1 John 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1إِنَا مِصَالِنْ ڧَوْنَرْ دَ عُبَنْ يَيِ مَنَ عَيَلْوَثٜىٰ، حَرْ دَ عَكٜىٰ ثٜىٰ دَ مُو یَیَنْ اللَّهْ! حَكَ كُوَ مُكٜىٰ؞ دَلِيلِنْ دَ دُونِيَا بَتَسَنْمُبَ شِينٜىٰ بَتَسَنْشِيبَ؞

2يَا كُو وَطَنْدَ نَكٜىٰ ڧَوْنَ، يَنْذُ مُو یَیَنْ اللَّهْ نٜىٰ؞ بَعَبَيَّنَ مَنَ أَبِنْدَ ذَامُ ذَمَ نَنْ غَبَبَ تُكُنَ؞ عَمَّا مُنْ سَنِ ثٜىٰوَ إِنْ أَلْمَسِيحُ يَا بَيَّنَ، ذَامُ ذَمَ كَمَرْسَ، غَمَا ذَامُ غَنْ شِ دَيْدَيْ يَدَّ يَكٜىٰ؞

3دُكْ وَنْدَ يَكٜىٰسَا ذُوثِيَا عَكَنْ أَلْمَسِيحُ حَكَ يَكَنْ ڟَبْتَثٜىٰ كَنْسَ دُواْمِنْ يَذَمَ كَمَرْسَ، غَمَا شِے ڟَبْتَثٜىٰنٜىٰ؞

4دُكْ وَنْدَ يَكٜىٰيِنْ ذُنُوبِ يَنَ كَرْيَ دُواْكَرْ اللَّهْ كٜىٰنَنْ؞ ذُنُوبِ شِينٜىٰ رَشِنْ بِنْ كُواْيَرْوَرْ اللَّهْ ؞

5كُنْ دَيْ سَنِ ثٜىٰوَ عِيسَىٰ يَا ذُواْ نٜىٰ دُواْمِنْ يَكَوَرْ دَ ذُنُبَيْ، كُمَ بَابُ ذُنُوبِ عَثِكِنْسَ؞

6سَبُواْدَ حَكَ دُكْ وَنْدَ يَكٜىٰ ذَمَ ثِكِنْ أَلْمَسِيحُ بَايَثِيغَبَدَ يِنْ ذُنُوبِ؞ دُكْ وَنْدَ يَثِيغَبَدَ يِنْ ذُنُوبِ، تُواْ، بَيْتَٻَ غَنِنْ عِيسَىٰ بَ، بَيْ مَا تَٻَ سَنِنْسَبَ؞

7يَا كُو یَیَنَ وَطَنْدَ نَكٜىٰ ڧَوْنَ، كَدَ ڢَا كُواْوَ يَرُوطٜىٰكُ؞ دُكْ وَنْدَ يَنَ عَيْكَتَ أَدَلْثِے شِے مَيْ أَدَلْثِے نٜىٰ، كَمَرْ يَدَّ أَلْمَسِيحُ يَكٜىٰ مَيْ أَدَلْثِے؞

8دُكْ وَنْدَ يَثِيغَبَدَ يِنْ ذُنُوبِ شِے نَ شَيْطَنْ نٜىٰ، غَمَا شَيْطَنْ يَنَيِنْ ذُنُوبِ تُنْدَغَ ڢَرْكُواْ؞ دَلِيلِنْ دَ يَسَا طَنْ اللَّهْ يَذُواْ دُونِيَا شِينٜىٰ دُواْمِنْ يَرُشٜىٰ أَيُّكَنْ شَيْطَنْ؞

9دُكْ وَنْدَ يَكٜىٰ طَنْ اللَّهْ بَايَثِيغَبَدَ يِنْ ذُنُوبِ، غَمَا سَابُوانْ رَيْ دَغَ وُرِنْ اللَّهْ يَنَ ثِكِنْسَ؞ بَذَيْ إِيَثِيغَبَ دَ يِنْ ذُنُوبِبَ غَمَا يَا ذَمَ طَنْ اللَّهْ ؞

10غَا يَدَّ ذَاعَ غَانٜىٰ وَطَنْدَ سُكٜىٰ یَیَنْ اللَّهْ دَ كُمَ وَطَنْدَ سُكٜىٰ یَیَنْ شَيْطَنْ؞ دُكْ وَنْدَ بَايَيِنْ أَبِنْدَ يَكٜىٰ دَيْدَيْ، شِے بَا طَنْ اللَّهْ بَنٜىٰ، كُمَ وَنْدَ بَايَڧَوْنَرْ طَنْعُوَنْسَ، شِے مَا بَطَنْ اللَّهْ بَنٜىٰ؞

11وَنَّنْ شِينٜىٰ سَڧُوانْ دَ كُكَجِ تُنْدَغَ ڢَرْكُواْ، ثٜىٰوَ مُڧَوْنَثِ جُونَ؞

12كَدَ ڢَا كُذَمَ كَمَرْ كَيِنُ وَنْدَ يَكٜىٰ نَ شَيْطَنْ حَرْ مَا يَكَشٜىٰ طَنْعُوَنْسَ؞ دُوانْمٜىٰ يَكَشٜىٰ طَنْعُوَنْسَ؟ يَا كَشٜىٰشِ دُواْمِنْ أَيُّكَنْسَ مُوغَيٜىٰ نٜىٰ، عَمَّا نَطَنْعُوَنْسَ نَأَدَلْثِنٜىٰ؞

13يَا كُو یَنْعُوَ، كَدَ كُيِ مَامَاكِ عِدَنْ مُتَنٜىٰنْ دُونِيَا سُنَ ڧِنْكُ؞

14مُو كَمْ، مُنْ تَبَّتَا مُنْ رِغَا مُنْ وُثٜىٰ دَغَ مُتُوَ ذُوَا رَيْ سَبُواْدَ مُنَ ڧَوْنَرْ یَنْعُوَ؞ عَمَّا وَنْدَ بَايَڧَوْنَرْ یَنْعُوَ، حَرْ يَنْذُ ذَمَنْ مُتُوَ يَكٜىٰيِ؞

15دُكْ وَنْدَ يَكٜىٰڧِنْ طَنْعُوَنْسَ، شِے مَيْ كِسَنْ كَيْنٜىٰ؞ كُمَ كُنْ سَنِ ثٜىٰوَ بَا مَيْ كِسَنْ كَيْ وَنْدَ يَكٜىٰدَ رَيْ نَهَرْ أَبَدَا عَثِكِنْسَ؞

16غَا يَدَّ مُكَ سَنْ يَدَّ ڧَوْنَ تَكٜىٰ، عِيسَىٰ يَا بَادَ رَنْسَ سَبُواْدَمُو؞ يَا كَمَاتَ مُو مَا مُبَادَ رَنْمُ سَبُواْدَ یَنْعُوَنْمُ؞

17عِدَنْ وَنِ يَنَدَ دُكَنْ أَبِنْدَ يَكٜىٰ بُڧَاتَ يَكُمَ غَا طَنْعُوَنْسَ عَثِكِنْ بُڧَاتَ، سَعَنً يَڧِ يَتَيْمَكٜىٰشِ، أَنْيَ، ڧَوْنَرْ اللَّهْ تَنَ عَثِكِنْسَ كٜىٰنَنْ؟

18يَا كُو یَیَنَ وَطَنْدَ نَكٜىٰ ڧَوْنَ، كَدَ كُنُونَ ڧَوْنَرْكُ تَوُرِنْ سُورُوتُنْ بَاكِ كَوَيْ، عَمَّا كُنُونَ ڧَوْنَرْكُ تَوُرِنْ عَيْكَتَاوَا دَ كُمَ غَسْكِيَ؞

19غَا يَدَّ ذَامُ تَبَّتَا مُو نَغَسْكِيَانٜىٰ دَ كُمَ يَدَّ ذُوثِيَارْمُ ذَاتَ كَسَنْثٜىٰ دَ تَبَّثِ ثٜىٰوَ ذَامُ عِيَ ڟَيَاوَا أَغَبَنْ اللَّهْ ؞

20دُكْ سَعَدَّ ذُوثِيَارْمُ تَنُونَ مَنَ مُنَدَ لَيْڢِے، مُنْ سَنِ ثٜىٰوَ اللَّهْ يَاڢِ ذُوثِيَارْمُ يَا كُمَ سَنْ دُكَنْ كُواْمٜىٰ؞

21يَا كُو وَطَنْدَ نَكٜىٰ ڧَوْنَ، عِدَنْ ذُوثِيَارْمُ بَتَنُونَ مَنَ مُنَدَ لَيْڢِے بَ، تُواْ، مُنَدَ تَبَّثِ أَ ذُوثِيَا ثٜىٰوَ ذَامُ ڟَيَ أَغَبَنْ اللَّهْ كٜىٰنَنْ؞

22مُكَنْ كُوَ سَامِ دُكْ أَبِنْدَ مُكَ ضُواْڧَا دَغَ وُرِنْسَ، سَبُواْدَ مُنَ كِيَايٜىٰ عُمَرْنَنْسَ، مُنَ كُمَيِنْ أَبِنْدَ يَكٜىٰ ڢَرَنْتَ مَسَ رَيْ؞

23عُمَرْنِنْسَ كُوَ شِينٜىٰ مُبَادَ غَسْكِيَ غَ طَنْسَ عِيسَىٰ أَلْمَسِيحُ ، مُكُمَ ڧَوْنَثِ جُونَ كَمَرْ يَدَّ أَلْمَسِيحُ يَعُمَرْثٜىٰمُ؞

24دُكْ مَاسُ كِيَايٜىٰ عُمَرْنَنْسَ سُنَ ذَمَ عَثِكِنْسَ، شِيكُمَ عَثِكِنْسُ؞ غَا يَدَّ مُكَ تَبَّتَا يَنَ عَثِكِنْمُ، مُنْ تَبَّتَرْ دَ حَكَ تَوُرِنْ رُوحٌ دَ يَبَامُ؞

← Chapter 2 Jump to: Chapter 4 →