
6
Erio Abagibeoni bagatoma abanto ase Yoshua agwo Giligali ase atoorete komotebia, “Tototiga intwe abasomba bao! Ayerera, otiire gocha aa, otokonye na gototooria, ekiagera abaruoti bonsi b’Abaamori, abwo bamenyete ase ense y’ebitunwa, basangererekanire gotorwania.”
7
Ase igo Yoshua na abarwani baye bonsi amo ne chituoni chi’esegi bagatiira korwa Giligali.
8
Omonene agatebia Yoshua, “Tobairoka, nabekire abanto aba ase okoboko kwao, onde tari oranyare gokobua.”
9
Obotuko obogima Yoshua agataara korwa Giligali, akaumokera Abaamori mobosokano.
10
Omonene akabatantania na kobaondokia ase amasio ’Abaisraeli, nabarabwo bakabaita ogoita okonene agwo Gibeoni, akababwatia gochia egetirimboko kia Beti‐Horoni, naende akababwatia na kobaita goika omochie bw’Aseka na oyo o Makeda.
11
Ekero Abaamori barenge gotama Abaisraeli, na kobaikire egetirimboko gekorua Beti‐Horoni, Nyasae akabaiyereria amagena ’embura amanene mono korwa igoro ase enchera yabo goika omochie bw’Aseka, nabarabwo bagakwa. Abwo baitetwe namagena ’embura nigo barenge abange kobua abwo baitetwe n’Abaisraeli.
12
Ase rituko riria Omonene abegete Abaamori ase amaboko ’Abaisraeli, Yoshua agakwana n’Omonene. Ekero Abaisraeli bategererete, akabora, “Aye erioba, tenena, okire‐kiri igoro ya Gibeoni, naye omotienyi boigo, igoro ye Rikura ri’Ayaloni!”
13
Erio erioba rigatenena rigakira‐kiri, na omotienyi boigo, goika abanto bakeruseria egesiomba ase ababisa babo. Aya nigo arikire ase “Ebuku y’oyore omoronge.” Erioba rigatenena rigakira‐kiri aaria igoro gati‐gati kegima, ang’e rituko rigima, na tiriaayerera kogwa.
14
Ituko rinde tiriana koba buna erio nonya ng’ake, ritang’ani ri’ayio, gose nyuma y’ayio, ekero Omonene aigwerete mwanyabanto. Nyasae nigo arwanererete Abaisraeli.
15
Nyuma y’ayio Yoshua na Abaisraeli bonsi bakairana Giligali ase batoorete.
16
Abaruoti baria batano bagatama, bakebisa ase rikuruma ria Makeda.
17
Ekero Yoshua atebetigwe ng’a abaruoti baria barorekanire bebisete agwo ase rikuruma riria,
18
agachika, agateba, “Turunkania amagena amanene, mosieke egesoero kie rikuruma, naende mobeke abanto barende aroro.
19
Korende inwe abande, timobaisa kobeera aroro, mobwatie ababisa baino, mobaumokere korwa nyuma, na kobaita. Timobatiga basoe emechie yabo, ekiagera Omonene, Nyasae oino, obabekire ase amaboko aino.”
20
Yoshua na Abaisraeli bakabaita ogoita okonene, goika bakabasiria bonsi otatiga abanto bake boka, abwo batamerete emechie yagiteire chindwaki.
21
Erio abanto bonsi bakairana buya ase Yoshua agwo Makeda ase batoorete. Onde tarenge noboremu gokwana mamincha y’Abaisraeli naende.
22
Erio Yoshua agateba, “Igora egesoero kie rikuruma na mondetere abaruoti baria batano.”
23
Aya agakoreka. Bakarusia abaruoti baria batano korwa ase rikuruma: omoruoti o Yerusalemu, na oyo o Heburoni, na oyo o Yerimuti, na oyo o Lakisi, na oyo bw’Egiloni, bakabarenta ase Yoshua.
24
Ekero abaruoti baria barentetwe ase Yoshua, ere akarangeria Abaisraeli bonsi amo, agatebia abatang’ani b’abarwani, abwo bagendete amo nere ase esegi, “Inchuo aiga ang’e, motache amagoti ’abaruoti aba.” Erio barabwo bagaika ang’e, bakabatacha.
25
Naende Yoshua agatebia abatang’ani baria b’abarwani, “Timoiroka, timokwa emioyo; mobe noboremu na gotenena bokong’u, ekiagera naboigo Omonene arakore ababisa bonsi morarwanie.”
26
Nyuma y’ayio Yoshua agaita abaruoti baria, akabatonga ase emete etano; agwo bagasung’unana goika mogoroba.
27
Ekero erioba rikogwa Yoshua agachika ng’a ebitondo bi’abanto baria bisungorwe, bitugutwe ase rikuruma riria bebisete, na abanto bagakora bo. Naende bakabeka amagena amanene ase egesoero kie rikuruma, nao are goika rero iga.
28
Ase rituko riria Yoshua akaumokera na kobwata omochie o Makeda, agaita na gosiria nemioro abanto bonsi pi abarenge imeo, amo nomoruoti obo. Onde tatooregete nonya noyomo. Agakora omoruoti o Makeda buna akorete omoruoti o Yeriko.
29
Nyuma y’ayio Yoshua amo n’Abaisraeli bonsi bakarua Makeda, bakagenda korwania Libuna.
30
Omonene akabeka omochie oyio amo nomoruoti oye ase amakobo ’Abaisraeli. Bagaita nemioro abanto bonsi pi b’omochie oyio; onde tatooregete nonya noyomo. Naende agakora omoruoti bw’aroro buna akorete omoruoti o Yeriko.
31
Erio Yoshua akaimoka amo n’Abaisraeli bonsi korwa Libuna, bakagenda Lakisi, bakayoetanana na koyoumokera.
32
Na Omonene akabeka Lakisi ase amaboko ’Abaisraeli, erio bakayobwata rituko ria kabere, bagaita nemioro abanto bonsi b’omochie, buna bakorete agwo Libuna.
33
Erio Horamu, omoruoti o Geseri, agatiira gokonya Lakisi, korende Yoshua akamoita ere amo nabarwani baye; onde tatigarete ore moyo.
34
Yoshua na Abaisraeli bonsi bakarua Lakisi, bakagenda Egiloni, bakayoetanana na koyoumokera.
35
Rituko erio erio bakayobwata, bagaita nemioro abanto b’aroro, buna bakorete omochie o Lakisi.
36
Korwa Egiloni Yoshua na Abaisraeli bonsi bagatiira, bagaika Heburoni bayorwanie.
37
Bakayobwata na bagaita nemioro omoruoti oye na kera omonto bw’omochie oyio amo nabwo b’emechie ende yarenge ang’e Yoshua agasiria omochie oyio kegima, buna akorete omochie bw’Egiloni; tatigete nonya noyomo abe moyo.
38
Nyuma y’ayio Yoshua na Abaisraeli bonsi bakairana Debiri, akaumokera omochie oyio.
39
Akayobwata amo nomoruoti oye na emechie yonsi yarenge ang’e. Bagaita nemioro abanto abarenge imeo, tibatigaretie nonya noyomo abe moyo. Agakora omochie o Debiri na omoruoti bw’aroro buna akorete omochie o Heburoni, na omochie o Libuna, na abaruoti b’emechie eyio.
40
Naboigo Yoshua akaira ense eria engima. Akabua na goita abaruoti bonsi b’ense y’ebitunwa, na eye Negebu, na ey’omwenya, na ey’ebitirimboko. Agaita abanto bonsi pi, tatigaretie nonya noyomo, buna achigetwe n’Omonene, Nyasae bw’Abaisraeli.
41
Yoshua akabua abanto bonsi korwa Kadeshi‐Barinea goika Gasa, na akaira ense yonsi ya Goseni goika Gibeoni.
42
Nabo Yoshua akabua abaruoti abwo bonsi, ne chinse chiabo, ase engaki eyemo, ekiagera Omonene, Nyasae bw’Abaisraeli, nigo arwanerete Abaisraeli.
43
Nyuma y’ayio Yoshua na Abaisraeli bonsi bakairana Giligali ase batoorete.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24