bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Luke 14
Luke 14
Gussi (EBIBILIA ENCHENU) 2020
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Rituko erimo ri’Esabato, ekero asoete ase enyomba y’omonto oyomo, omonene bw’Abafarisai, arie endagera, nigo barenge bamorigereretie.
2
Na rora, ase obosio bwaye narengeo omonto oyomo orenge noborwaire bw’okobimbia omobere.
3
Yeso agatebia abanto b’amachiko na Abafarisai, akababoria, “Inee! Mboronge kogwenia ase rituko ri’Esabato, gose taibo?”
4
Bagakira. Akamobwata, akamogwenia, akamoa ribaga agende.
5
Akababoria, “Ning’o asemore ore netigere gose eng’ombe yagure ase engoro, otari koyerusia erio kegima ase rituko ri’Esabato?”
6
Barabwo tibanyara komoiraneria ase amang’ana aria.
7
Agatebia baria barangeretigwe omoreng’anio, gachia korora buna bachorire ebirogo bie ritang’ani, akabatebia,
8
“Gokorangerigwa nomonto ase omoyega bw’enyangi, toikaransa ase ekerogo kie ritang’ani; onye omonto bw’amasikani kobua aye orangeretigwe nere,
9
oria obarangeretie inwe babere nache kogotebia aye: Motigerere oyo ekerogo eke; erio nochake koba nobosooku gokoiranigwa goikaransa nyuma.
10
Korende gokorangerigwa, genda oikaranse nyuma, erinde kagocha oyokorangeretie, agotebie: Mosani, tigera gocha aa aase e ritang’ani. Erio nobe nogosikwa ase amasio abo bonsi abaikaransete amo naye.
11
Ekiagera kera oyokweimokereria igoro nairanigwe inse, na ere oyokweirania inse naimokererigwe igoro.”
12
Agatebia oria omorangeretie, “Kogokora endagera ya mambia gose eya mogoroba, torangeria abasani bao, gose abamino, gose eamate yao, gose abagisangio bao abanda; babaise gokorangeria banyare gokoakana.
13
Korende kogokora omoyega, barangerie abataka, na ebirema, na amagata, na emeuko;
14
aye nosesenigwe, ekiagera tibari na gento bagokoakana. Naki aye noche goakanwa ase okobokigwa kw’abanyene oboronge.”
15
Ekero oyomo ase abwo baikaransete ase endagera amo nere achia koyaigwa akamotebia, “Nasesenirie oyoranyare koria omogati ase oboruoti bwa Nyasae!”
16
Yeso akamotebia, “Omonto oyomo okorete omoyega omonene; akarangeria abanto abange.
17
Ekero ki’omoyega agatoma omosomba oye kogenda gotebia baria konya barangerigwe: Inchuo, ekiagera ebinto bionsi biabeire ang’e.
18
Bagachaka bonsi korigia chintamero. Oyo bwe ritang’ani akamotebia: Nagorire omogondo, nindigetie kogenda koyorora; nagosabire, onyabere.
19
Oyonde akabora: Nagorire chintang’ana amachoki atano, nkogenda nde gochiteema; nagosabire, onyabere.
20
Oyonde akabora: Nanyuomire omokungu, na ase engencho eye tinkonyara gocha.
21
Omosomba oria agacha, akorokia omonene oye amang’ana aya. Erio oria omonyene enyomba akabea, agatebia omosomba oye: Soka bwango, ogende ase chinchera na ebinchera bi’emechie, orente abataka, na ebirema, na emeuko, na amagata.
22
Na omosomba oria akabora: Omonene, ayio gwachika aikire gokoreka, ko nonya mbono ribaga ndireo.
23
Omonene oria agatebia omosomba oye: Genda ase chinchera ne chimbebe, obabetererie basoe, erinde enyomba yane enyare goichora.
24
Ekiagera nagotebirie ng’a ase abanto baria barangeretigwe onde tari nonya noyomo oranyare koigwa omoyega one.”
25
Emeganda emenge nigo yarenge amo na Yeso; ere akeonchora, akabatebia,
26
“Omonto kagocha asende, nere atagecheti ise na ng’ina, na mokaye, na abana baye, na abamura bamwabo, na abasubati bamwabo, ee, nonya nobogima bwaye, takonyara koba omworokigwa one.
27
Naende monto onde bwensi otabogoreti omosalaba oye na gontunyana, takonyara koba omworokigwa one.
28
Naki ning’o asemore, onye origetie koagacha oboagacho, otaikaranse ritang’ani kobara rigori ri’oboagacho obo, gose nabwate ebinto biisaine kobokoora?
29
Aise gosinywa gokoora oboagacho boria kabekire oboroso, abanto bonsi bachake komosekerera,
30
bagokwana: Omonto oyo nigo achagete oboagacho, korende tabokoora.
31
Gose moruoti ki, gakogenda korwana nomoruoti onde, otaikaranse ritang’ani na korengereria onye ere amo nabanto chilifu ikomi nanyare koumerana nere oyokomochera nabanto chilifu emerongo ebere?
32
Onye taibo, nigo agotoma abanto korigia enchera y’omorembe, omonto oria gakare aare.
33
Nabo kera oyomo oino otatigeti ebinto bionsi are nabio, takonyara koba omworokigwa one.
34
“Omonyo nomuya, korende omonyo korasirie obwansu bwaye, ninki orabekwe bwanse?
35
Togwenereti riroba gose etui; abanto nigo bakoyotuguta isiko. Oyore namato akoigwera, tiga aigwe.”
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24