1 Peter 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1سَبُواْدَ حَكَ سَيْ كُرَبُ دَ كُواْوَنٜىٰ إِرِنْ ڧِيَيَّرْ ذُوثِيَا دَ يِنْ ڧَضْيَا دَ يِنْ مُنَاڢُنْثِ دَ يِنْ كِيشِ دَ كُواْوَنٜىٰ إِرِنْ ٻَاتَ سُونَ؞

2مَيْمَكُوانْ حَكَ، كُذَمَ كَمَرْ جَرِرَيْ سَابَبِّنْ حَيْڢُوَ وَطَنْدَ سُكٜىٰ مَرْمَرِنْ شَنْ نُواْنُواْ، وَتُواْ، كُيِ مَرْمَرِنْ كَلْمَرْ اللَّهْ دُواْمِنْ تَسَ كُيِ غِرْمَ ذُوَا ثٜىٰتُواْ،

3إِنْ دَيْ كُنْ طَنْطَنَ أَلْحٜىٰرِنْ عُبَنْ‌غِجِ ؞

4كُنَ ذُوَا وُرِنْسَ، شِے وَنْدَ يَكٜىٰ دُوڟٜىٰنْ غِنِ مَيْ رَيْ؞ شِينٜىٰ دُوڟٜىٰ وَنْدَ مُتَنٜىٰ سُكَڧِ، عَمَّا ذَاٻَٻّٜىٰ نٜىٰ مَيْ دَرَجَ أَوُرِنْ اللَّهْ ؞

5كُو كُوَ كَمَرْ دُوَڟُو مَاسُ رَيْ نٜىٰ وَطَنْدَ عَكٜىٰ أَمْڢَانِ دَسُو دُواْمِنْ أَغِنَ غِدَا إِرِنَّرُوحُ دَ نُڢِ ثٜىٰوَ كُيِ حِدِمَ كَمَرْ ڧُنْ‌غِيَرْ ڢِرِسْتُواْثِے مَاسُ ڟَرْكِے عَثِكِنْ وَنَّنْ غِدَا، كُنَ مِيڧَ مَسَ هَدَايُ نَرُوحُ إِرِنْ وَنْدَ اللَّهْ يَكٜىٰ كَرْٻَ، تَوُرِنْ عِيسَىٰ أَلْمَسِيحُ ؞

6غَمَا أَرُبُوثٜىٰ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ ثٜىٰوَ «غَاشِ، إِنَ كَڢَ دُوڟٜىٰ أَ سِهِيُواْنَ، دُوڟٜىٰ مَڢِے أَمْڢَانِ أَغِنِ، دُوڟٜىٰ مَيْ دَرَجَ، دُوڟٜىٰنْ دَ عَكَ ذَاٻَا؞ دُكْ مَيْ بَادَ غَسْكِيَ غَرٜىٰشِ، بَذَيْ شَا كُنْيَابَ؞»

7أَغَرٜىٰكُ، كُو دَ كُكَ غَسْكَتَ، وَنَّنْ دُوڟٜىٰ يَنَدَ دَرَجَ؞ عَمَّا وَطَنْدَ سُكَڧِ غَسْكَتَاوَا دَشِ، تُواْ، «دُوڟٜىٰنْ دَ مَاسُ غِنِ سُكَڧِ، يَذَمَ دُوڟٜىٰ مَڢِے أَمْڢَانِ أَغِنِنْ؞»

8أَ رُبُوثٜىٰ يَكٜىٰ كُمَ ثٜىٰوَ «دُوڟٜىٰنَّنْ مَيْسَا تُنْتُٻٜىٰ، دُوڟٜىٰنْ كُمَ مَيْسَا ڢَاطُوَ!» غَسْكِيَ نٜىٰ كُوَ! مُتَنٜىٰ سُنْيِ تُنْتُٻٜىٰ نٜىٰ غَمَا سُنْڧِے يِنْ بِيَيَّ دَ كَلْمَرْ اللَّهْ ؞ حَكَ كُوَ عَكَ شِرْيَ مُسُ؞

9عَمَّا كُو ڧَبِيلَثٜىٰ وَدَّ اللَّهْ يَذَاٻَا، كُمَ ڧُنْ‌غِيَرْ ڢِرِسْتُواْثِثٜىٰ تَ اللَّهْ بَبَّنْ سَرْكِے، أَلْعُمَّثٜىٰ مَيْ ڟَرْكِے، كُمَ جَمَعَرْ اللَّهْ تَمُسَمَّنْ دُواْمِنْ كُيِ شٜىٰلَرْ مَنْيَنْ أَلْعَمُرَنْسَ نَبَنْ مَامَاكِ نَوَنْدَ يَكِرَاكُ دَغَ ثِكِنْ دُهُ، كُكَ شِغَ ثِكِنْ حَصْكٜىٰنْسَ نَبَنْ مَامَاكِ؞

10أَ دَا، كُو جَمَعَثٜىٰ مَرَسَ دَرَجَ، عَمَّا يَنْذُ كُو جَمَعَرْ اللَّهْ ثٜىٰ؞ أَ دَا كُو بَكُ سَامِ جِنْڧَنْ اللَّهْ بَ، عَمَّا يَنْذُ كُنْسَامُ؞

11يَا كُو وَطَنْدَ نَكٜىٰ ڧَوْنَ، تُنْدَ يَكٜىٰ كُو بَڧِينٜىٰ أَوَنَّنْ دُونِيَا، بَاكُ دَ غِدَا أَنَنْ، كُرَبُ دَ حَلِنْ شَعَوَ نَمُتُنْتَكَ؞ وَنَّنْ حَلِ يَنَ يَاڧِ دَ ذُوثِيَارْكُ؞

12كُتَبَّتَا كُنَ يِنْ ذَمَنْدَ يَثَنْثَنْتَ عَثِكِنْ مُتَنٜىٰنَّنْ دَ بَسُسَنْ اللَّهْ بَ، دُواْمِنْ سَعَدَّ سُكٜىٰ زَرْغِنْكُ عَكَنْ كُو مُوغَيٜىٰنٜىٰ، تَوُرِنْ أَيُّكَنْكُ مَاسُ ݣَوْ وَطَنْدَ سُكٜىٰ غَنِ، ذَاسُ طَوْكَكَ اللَّهْ أَ رَانَرْ ذُوَانْسَ؞

13دُواْمِنْ أَغِرْمَمَ عُبَنْ‌غِجِ ، كُيِ بِيَيَّ غَ كُواْوَثٜىٰ حُكُمَ وَدَّ تَكٜىٰدَ إِيكُواْ عَكَنْ مُتَنٜىٰ؞ كُيِ وَبَبَّنْ سَرْكِے بِيَيَّ، غَمَا يَنَ مُلْكِ بِسَ كُواْوَ؞

14كُكُمَيِ وَڠُومْنُواْنِ بِيَيَّ دَيَكٜىٰ سَرْكِے نٜىٰ يَذَاٻٜىٰسُ دُواْمِنْ حُواْرُوانْ مَاسُ يِنْ أَبِنْدَ بَ دَيْدَيْبَ، سُكُمَ يَبِے مَاسُ عَيْكَتَ أَبِنْدَ يَكٜىٰ دَيْدَيْ؞

15غَمَا نُڢِنْ اللَّهْ نٜىٰ ثٜىٰوَ كُعَيْكَتَ أَبِنْدَ يَكٜىٰ دَيْدَيْ أَغَبَنْ مَرَسَ حِكِمَ، دُواْمِنْ كُتُواْشٜىٰ مَغَنَرْ دَسُكٜىٰ ڢَطَا ثِكِنْ جَاهِلْثِنْسُ؞

16كُيِ ذَمَنْ یَنْثِ، عَمَّا كَدَ كُمَيْدَ وَنَّنْ یَنْثِ يَذَمَ حَنْيَرْ يِنْ أَبِنْدَ بَيْيِ دَيْدَيْبَ؞ مَيْمَكُوانْ حَكَ، كُيِ إِرِنْ ذَمَنْ دَ ذَيْ نُونَ كُو بَايِنْ اللَّهْ نٜىٰ؞

17كُبَادَ غِرْمَ غَ كُواْوَ، كُڧَوْنَثِ یَنْعُوَ مَاسُبِنْ عِيسَىٰ ؞ كُجِڟُواْرُوانْ اللَّهْ ؞ كُبَادَ غِرْمَ غَ بَبَّنْ سَرْكِے؞

18كُو بَايِ، كُيِ بِيَيَّ غَ مَاسُ غِدَنْكُ دَ بَنْ‌غِرْمَ عَكُواْوَنٜىٰ لُواْكَثِ، بَ غَ مَاسُ كِرْكِ دَ مَاسُ سَوْڧِنْ كَيْ كَوَيْبَ، حَرْ مَا دَ مَرَسَ تَوْسَيِ؞

19أَيْ، وَنْدَ يَشَا وَهَلَ عَكَنْ أَبِنْدَ بَا لَيْڢِنْسَبَ، إِنْ يَيِشِ سَبُواْدَ يَنَ تُنَانِنْ نُڢِنْ اللَّهْ نٜىٰ، أَبِنْ يَبُواْ نٜىٰ؞

20عَمَّا عِدَنْ أَنْيِ مُكُ بُلَلَ عَكَنْ وَنِ لَيْڢِنْدَ كُكَيِ، كُواْمٜىٰ جِمْرٜىٰوَرْكُ أَيْ، بَا وَتَ رِيبَ أَوُرِنْكُ؞ عَمَّا إِنْ كُنْيِ عَيْكِ مَيْݣَوْ، سَعَنً كُنْ شَا وَهَلَ عَكَنْسَ، كُنْ كُمَ هَڧُرَا، تُواْ، شِينٜىٰ أَبِنْ كَرْٻَ غَ اللَّهْ ؞

21دُواْمِنْ إِرِنْ وَنَّنْ وَهَلَنٜىٰ عَكَ كِرَاكُ؞ غَمَا أَلْمَسِيحُ مَا يَشَا وَهَلَ دُواْمِنْكُ؞ تَهَكَ يَبَرْ مُكُ غُرْبِے دُواْمِنْ كُبِے حَنْيَرْسَ؞

22شِے بَيْتَٻَيِنْ لَيْڢِے بَ كُواْ كَطَنْ؞ بَيْ تَٻَيِنْ ڧَضْيَابَ؞

23سَعَدَّ مُتَنٜىٰ سُكَ ذَاغٜىٰشِ، بَيْ مَيْدَ ذَاغِنْبَ؞ سَعَدَّ يَشَا وَهَلَ، بَيْ ثٜىٰ ذَيْ رَامَبَ؞ سَيْ دَيْ يَدُواْغَرَ غَ اللَّهْ وَنْدَ يَكٜىٰيِنْ شَرِيعَرْ غَسْكِيَ؞

24مُنْيِ ذُنُوبِ، عَمَّا شِ يَا طَوْكِ ذُنُبَنْمُ أَجِكِنْسَ سَعَدَّ عَكَ غِثِّيٜىٰشِ عَكَنْ غُنْ‌غُمٜىٰنْ إِتَاثٜىٰ؞ يَا يِهَكَ دُواْمِنْ تَوُرِنْ مُتُوَرْسَ مُو مَا مُمُتُ غَ ذُنُوبِ، مُرَايُ غَ يِنْ أَدَلْثِے؞ كَمَرْ يَدَّ عَكَ رُبُوتَ «تَوُرِنْ رَوْنِنْ دَ عَكَيِ مَسَ نٜىٰ كُنْ سَامِ وَرْكٜىٰوَ؞»

25أَ دَا كُنْ ٻَثٜىٰ كَمَرْ تُمَكِ، عَمَّا يَنْذُ كُنْ دَاوُاْ غَ مَكِيَايِ دَ مَيْ كُلَ دَ رَايُكَنْكُ؞

← Chapter 1 Jump to: Chapter 3 →