bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Romans 5
Romans 5
Gussi (EBIBILIA ENCHENU) 2020
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Ase igo ekero twaeirwe oboronge ase okwegena, ntore nomorembe na Nyasae goetera ase Omonene oito Yeso Kristo.
2
Goetera asare twaigoreirwe enchera ase okwegena goikera ase obuya obo toteneine ime yaye, naende nigo tokogoka ase ogosemeria kw’obonene bwa Nyasae.
3
Gose tari igo rioka, korende nigo tokogoka nonya nase emechando yaito, ekiagera ntomanyete ng’a emechando nigo ekorenta oboremereria;
4
na oboremereria nigo bokorenta oboremu bw’omoyo, na oboremu bw’omoyo nigo bokorenta ogosemeria.
5
Na ogosemeria tikori gotorentera obosooku, ekiagera obwanchani bwa Nyasae bwaichorigwe ase chinkoro chiaito n’Omoika Omochenu, oyo twaetwe.
6
Amaene ekero totarenge ne chinguru, ekero engaki yaigete, Kristo agakwa ase engencho y’abanyabibe.
7
Naki naakong’u omonto gokwa ribaga ri’omonto omonyene oboronge, korende nanyarekane omonto koremereria gokwa ribaga ri’omonto omuya.
8
Korende Nyasae oorokirie obwanchani bwaye asetore ase ogotoma Kristo gokwa ase engencho yaito, ekero twarenge abanyene ebibe.
9
Naboigo kobua mono, gatwaeirwe oboronge ase amanyinga aye, ere natotoorie korwa ase endamwamu ya Nyasae.
10
Naki ekero twarenge ababisa ba Nyasae, tokabwatanigwa nere ase amakweri ’Omwana oye. Kobua mono, nyuma gatwabwatanigwe natotoorigwe ase obogima bwaye;
11
gose tari igo rioka, korende nigo tokogoka ase Nyasae ase Omonene oito Yeso Kristo ere asare twanyorire okobwatanigwa.
12
Ase ayio, buna ase engencho y’omonto oyomo ebibe bigasoa ase ense, na ase engencho y’ebibe amakweri, naboigo amakweri agaikera abanto bonsi, ekiagera bonsi bakorire ebibe.
13
Naki ebibe nao biarenge ase ense amachiko atarabekwa, korende ebibe tibikobarwa amachiko ataiyo.
14
Korende amakweri nigo agambete korwa Adamu goika Musa, nonya nigoro y’abwo batakorete ebibe koreng’ana nogosaria kw’Adamu, oyorenge omogwekano bw’oyio ogochi‐gocha.
15
Korende ekeegwa keria ki’amabera tikeri buna ogosaria koria. Naki ase ogosaria kw’omonto oyomo abange bagakwa, korende amabera a Nyasae na ekeegwa eke ki’amabera biamentekire kobua mono ase abange ase omonto oyomo Yeso Kristo.
16
Ekeegwa keria ki’amabera tikeri buna ogosaria kw’omonto oyomo, ekiagera ekina keria nigo giachete ase enchera y’ogosaria okomo, gekarenta okogambigwa, korende ekeegwa keria ki’amabera kegacha ase engencho y’ogosaria okonge, gekarenta oboronge.
17
Onye ase ogosaria kw’omonto oyomo amakweri agambete ase engencho y’omonto oria oyomo, kobua mono abwo banyorire amabera amange na ekeegwa ki’oboronge nabagambe ase obogima goetera ase omonto oyomo, Yeso Kristo.
18
Naboigo, buna ase ogosaria kw’omonto oyomo abanto bonsi bakanacherwa ekina, ee, naboigo ase ogokora kw’oboronge kw’omonto oyoma, abanto bonsi bakaegwa oboronge na obogima.
19
Naki buna ase ogotaigwera kw’omonto oyomo abange bagakorwa koba abanyene ebibe, naboigo ase okogwera kw’omonto oyomo abange nabakorwe koba abanyene oboronge.
20
Amachiko agasoa, erinde ogosaria kobe okonene mono. Korende aase ebibe biamentegete, amabera akamenteka akaba amange kobua,
21
erinde, buna ebibe biagambete ase amakweri, naboigo ase enchera y’oboronge amabera agambe goika obogima bwa kare na kare goetera ase Yeso Kristo, Omonene oito.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16