bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Romans 15
Romans 15
Gussi (EBIBILIA ENCHENU) 2020
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
Intwe abatore ne chinguru netogwenerete kobogoria oboreu bw’abatari ne chinguru, tetogwenereti kwegwenera intwe abanyene.
2
Kera omonto ore ase egati yaito tiga agwenere omogisangio oye, anyore obuya, erinde tonyare koagachana,
3
Naki Kristo tegwenerete ere omonyene; korende buna erikire, “Emerumi yabo bakoramete nigo yangwerete inche.”
4
Naki onsi ayatang’anete korikwa korwa kare nigo arigetwe ase ogotworokereria intwe, erinde ase oboremereria na ase okoremigwa tokonyora korwa ase amariko, tonyare koba nogosemeria.
5
Na Nyasae bw’oboremereria na bw’okoremia abakonye mobe nomoyo oyomo inwe ase inwe ase omogwekano o Kristo Yeso;
6
erio ase omoyo oyomo monyare komobaka Nyasae Tata bw’Omonene oito Yeso Kristo.
7
Naboigo moroisanie buna Kristo nere abaroisetie inwe, erinde Nyasae abakwe.
8
Naki nabatebirie inwe, ng’a Kristo akaba omosomba bw’abarogete ase okoorokia ng’a Nyasae noyo bw’ekeene, erinde aikeranie chiira echi abagaaka baito ba kare baetwe.
9
Naende abanto b’Ebisaku bamobake Nyasae ase engencho y’amabera aye, buna erikire, “Ase engencho eye ningotogie ase egati y’abanto b’Ebisaku, ninterere erieta riao ase okoritogia.”
10
Naende nigo agoteba, “Abanto b’Ebisaku, goka amo nabanto b’Omonene”;
11
naende, “Abanto b’Ebisaku bionsi, motogie Omonene; abanto bonsi bamobake!”
12
Naende Isaya nigo agokwana, “Ritina ria Yese nariche, ere naoroke kogambera abanto b’Ebisaku; nere abanto b’Ebisaku barasemerie.”
13
Naboigo Nyasae bw’ogosemerigwa abaichorie nomogoko bwonsi na omorembe ase okwegena, monyare komenta mono ase ogosemeria ase chinguru chi’Omoika Omochenu.
14
Abaminto, inche omonyene naenekerigwe igoro yaino ng’a mwaichoirwe namaya, naende mwaichoirwe ne chisemi chionsi, na monyare kworokererania.
15
Korende nabarikeire ase oboremu kobua ase chinsemo chinde chie rirube eri, nkobainyoria ase obuya boria naetwe na Nyasae,
16
erinde imbe omosomba o Kristo Yeso ase ogokorera abanto b’Ebisaku, ase emeremo y’obokuani ase okorandia enchili ya Nyasae, erinde ekeng’wanso kiabo giancherwe, gechenwe n’Omoika Omochenu.
17
Bono ninde nengencho y’okweenenia ime ya Kristo Yeso ase emeremo yane ase obosio bwa Nyasae.
18
Naki tinkonyara gwatora ring’ana rinde otatiga eri Kristo akorete goetera ase emeremo yane, erinde abanto b’Ebisaku banyare koigwera ase engencho ye ring’ana na ogokora,
19
ase chinguru chi’ebikone na amakumia, ase chinguru chi’Omoika Omochenu. Naikire korandia enchili ya Kristo ase Yerusalemu ne chinsemo chionsi chietanaine goika Iluriko.
20
Naboigo nakorete omokia one korandia enchili, korende tari aase erieta ria Kristo riaikire koigugwa, erinde timbaisa koagacha ase oboroso bw’omonto onde,
21
korende, buna erikire, “Baria batana gotebigwa amang’ana igoro yaye, nabarore, na baria batana koyaigwa, nabamanye.”
22
Eke nakio kiagerete ngatangwa ebiro ebinge tinacha asemore.
23
Korende bono tindi ne ribaga rinde ri’ogokora emeremo ase chinsemo echi, naende korwa emiaka emenge narenge namaiga gocha asemore.
24
Ekero nkogenda gochia Hispania ninganetie ng’etere seino, mbarore. Na nyuma konabeire amo nainwe ase ogokonyana ase ekero egeke, namonkoobe.
25
Na bono ningende Yerusalemu, imbe ngokorera abachenu.
26
Naki agweneire abanto ba Makedonia na Akaya gosangereria ebiegwa bi’ogokonya abachenu ba Yerusalemu, baria bare abataka.
27
Ee, amaene, abagweneire gokora bo, naende nabasira babo bare, ekiagera onye abanto b’Ebisaku babwatanire nabarabwo ase ogosesenigwa kwabo kw’omoika, igo nebagwenerete bakorere abachenu baria ase ebinto birabakonye ase obogima obo.
28
Naboigo kondaikeranie ring’ana eri na kobaa ebiegwa ebi biasangererigwe, ekero nabibekire ekemanyererio, ning’etere seino konde orogendo rwane gochia Hispania.
29
Na inche namanyire ng’a kondache asemore, ninchiche nogoichorwa kw’ogosesenigwa gwa Kristo.
30
Nabasoroire baminto ase Omonene oito Yeso Kristo na ase obwanchani bw’Omoika Omochenu, mobe nomokia amo nainche ase ogosaba kwaino ase engencho yane ase obosio bwa Nyasae;
31
erinde nsiborwe korwa ase baria bategeneti ase Boyahudi, naende emeremo imbwate aaria Yerusalemu yancheirwe nabachenu.
32
Igo ninyare gocha asemore nomogoko, Nyasae karanche, na konyora ogotimoka amo nainwe.
33
Nyasae bw’omorembe abe amo nainwe mwensi. Amina.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16