bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Joshua 3
Joshua 3
Gussi (EBIBILIA ENCHENU) 2020
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Rituko ria kabere, mambia chuni, Yoshua amo n’Abaisraeli bonsi bakaimoka korwa Sitimu, bakagenda, bagaika orooche rwa Yorodan. Bagatoora agwo ritang’ani bataraamboka.
2
Nyuma y’amatuko atato kaerire abateneneri bagaeta ase ebitwori,
3
bagatebia abanto, “Ekero morarore Esanduku y’Omonene, Nyasae oino, ere ne chibao chirikire oborori bw’okobwatana, ekobogorigwa nabakuani Abalawi, morue aase aa, moyetunyane.
4
Timoyeika ang’e; mobeere nyuma ase oboare bw’ekiromita eyemo. Erio namomanye ase mogoeta, naki timwana goeta enchera eyio rinde.”
5
Yoshua agatebia abanto, “Mwechene, ekiagera ankio Omonene nakore amakumia ase egati yaino.”
6
Nyuma y’ayio agatebia abakuani, “Imokia Esanduku eria y’Okobwatana, mogende motang’ane abanto.” Erio barabwo bakayeimokia, bakagenda, bagatang’ana abanto.
7
Omonene agatebia Yoshua, “Rero ninkoimokererie igoro, ase amasio ’abanto, nabarabwo mbamanye ng’a buna narenge amo na Musa, nabo ndabe amo naye boigo.
8
Aye chika abakuani abwo babogoretie Esanduku eria y’Okobwatana ng’a ekero baraike engegu y’orocche rwa Yorodan goika bateneneo.”
9
Erio Yoshua agatebia Abaisraeli, “Inchuo ang’e aiga, motegerere amang’ana aya Omonene, Nyasae oino, akobatebia.”
10
Naende akabora, “Iga namomanye ng’a Nyasae ore moyo nigo are ase egati yaino, takomocha kobaseria korwa asemore Abakanani, na Abahiti, na Abahivi, na Abaperisi, na Abagirigasi, na Abaamori, na Abayebusi.
11
Rora, Esanduku ere ne chibao chirikire oborori bw’okobwatana, eyio y’Omonene bw’ense engima, nkwambokigwa ere gochia rooche ng’umbu, bosio bwaino.
12
Gaki bono chora abanto ikomi na babere korwa ase ebisaku bi’Abaisraeli, oyomo korwa ase kera egesaku.
13
Igo erabe ekero abakuani abwo babogoretie Esanduku eria y’Omonene bw’ense engima, baratache amache a Yorodan namagoro abo, amache akorwa rogoro ya Yorodan nanacheke, atenene buna enyasi.”
14
Ekero abanto baimogete korwa ase chiema chiabo erinde bamboke Yorodan, abakuani bakabatang’ana, babogoretie Esanduku eria y’Okobwatana.
15
Bono nigo yarenge engaki ye rigesa, na Yorodan nigo rwaichire mono namache aetanetie chingegu. Ekero abakuani, abwo babogoretie Esanduku eria, baigete Yorodan na batachete amache namagoro abo,
16
erio amache ayare gotirimboka korwa rogoro agatenena buna orwaki aare mono, agwo Adamu, omochie orenge ang’e na Saretani. Amache arenge gotirimboka gochia Enyancha y’Ekerubo Ekiomo, nero Enyancha y’Omonyo, akanacheka pi. Erio abanto bakaamboka kororia omochie o Yeriko.
17
Ekero Abaisraeli baare kwamboka ase ense yakamokire, abakuani abwo babogoretie Esanduku eria y’Okobwatana kw’Omonene bagatenena gati‐gati ya Yorodan, ase ense yakamokire, goika abanto bonsi bakaera ase okwamboka Yorodan.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24