1 John 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to:

1دُكْ وَنْدَ يَبَادَ غَسْكِيَ ثٜىٰوَ عِيسَىٰ نٜىٰ أَلْمَسِيحُ ، مُتُمِنَّنْ طَنْ اللَّهْ نٜىٰ؞ دُكْ مَيْ ڧَوْنَرْ عُبَنْ ذَيْ ڧَوْنَثِ طَنْ مَا؞

2غَا يَدَّ ذَامُ سَنِ ثٜىٰوَ مُنَ ڧَوْنَرْ یَیَنْ اللَّهْ ، إِنْ مُنَ ڧَوْنَرْ اللَّهْ ، مُنَ كُمَ كِيَايٜىٰ عُمَرْنَنْسَ؞

3غَمَا ڧَوْنَرْمُ غَ اللَّهْ عِتَثٜىٰ، مُكِيَايٜىٰ عُمَرْنَنْسَ، كُمَ عُمَرْنَنْسَ بَاسُدَ نَوْيِ؞

4غَمَا كُواْوَنٜىٰ طَنْ اللَّهْ يَنَدَ إِيكُواْ يَثِ نَصَرَا دَ دُونِيَا؞ بَنْ‌غَسْكِيَرْمُ ثِكِنْ أَلْمَسِيحُ عِتَثٜىٰ تَكٜىٰ بَامُ وَنَّنْ نَصَرَا؞

5وَنٜىٰنٜىٰ مَيْ نَصَرَا دَ دُونِيَا؟ سَيْ وَنْدَ يَابَادَ غَسْكِيَ ثٜىٰوَ عِيسَىٰ طَنْ اللَّهْ نٜىٰ؞

6أَنْ بَيَّنَ عِيسَىٰ أَلْمَسِيحُ أَمَڟَيِنْسَ نَ طَنْ اللَّهْ تَوُرِنْ بَڢْتِسْمَرْسَ ثِكِنْ ضُوَ دَ كُمَ تَوُرِنْ ظُبْدَ جِنِنْسَ عَكَنْ غِثِّيٜىٰ، وَتُواْ، بَا وَيْ تَوُرِنْ ضُوَ كَطَيْبَ، عَمَّا تَوُرِنْ ضُوَ دَ جِنِ؞ رُوحٌ نٜىٰ كُمَ وَنْدَ يَكٜىٰ غَسْكِيَ يَا تَبَّتَرْ مَنَ دَ وَنَّنْ؞

7أَݣَويْ أَبُبُوَ عُكُ وَطَنْدَ سُكٜىٰ شَيْدَ ثٜىٰوَ عِيسَىٰ طَنْ اللَّهْ نٜىٰ؞

8وَتُواْ، سُونٜىٰ رُوحٌ اللَّهْ دَ ضُوً بَڢْتِسْمَ دَ جِنِنْسَ وَنْدَ يَظُبَرْ سَبُواْدَمُو؞ وَطَنَّنْ أَبُبُوَ عُكُ كُوَ سُنَ ڢَطِنْ أَبُ طَيَ نٜىٰ؞

9عِدَنْ مُكَنْ كَرْٻِ شَيْدَرْ مُتُمْ، أَيْ، شَيْدَرْ اللَّهْ تَاڢِ تَمُتُمْ غِرْمَ، غَمَا شَيْدَرْ اللَّهْ كٜىٰنَنْ وَدَّ يَبَايَرْ غَمٜىٰدَ طَنْسَ؞

10سَبُواْدَ حَكَ، دُكْ مُتُمِنْ دَ يَبَادَ غَسْكِيَ غَ طَنْ اللَّهْ ، يَنَدَ وَنَّنْ شَيْدَ أَ ذُوثِيَارْسَ؞ عَمَّا دُكْ مُتُمِنْدَ بَيْ غَسْكَتَادَ اللَّهْ بَ، يَا مَيْدَ اللَّهْ مَيْ ڧَضْيَا كٜىٰنَنْ، غَمَا بَيْ بَادَ غَسْكِيَ غَ شَيْدَرْ دَ اللَّهْ يَا بَايَرْ غَمٜىٰدَ طَنْسَبَ؞

11وَنَّنْ كُمَ عِتَثٜىٰ شَيْدَرْ ثٜىٰوَ اللَّهْ يَا بَامُ رَيْ نَهَرْ أَبَدَا، وَنَّنْ رَيْ كُوَ عَثِكِنْ طَنْسَ يَكٜىٰ؞

12دُكْ وَنْدَ يَنَدَ طَنْ، يَنَدَ رَيْ؞ عَمَّا دُكْ وَنْدَ بَاشِ دَ طَنْ اللَّهْ ، بَاشِ دَرَيْ؞

13كُو مَاسُ بَادَ غَسْكِيَ ثِكِنْ طَنْ اللَّهْ ، نَارُبُوتَ مُكُ وَطَنَّنْ أَبُبُوَ دُكَ نٜىٰ دُواْمِنْ كُسَنِ كُنَدَ رَيْ نَهَرْ أَبَدَا؞

14وَنَّنْ نٜىٰ تَبَّثِنْ دَمُكٜىٰ دَشِ أَغَبَنْ اللَّهْ ، وَتُواْ، عِدَنْ مُنْ ضُواْڧِ كُواْمٜىٰ بِسَغَ نُڢِنْسَ، ذَيْ سَوْرَرٜىٰمُ؞

15دَيَكٜىٰ مُنْ سَنْ يَنَ جِنْمُ كُواْوَنٜىٰ لُواْكَثِنْ دَ مُكَ ضُواْڧٜىٰشِ وَنِ أَبُ، مُنْ سَنِ ثٜىٰوَ ذَامُ سَامِ أَبِنْدَ مُكَ ضُواْڧَا؞

16عِدَنْ وَنِ يَغَ طَنْعُوَنْسَ يَنَ يِنْ ذُنُوبِ وَنْدَ بَيْكَيْ غَ مُتُوَبَ، سَيْ يَيِ مَسَ أَدُّعَ؞ سَبُواْدَ مَيْ أَدُّعَرْ نَنْ كُوَ اللَّهْ ذَيْبَا مَيْ ذُنُوبِنَّنْ رَيْ؞ كُواْدَيَكٜىٰ أَݣَويْ ذُنُوبِنْ دَ يَكَنْ كَيْ غَ مُتُوَ، عَمَّا بَنْثٜىٰ عَيِ أَدُّعَ غَمٜىٰدَ وَنَّنْبَ؞

17دُكْ رَشِنْ أَدَلْثِے ذُنُوبِنٜىٰ، عَمَّا بَكُواْوَنٜىٰ ذُنُوبِ يَنَ كَيْ غَ مُتُوَبَ؞

18مُنْ سَنْ ثٜىٰوَ دُكْ یَیَنْ اللَّهْ بَاسَثِيغَبَدَ يِنْ ذُنُوبِ، غَمَا طَنْ اللَّهْ يَنَ ڟَرٜىٰسُ؞ مُوغُنَّنْ كُوَ بَا يَتَٻَسُ؞

19مُنْ سَنِ مُو یَیَنْ اللَّهْ نٜىٰ، كُواْدَيَكٜىٰ دُونِيَا دُكَ تَنَ أَ حَنُّنْ مُوغُنَّنْ؞

20مُنْ سَنِ ثٜىٰوَ طَنْ اللَّهْ يَا ذُواْ دُونِيَا، يَا كُمَ بَامُ غَانٜىٰوَ دُواْمِنْ مُسَنْ شِے وَنْدَ يَكٜىٰ نَغَسْكِيَ؞ مُو كُوَ مُنَ ثِكِنْسَ، شِے دَيَكٜىٰ نَغَسْكِيَ وَتُواْ، ثِكِنْ طَنْسَ عِيسَىٰ أَلْمَسِيحُ ؞ شِينٜىٰ اللَّهْ نَغَسْكِيَ دَ كُمَ رَيْ نَهَرْ أَبَدَا؞

21يَا كُو یَیَنَ وَطَنْدَ نَكٜىٰ ڧَوْنَ، كُكِيَايٜىٰ كَنْكُ دَغَ بِنْ أَلُّواْلِنْ ڧَضْيَا؞

← Chapter 4 Jump to: