1 John 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1يَا كُو وَطَنْدَ نَكٜىٰ ڧَوْنَ، كَدَ كُبَادَ غَسْكِيَ دَ دُكْ وَنْدَ يَثٜىٰ يَنَدَ رُوحٌ اللَّهْ ، عَمَّا كُڠُودَاسُ دُكَ دُواْمِنْ كُغَنِ كُواْ دَغَ وُرِنْ اللَّهْ سُكٜىٰ؞ غَمَا أَنَّبَاوَنْ ڧَضْيَا سُنْ بَظُو كُواْعِنَ عَدُونِيَا؞

2غَا يَدَّ ذَاكُ غَانٜىٰ كُواْ مُتُمْ يَنَدَ رُوحٌ اللَّهْ ؞ دُكْ مُتُمِنْ دَ يَشَيْدَ ثٜىٰوَ عِيسَىٰ أَلْمَسِيحُ يَا ذُواْ ثِكِنْ جِكِے، مُتُمِنَّنْ يَنَدَ رُوحٌ اللَّهْ ؞

3عَمَّا دُكْ مُتُمِنْ دَ بَيْ شَيْدَ حَكَ عَكَنْ عِيسَىٰ بَ، تُواْ، رُوحٌ دَ يَكٜىٰدَشِ بَ دَغَ وُرِنْ اللَّهْ بَنٜىٰ؞ وَنَّنْ رُوحٌ دَ يَكٜىٰدَشِ نَمَيْ غَابَادَ أَلْمَسِيحُ نٜىٰ وَنْدَ كُكَجِ ثٜىٰوَ ذَيْذُواْ، أَيْ، يَنْذُ مَا يَا رِغَا يَا شِغُواْ دُونِيَا؞

4يَا كُو یَیَنَ وَطَنْدَ نَكٜىٰ ڧَوْنَ، كُو كَمْ نَ اللَّهْ نٜىٰ، كُنْكُمَثِ نَصَرَا عَكَنْ أَنَّبَاوَنْ ڧَضْيَارْ نَنْ، دُواْمِنْ رُوحٌ اللَّهْ دَيَكٜىٰ ثِكِنْكُ يَاڢِ رُوحٌ دَيَكٜىٰ ثِكِنْ مُتَنٜىٰنْ دَسُكٜىٰ نَدُونِيَا؞

5تُنْدَا مَا سُو نَدُونِيَا نٜىٰ، سَبُواْدَ حَكَ دُكْ أَبِنْدَ سُكَ ڢَطَا دَغَ دُونِيَا نٜىٰ، دُونِيَا كُوَ تَنَ جِنْسُ؞

6عَمَّا مُو، نَ اللَّهْ نٜىٰ؞ وَطَنْدَ سُنْ سَنْ اللَّهْ سُكَنْجِيمُ، وَطَنْدَ كُمَ بَسُ سَنْ اللَّهْ بَ، بَاسَجِنْمُ؞ تُواْ، تَهَكَنٜىٰ مُكَسَنْ مُتُمِنْ دَ يَكٜىٰدَ رُوحٌ غَسْكِيَ دَ مُتُمِنْ دَ يَكٜىٰدَ رُوحٌ ڧَضْيَا؞

7يَا كُو وَطَنْدَ نَكٜىٰ ڧَوْنَ، سَيْ مُڧَوْنَثِ جُونَ، غَمَا ڧَوْنَ دَغَ وُرِنْ اللَّهْ تَكٜىٰ؞ دُكْ مَيْ نُونَ ڧَوْنَ شِ طَنْ اللَّهْ نٜىٰ، يَا كُمَ سَنْ اللَّهْ ؞

8دُكْ وَنْدَ بَايَ نُونَ ڧَوْنَ، بَيْسَنْ اللَّهْ بَ سَمْ، غَمَا اللَّهْ ڧَوْنَ نٜىٰ؞

9غَا يَدَّ اللَّهْ يَنُونَ مَنَ ڧَوْنَرْسَ؞ يَاعَيْكُواْ دَ مَكَطَيْثِنْ طَنْسَ ذُوَا ثِكِنْ دُونِيَا دُواْمِنْ مُسَامِ رَيْ تَوُرِنْسَ؞

10غَا يَدَّ ڧَوْنَ تَغَسْكِيَ تَكٜىٰ، وَتُواْ بَا مُو نٜىٰ مُكَ ڧَوْنَثِ اللَّهْ بَ، سَيْدَيْ شِينٜىٰ يَڧَوْنَثٜىٰمُ، حَرْ يَعَيْكُواْ دَ طَنْسَ دُواْمِنْ يَذَمَ هَدَايَ تَطَوْكَرْ أَلْحَكِنْ ذُنُبَنْمُ؞

11يَا كُو وَطَنْدَ نَكٜىٰ ڧَوْنَ، تُنْدَيَكٜىٰ اللَّهْ يَا ڧَوْنَثٜىٰمُ حَكَ، يَا كَمَاتَ مُو مَا مُڧَوْنَثِ جُونَ؞

12بَا مُتُمِنْ دَ يَتَٻَ غَنِنْ اللَّهْ ، عَمَّا إِنْ مُنَ ڧَوْنَرْ جُونَ، اللَّهْ يَنَ ذَمَ عَثِكِنْمُ كٜىٰنَنْ، ڧَوْنَرْسَ كُمَ تَا ذَمَ ثِكَكِّيَ عَثِكِنْمُ؞

13تَهَكَ مُكَ تَبَّتَا مُنَ ذَمَ عَثِكِنْسَ، شِيكُمَ عَثِكِنْمُ، سَبُواْدَ يَا بَامُ رُوحُنْسَ ؞

14مُنْ دُوبَ، مُنَ كُمَ بَادَ شَيْدَ ثٜىٰوَ عُبَنْ يَا عَيْكُواْ طَنْسَ يَذَمَ مَيْ ثٜىٰتُوانْ دُونِيَا؞

15دُكْ وَنْدَ يَبُوطٜىٰ بَاكِ يَشَيْدَ ثٜىٰوَ عِيسَىٰ طَنْ اللَّهْ نٜىٰ، تُواْ، يَنَ ثِكِنْ اللَّهْ ، اللَّهْ كُمَ يَنَ ثِكِنْسَ؞

16حَڧِيڧَ، مُنْ سَنِ مُنْ كُمَ بَادَ غَسْكِيَ غَ ڧَوْنَرْ دَ اللَّهْ يَكٜىٰ نُونَ مَنَ؞ اللَّهْ ڧَوْنَ نٜىٰ، دُكْ وَنْدَ يَكٜىٰ نُونَ ڧَوْنَ يَنَ ذَمَ ثِكِنْ اللَّهْ نٜىٰ، اللَّهْ كُمَ يَنَ ذَمَ عَثِكِنْسَ؞

17ڧَوْنَرْسَ تَا ذَمَ ثِكَكِّيَ عَثِكِنْمُ دُواْمِنْ مُكَسَنْثٜىٰ دَ تَبَّثِ ذَامُ ڟَيَ أَغَبَنْ اللَّهْ أَ رَانَرْ دَ ذَيْ يِشَرِيعَ؞ غَمَا كَمَرْ يَدَّ أَلْمَسِيحُ يَكٜىٰ، حَكَ مُكٜىٰ عَدُونِيَرْ نَنْ؞

18عِنْدَ ڧَوْنَرْ اللَّهْ تَكٜىٰ، بَابُ ڟُواْرُواْ، دُواْمِنْ ثِكَكِّيَرْ ڧَوْنَ تَكَنْ كَوَرْدَ ڟُواْرُواْ؞ عِدَنْ مُتُمْ يَنَدَ ڟُواْرُواْ، أَيْ، سَبُواْدَ ڟُواْرُوانْ حُكُنْثِ نٜىٰ؞ وَنَّنْ مَا تَبَّثِنٜىٰ ثٜىٰوَ مُتُمِنْ بَاشِ دَ ثِكَكِّيَرْ ڧَوْنَ؞

19مُنَ ڧَوْنَ غَمَا اللَّهْ نٜىٰ يَڢَارَ ڧَوْنَرْمُ؞

20عَمَّا عِدَنْ وَنِ يَثٜىٰ، «أَيْ، إِنَڧَوْنَرْ اللَّهْ ،» سَعَنً يَنَڧِنْ طَنْعُوَنْسَ، تُواْ، وَنَّنْ مُتُمْ مَيْڧَضْيَا نٜىٰ؞ غَمَا دُكْ وَنْدَ بَايَڧَوْنَرْ طَنْعُوَنْسَ وَنْدَ يَكٜىٰ غَنِ، بَذَيْ عِيَ ڧَوْنَرْ اللَّهْ وَنْدَ بَيْتَٻَ غَنِبَ؞

21أَلْمَسِيحُ كُمَ يَا بَامُ دُواْكَا ثٜىٰوَ دُكْ مَيْ ڧَوْنَرْ اللَّهْ ، دُواْلٜىٰنٜىٰ يَڧَوْنَثِ طَنْعُوَنْسَ كُمَ؞

← Chapter 3 Jump to: Chapter 5 →