bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Luke 4
Luke 4
Gussi (EBIBILIA ENCHENU) 2020
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Na Yeso oichire n’Omoika Omochenu, akairana korwa Yorodan, agatang’anwa n’Omoika kogenda ase erooro,
2
agateemwa na Saitani ase engaki y’amatuko emerongo ene. Na amatuko aria tariete gento. Goika agachia koera, akaigwa enchara.
3
Saitani akamotebia, “Onye kore Omwana o Nyasae, tebia rigena eri ribe omogati.”
4
Yeso akamoiraneria, “Nerikire. Omonto takoba moyo ase omogati bwoka.”
5
Saitani akamoira aase aimokererete igoro, akamworokia amaruoti onsi ay’ense ase egeka ekemo,
6
akamotebia, “Ninkoe okobua oko gwonsi, na obonene bwaye, ekiagera nabieirwe, na inche iga nkoa oyo ngwancha.
7
Nabo koransasime, bionsi nabibe ebiao.”
8
Yeso akamoiraneria, “Nerikire: Mosasime Omonene Nyasae oo, omokorere ere bweka.”
9
Saitani akamoira goika Yerusalemu, akamotenenia igoro ase egechuria gie Hekalu egetambe mono, akamotebia, “Onye kore Omwana o Nyasae, etugute gochia inse korwa aa,
10
ekiagera nerikire, “Ere nagochikere abamalaika baye bakorende,”
11
naende, “Nabakoimokie ase amaboko abo, erinde tobaisa kogochwa okogoro kwao ne rigena.”
12
Yeso akamoiraneria, “Netebire, Toteema Omonene Nyasae oo.”
13
Saitani agachia gokoora ogoteema kwaye gwonsi, akaimoka korwa asare, akamotiga ase egeka.
14
Yeso akairana gochia Galili ne chinguru chi’Omoika, chinkuma chigasarera ase chinsemo chionsi chi’ense eria.
15
Ere akorokereria ase chisinagogi chiabo, ogotogigwa nabanto bonsi.
16
Akagenda Nazareti, aria ase arereretwe; na ase rituko ri’Esabato agasoa ase esinagogi yabo, buna engencho yaye yarenge, agatenena gosoma.
17
Akaegwa ebuku y’omobani Isaya. Nabo akaigora ebuku eyio, akanyora aase arikire,
18
“Omoika bw’Omonene nigo ore igoro yane, ekiagera ong’akire amaguta koranderia abataka amang’ana amaya. Ontomire koranderia abasibwa ogosiborwa, na koa abare emeuko banyare korora naende, na gosibora abasionoirwe,
19
“na korandia omwaka bw’Omonene bwancheretwe.”
20
Akamumekeria ebuku eria akayea omokori emeremo bw’esinagogi, agaikaransa. Abanto bonsi abarenge ase esinagogi bakamobeta amaiso.
21
Agachaka kobatebia, “Rero ririko eri riaikeranigwe ase amato aino.”
22
Bonsi bakamokwana buya bagakumia amang’ana ’obuya aruete ase omonwa oye, bagatebania, “Oyo tari ere omwana o Yusufu?”
23
Akabatebia, “Ekeene, namontebie omoreng’anio oyo: Omogwenia, egwenie aye omonyene; amang’ana onsi twaigure akorekire Kapernaumu, yakore aiga ase ense yao.”
24
Akabatebia, “Ekeene nabatebirie: Omobani tari oranyare gwanchwa ase ense yaye omonyene.
25
Korende ekeene nabatebirie ng’a mbarenge ababoraka abange ase Israeli ase amatuko ’Elija, ekero igoro yasiegetwe emiaka etato na emetienyi etano nomo, ekero enchara enene yasoete ase ense yonsi;
26
na Elija tatometwe ase oyomo obo, otatiga ase omokungu oyorenge omoboraka agwo Sarepata, ase ense ya Sidoni.
27
Naende mbarenge ase Abaisraeli abanto abange abaare noborwaire bwa ukoma ase ekero ki’omobani Elisha; onde tari osibegete otatiga Naamani, omonto o Siiria.”
28
Bagachia koigwa aya, bonsi ase esinagogi bagaichorwa nendamwamu.
29
Bakaimoka bakamosokia isiko y’omochie, bakamoira goika egemi y’egetunwa keria omochie obo oagachire igoro yaye, banyare komoturunkania.
30
Korende ere agaeta egati‐gati yabo, akagenda.
31
Agatirimboka goika Kapernaumu, omochie o Galili. Akaba nkoborokereria are rituko ri’Esabato.
32
Bagakumia mono ase okworokereria kwaye, ekiagera ring’ana riaye riarenge nokobua.
33
Naende ase esinagogi narengeo omonto obwatire nomoika bw’ekerecha ki’eubi. Ere agaaka eriogi ase chinguru, akabora,
34
“A! Inki tore naye, Yeso o Nazareti? Ngwachire gotosiria? Nakomanyire aye, Omochenu o Nyasae.”
35
Yeso akagetogonyera, akabora, “Kira, omorwe!” Ekerecha keria gekamoiyeria agwo gati‐gati, gekamorwa, tikiamokorera gento.
36
Bagakumia bonsi, bagatebania barabwo ase barabwo, “Ing’ana ki eri? Naki ase chinguru na okobua agochika ebirecha bi’eubi, na birobio biasoka.”
37
Chinkuma chiaye chigasarera ase chinsemo chionsi chi’ense eria.
38
Akaimoka korwa ase esinagogi, agasoa ase enyomba ya Simion. Nabo ng’ina biara Simion konya orwarire esosera; bakamosaba ase engencho yaye.
39
Agatenena ang’e nere, agatogonyera esosera eria; ekamotiga. Bwango ere akaimoka akabakorera.
40
Goika erioba rigachia kogwa bakarenta asare abanto bonsi abarenge nabarwaire bare namarwaire ao ao, na ere akabeka amaboko aye igoro ase kera oyomo, akabagwenia.
41
Ebirecha bigasoka korwa ase abange, bigaaka eriogi, bikabora, “Aye naye Omwana o Nyasae.” Akabitogonyera, tabitiga bikwane, ekiagera biamanyete ng’a nere Kristo.
42
Goika ekaba mobaso, agasoka, akagenda aase atari nabanto. Na abanto bakamoriga‐rigia, bakamoikera, bakarigia komotanga taimoka korwa asebare.
43
Akabatebia, “Nengwenerete korandia amang’ana amaya ay’oboruoti bwa Nyasae ase emechie ende boigo, ekiagera natometwe ase engencho eyio.”
44
Akaba nkorandia are ase chisinagogi chia Galili.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24