1 John 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1يَا كُو یَیَنَ وَطَنْدَ نَكٜىٰ ڧَوْنَ، إِنَ رُبُوتَ مُكُ وَنَّنْ نٜىٰ دُواْمِنْ كَدَ كُيِ ذُنُوبِ؞ عَمَّا إِنْ حَرْ وَنِ يَيِ ذُنُوبِ، تُواْ، مُنَدَ مَيْ ڟَيَ مَنَ أَغَبَنْ عُبَا، وَتُواْ عِيسَىٰ أَلْمَسِيحُ مَيْ أَدَلْثِے؞

2شِينٜىٰ هَدَايَ تَطَوْكَرْ أَلْحَكِنْ ذُنُبَنْمُ، بَتَامُ كَطَيْبَ عَمَّا حَرْ دَ تَدُكَنْ دُونِيَا؞

3إِنْ مُنْيِ بِيَيَّ دَ عُمَرْنِنْ اللَّهْ ، تُواْ، وَنَّنْ ذَيْ تَبَّتَرْ مَنَ ثٜىٰوَ مُنْ سَنْ شِ؞

4دُكْ وَنْدَ يَثٜىٰ «أَيْ، نَا سَنْ اللَّهْ ،» عَمَّا بَيْيِ بِيَيَّ دَ عُمَرْنِنْ اللَّهْ بَ، تُواْ، وَنَّنْ مُتُمِنْ مَيْ ڧَضْيَا نٜىٰ، كُمَ غَسْكِيَ بَاتَ ثِكِنْسَ؞

5عَمَّا وَنْدَ يَيِ بِيَيَّ دَ كَلْمَرْ اللَّهْ ، تُواْ، أَيْ، ڧَوْنَرْ اللَّهْ تَا ذَمَ ثِكَكِّيَ كٜىٰنَنْ عَثِكِنْسَ؞ تَهَكَنٜىٰ ذَامُ تَبَّتَرْ ثٜىٰوَ مُنَ ثِكِنْسَ؞

6دُكْ وَنْدَ يَثٜىٰ يَنَ رَايُوَا عَثِكِنْ اللَّهْ ، دُواْلٜىٰنٜىٰ يَيِ تَڢِيَرْسَ كَمَرْ يَدَّ عِيسَىٰ أَلْمَسِيحُ يَيِ؞

7يَا كُو وَطَنْدَ نَكٜىٰ ڧَوْنَ، بَ دُواْمِنْ إِنْ بَاكُ سَابُوانْ عُمَرْنِ نَكٜىٰ رُبُوتَ مُكُبَ؞ أَيْ، عُمَرْنِ نَدَا نٜىٰ وَنْدَ كُكٜىٰ دَشِ تُنْدَغَ ڢَرْكُواْ؞ عُمَرْنِنَّنْ نَدَا كُوَ شِينٜىٰ سَڧُوانْ دَ كُنْ رِغَا كُنْ جِ؞

8عَمَّا دُكْدَهَكَ، إِنَ رُبُوتَ مُكُ سَابُوانْ عُمَرْنِ، وَنْدَ يَكٜىٰ تَبَّتَاثّٜىٰ غَ أَلْمَسِيحُ ، حَكَمَا أَغَرٜىٰكُ؞ أَيْ، دُهُ يَنَ ڧَارٜىٰوَ، حَصْكٜىٰنْ غَسْكِيَ كُوَ يَا رِغَا يَا ڢَارَ حَصْكَكَاوَا؞

9وَنْدَ يَثٜىٰ يَنَ ثِكِنْ حَصْكٜىٰ، عَمَّا يَنَ ڧِنْ طَنْعُوَنْسَ، تُواْ، حَرْ يَنْذُ يَنَ رَايُوَا ثِكِنْ دُهُ كٜىٰنَنْ؞

10عَمَّا دُكْ وَنْدَ يَكٜىٰ ڧَوْنَرْ طَنْعُوَنْسَ، تُواْ، يَنَ رَايُوَا ثِكِنْ حَصْكٜىٰ كٜىٰنَنْ، كُمَ بَذَيْ ذَمَ دَلِيلِنْ سَا وَنِ يَيِ تُنْتُٻٜىٰبَ؞

11وَنْدَ يَكٜىٰڧِنْ طَنْعُوَنْسَ يَنَ ثِكِنْ دُهُ، كُمَ يَنَ تَڢِيَ ثِكِنْ دُهُ نٜىٰ، بَيْ كُوَ سَنْ عِنْدَ ذَا شِبَ، غَمَا دُهُنْ يَا مَيْدَشِ مَكَهُواْ؞

12يَا كُو یَیَنَ وَطَنْدَ نَكٜىٰ ڧَوْنَ، نَا رُبُوتَ مُكُ نٜىٰ سَبُواْدَ أَنْيَاڢٜىٰ مُكُ ذُنُبَنْكُ تَوُرِنْ سُونَنْ عِيسَىٰ ؞

13يَا كُو عُبَنِّ، نَارُبُوتَ مُكُ نٜىٰ غَمَا كُنْ سَنْ شِے وَنْدَ يَكٜىٰ تُنْدَغَ ڢَرْكُواْ؞ يَا كُو سَمَارِ، نَا رُبُوتَ مُكُ نٜىٰ غَمَا كُنْثِ نَصَرَا عَكَنْ مُوغُنَّنْ؞ يَا كُو یَنْ يَارَا، نَا رُبُوتَ مُكُ نٜىٰ غَمَا كُنْ سَنْ عُبَنْ؞

14يَا كُو عُبَنِّ، نَا رُبُوتَ مُكُ نٜىٰ غَمَا كُنْ سَنْ شِے وَنْدَ يَكٜىٰ تُنْدَغَ ڢَرْكُواْ؞ يَا كُو سَمَارِ، نَا رُبُوتَ مُكُ نٜىٰ غَمَا كُنَدَ ڧَرْڢِے، كُمَ كَلْمَرْ اللَّهْ تَنَ ظَوْنٜىٰ عَثِكِنْ ذُوثِيَارْكُ، كُنْ كُمَثِ نَصَرَا عَكَنْ مُوغُنَّنْ؞

15كَدَ كُڧَوْنَثِ دُونِيَا، كُواْ أَبُبُوَنْ دَسُكٜىٰ ثِكِنْتَ؞ دُكْ وَنْدَ يَكٜىٰ ڧَوْنَرْ دُونِيَا، تُواْ، بَابُ ڧَوْنَرْ عُبَنْ عَثِكِنْسَ؞

16غَمَا دُكَنْ أَبُبُوَنْ دَسُكٜىٰ عَدُونِيَا، كَمَرْ نٜىٰمَنْ بِيَنْ شَعَوَ تَجِكِے دَ ݣُوطَيِنْ عِدُواْ دَ كُمَ تَاڧَمَ دَ أَبُبُوَنْ رَايُوَا؞ وَطَنَّنْ دَيْ بَدَغَ وُرِنْ عُبَا سُكَ ڢِتُواْ بَ، عَمَّا دَغَ دُونِيَا نٜىٰ سُكَ ڢِتُواْ؞

17دُونِيَا دَ دُكَنْ مُوغُوَرْ شَعَوَرْتَ تَنَ وُثٜىٰوَ عَمَّا وَنْدَ يَعَيْكَتَ نُڢِنْ اللَّهْ ذَيْ رَايُ حَرْ أَبَدَا؞

18يَا كُو یَیَنَ، وَطَنَّنْ سُونٜىٰ ݣُونَكِنْ ڧَرْشٜىٰ؞ كَمَرْ يَدَّ كُكَ رِغَا كُكَجِ ثٜىٰوَ مَيْ غَابَادَ أَلْمَسِيحُ يَنَ ذُوَا، تُواْ، يَنْذُ مَا مَاسُ غَابَادَ أَلْمَسِيحُ دَيَوَ سُنْ رِغَا سُنْ ذُواْ؞ شِے يَسَا مُكَ سَنِ ثٜىٰوَ ݣُونَكِنْ ڧَرْشٜىٰ سُنْ ذُواْ؞

19وَطَنَّنْ مَاسُ غَابَادَ أَلْمَسِيحُ سُنَ ثِكِنْمُ أَدَا، عَمَّا سُنْ بَرْمُ، غَمَا تُنْ دَا مَا سُو بَا نَامُبَنٜىٰ؞ أَيْ دَا سُو نَامُ نٜىٰ دَهَرْ يَنْذُ سُنَ تَرٜىٰدَمُو؞ عَمَّا سُنْبَرْمُ، وَنَّنْ كُمَ يَا نُونَ أَ ڢِيلِ ثٜىٰوَ دُكَنْسُ بَنَامُ بَنٜىٰ؞

20عَمَّا كُو كَمْ، مَيْ ڟَرْكِنَّنْ يَا كٜىٰٻٜىٰكُ، سَبُواْدَ حَكَ دُكَنْكُ كُنْسَنْ غَسْكِيَ؞

21بَنْ رُبُوتَ مُكُ سَبُواْدَ بَكُسَنْ غَسْكِيَ بَ، عَمَّا سَبُواْدَ كُنْسَنْتَ؞ كُنْ كُمَ سَنِ ثٜىٰوَ غَسْكِيَ بَاتَ حَيْڢَرْ دَ ڧَضْيَا؞

22وَنٜىٰنٜىٰ وَنَّنْ مَيْ ڧَضْيَا؟ أَيْ، شِينٜىٰ وَنْدَ يَكٜىٰ مُسُو ثٜىٰوَ عِيسَىٰ نٜىٰ أَلْمَسِيحُ ؞ مُتُمِنْ دَيَكٜىٰ مُسُونْ عُبَنْ دَ طَنْ، تُواْ، شِينٜىٰ مَيْ غَابَادَ أَلْمَسِيحُ ؞

23دُكْ وَنْدَ يَيِ مُسُونْ طَنْ، بَاشِ دَ عُبَنْ؞ عَمَّا دُكْ وَنْدَ يَيِ نَعَمْ دَ طَنْ، يَنَدَ عُبَنْ مَا كٜىٰنَنْ؞

24كُو كَمْ كُواْيَرْوَا دَ كُكَجِ تُنْدَغَ ڢَرْكُواْ، سَيْ تَذَوْنَ أَ ذُوثِيَارْكُ؞ عِدَنْ كُواْيَرْوَرْ دَ كُكَ سَامُ تُنْدَغَ ڢَرْكُواْ تَا ذَوْنَ أَ ذُوثِيَارْكُ، تُواْ، كُو مَا ذَاكُ ذَوْنَ عَثِكِنْ طَنْ دَكُمَ ثِكِنْ عُبَنْ؞

25وَنَّنْ كُمَ شِينٜىٰ أَلْڧَوَرِنْ دَ طَنْ يَيِ مَنَ، وَتُواْ، رَيْ نَهَرْ أَبَدَا؞

26نَا رُبُوتَ مُكُ وَنَّنْ نٜىٰ غَمٜىٰدَ وَطَنْدَ سُكٜىٰ ڧُواْڧَرِ سُرُوطٜىٰكُ؞

27عَمَّا كُو كَمْ شَاڢٜىٰوَرْ دَ تَكٜىٰٻٜىٰكُ وَدَّ كُكَ سَامُ تَوُرِنْ رُوحُ مَيْ ڟَرْكِے نَّنْ، تَبَّتَاثِّيَثٜىٰ عَثِكِنْكُ؞ سَبُواْدَ حَكَ بَاكُ بُڧَاتَ وَنِ مَلَمِ دَبَمْ يَكُواْيَرْ دَكُو، غَمَا رُوحُنْسَ يَنَ كُواْيَرْ مُكُ كُواْمٜىٰ دَكُواْمٜىٰ، كُمَ كُواْيَرْوَرْسَ غَسْكِيَثٜىٰ، بَا ڧَضْيَابَ؞ سَبُواْدَ حَكَ كُثِيغَبَدَ رَايُوَا ثِكِنْ عِيسَىٰ كَمَرْ يَدَّ رُوحُ يَكُواْيَ مُكُ؞

28يَنْذُ، يَا كُو یَیَنَ وَطَنْدَ نَكٜىٰ ڧَوْنَ، سَيْ كُذَوْنَ ثِكِنْ أَلْمَسِيحُ دُواْمِنْ أَ رَانَرْ دَ ذَيْ بَيَّنَ مُكَسَنْثٜىٰ بَابُ ڟُواْرُواْ كُواْ كُنْيَا أَغَبَنْسَ؞

29عِدَنْ كُنْ سَنِ ثٜىٰوَ أَلْمَسِيحُ مَيْ أَدَلْثِے نٜىٰ، ذَاكُ تَبَّتَرْ ثٜىٰوَ دُكْ وَنْدَ يَكٜىٰيِنْ أَبِنْدَ يَكٜىٰ دَيْدَيْ شِے طَنْ اللَّهْ نٜىٰ؞

← Chapter 1 Jump to: Chapter 3 →