1 Peter 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1حَكَكُمَ، كُو مَتَنْ عَوْرٜىٰ كُمِيڧَ كَنْكُ غَ مَذَنْكُ؞ دُواْمِنْ عِدَنْ أَݣَويْ وَطَنْسُ مَذَنْ دَ بَسُ غَسْكَتَادَ كَلْمَرْ اللَّهْ بَ، مَيْيِوُوَ تَوُرِنْ حَلِ مَيْݣَوْ نَمَاتَنْسُ، اللَّهْ ذَيْ جَٰوُاْسُ، كُواْ بَعَيِ مُسُ مَغَنَبَ؞

2سَعَدَّ سُكَغَ حَلِنْكُ مَيْ ڟَبْتَ دَ كُمَ لَدَبِنْكُ، سُجُويُواْ؞

3كَدَ أَدُوانْ دَ كُكٜىٰيِ يَذَمَ نَجِكِے كَوَيْ، كَمَرْ سُو كِڟُواْ دَ كَايَنْ ظِينَارِيَ دَ تُڢَاڢِ مَاسُ ڟَادَ؞

4أَ مَيْمَكُوانْ حَكَ، بَرِ أَدُوانْكُ يَذَمَ نَذُوثِيَا، وَتُواْ أَدُوانْكُ نَسَوْڧِنْ كَيْ دَ كُمَ نَڟُوَ، وَنْدَ بَايَ لَلَثٜىٰوَ وَنْدَ يَكٜىٰدَ مُهِمِّيَرْ دَرَجَ أَوُرِنْ اللَّهْ ؞

5غَمَا أَدَا حَكَ مَاتَانْدَ سُكَ كٜىٰٻٜىٰ كَنْسُ دَ ڟَرْكِے غَ اللَّهْ ، مَاسُسَا ذُوثِيَا غَرٜىٰشِ كُمَ سُكَنْيِ وَكَنْسُ أَدُواْ، سُكَنْ كُمَ مِيڧَ كَنْسُ غَ مَذَنْسُ؞

6مِصَالِ، سَارَةُ تَيِ وَمِجِنْتَ إِبْرَٰهِيمْ بِيَيَّ، حَرْ تَنَ كِرَنْسَ عُبَنْ‌غِجِنْتَ؞ كُو كُمَ، یَیَنْتَ نٜىٰ نَغَسْكٜىٰ عِدَنْ كُنْيِ عَيْكِ مَيْݣَوْ، عِدَنْ كُمَ بَكُ يَرْدَ وَنِ أَبُ يَڟُواْرَتَرْ دَكُوبَ؞

7حَكَكُمَ كُو مَظَا، سَيْ كُيِ ذَمَنْكُ دَ مَاتَنْكُ تَرٜىٰدَ تُنَانِ؞ كُغِرْمَمَاسُ دَيَكٜىٰ سُو بَاسُ دَ ڧَرْڢِے كَمَرْكُ؞ غَمَا دَكُو دَ مَاتَنْكُ دُكَ، عَتَرٜىٰ كُنْ سَامِ غَادُوانْ أَلْحٜىٰرِنْ رَيْ دَغَ وُرِنْ اللَّهْ ؞ كُيِ حَكَ دُواْمِنْ كَدَ وَنِ أَبُ يَحَنَ أَدُّعُواْعِنْكُ؞

8عَڧَرْشٜىٰ كُمَ، بَرِ دُكَنْكُ كُهَطَ حَنْكَلِنْكُ يَذَمَ طَيَ؞ كُنَ جِنْ تَوْسَيِنْ جُونَ، كُنَ كُمَ ڧَوْنَرْ یَنْعُوَ، كُنَ نُونَ حَلِنْ تَيْمَكُوانْ جُونَ بَاتَرٜىٰدَ طَغَكَيْبَ؞

9كَدَ كُرَامَ مُغُنْتَادَ مُغُنْتَا، كُواْ ذَاغِ دَ ذَاغِ؞ كُرَامَ دَيْ دَ أَلْبَرْكَ؞ أَيْ دُواْمِنْ وَنَّنْ نٜىٰ مُسَمَّنْ اللَّهْ يَكِرَاكُ؞ نُڢِنْسَ نٜىٰ كُو دَكَنْكُ كُسَامِ أَلْبَرْكَ؞

10غَمَا أَرُبُوثٜىٰ يَكٜىٰثٜىٰوَ «وَنْدَ يَكٜىٰسُواْ يَجِ دَاطِنْ رَايُوَا، وَنْدَ يَكٜىٰسُواْ يَغَ ݣُونَكِے مَاسُ ݣَوْ، سَيْ يَكَمٜىٰ هَرْشٜىٰنْسَ دَغَ مُغُنْتَا، يَكُمَ كَمٜىٰ بَاكِنْسَ دَغَ يِنْ ڧَضْيَا؞

11سَيْ يَرَبُ دَ مُغُنْتَا، يَيِ كِرْكِ، يَنٜىٰمِ سَلَمَ دَ دُكَنْ ذُوثِيَارْسَ؞

12غَمَا إِدَانُنْ عُبَنْ‌غِجِ سُنَ عَكَنْ مَاسُ عَيْكَتَ أَدَلْثِے، كُنُّوَنْسَ كُمَ سُنَ جِنْ كُوكَنْسُ؞ عَمَّا ڢُسْكَرْ عُبَنْ‌غِجِ تَنَ ڧِنْ مَاسُ عَيْكَتَ مُغُنْتَا؞»

13تُواْ، إِنْ كُنَ ڨُوظُوانْ يِنْ أَبِنْدَ يَكٜىٰ نَغَرِ، بَاوَنْدَ ذَيْ يِمُكُ وَنِ أَبُ؞

14عَمَّا كُواْ كُنْشَا وُيَ سَبُواْدَ عَيْكَتَ أَدَلْثِے، أَيْ، كُو مَاسُ أَلْبَرْكَنٜىٰ؞ دُواْمِنْ حَكَ كَدَ كُجِڟُواْرُوانْ مَاسُ يِمُكُ مُغُنْتَا، كَدَ كُمَ كُدَامُ دَسُو؞

15سَيْ دَيْ كُغِرْمَمَ أَلْمَسِيحُ أَ ظُكَاتَنْكُ كُيَرْدَ شِے عُبَنْ‌غِجِ نٜىٰ؞ كُكُمَ ذَوْنَ أَشِرْيٜىٰ كُلُّمْ كُبَيَّنَ وَدُكْ وَنْدَ يَتَمْبَيٜىٰكُ دَلِيلِنْدَ يَسَا كُكَسَا ذُوثِيَا غَ بِنْ أَلْمَسِيحُ ؞ عَمَّا كُيِشِ دَ سَوْڧِنْ كَيْ دَ بَنْ‌غِرْمَ؞

16حَرْ يَنْذُ، كُتَبَّتَا كُنْ كَسَنْثٜىٰ دَ تُنَانِنْكُ بَابُ لَيْڢِے، دُواْمِنْ إِنْ أَنْيِ مُكُ مَغَنَرْ ٻَاتَ سُونَ، وَطَنْدَ سُكَ ذَاغٜىٰكُ سَبُواْدَ هَلَيٜىٰنْكُ مَاسُ ݣَوْ ثِكِنْ أَلْمَسِيحُ ، سُشَا كُنْيَا؞

17غَمَا ذَيْڢِ ݣَوْ، عِدَنْ اللَّهْ نٜىٰ يَنُڢَ حَكَ، كُشَا وَهَلَ عَكَنْ أَبِنْدَ يَكٜىٰ دَيْدَيْ دَ كُشَا وُيَ عَكَنْ أَبِنْدَ بَ دَيْدَيْبَ؞

18حَكَ يَكٜىٰدَ أَلْمَسِيحُ ؞ شِے مَيْ أَدَلْثِے يَمُتُ سَبُواْدَمُو مَرَسَ أَدَلْثِے، يَمُتُ سَوْ طَيَ نٜىٰ تَكْ بَا ڧَارِ سَبُواْدَ ذُنُبَيْ دُواْمِنْ يَكَيْمُ غَ اللَّهْ ؞ أَنْ كَشٜىٰشِ أَجِكِے، عَمَّا أَنْرَايَرْ دَشِ أَ رُوحُ؞

19عَثِكِنْ رُوحٌ نٜىٰ كُمَ يَتَڢِے وُرِنْ رُوحُواْحِنْ دَسُكٜىٰ ثِكِنْ كُرْكُكُ، يَيِ مُسُ شٜىٰلَ؞

20رُوحُواْحِنَّنْ سُونٜىٰ وَطَنْدَ أَدَا بَسُيِ بِيَيَّ غَ اللَّهْ بَ، كُواْدَيَكٜىٰ اللَّهْ يَيِ حَڧُرِ دَسُو أَ لُواْكَثِنْ دَ نُوحُ يَكٜىٰ سَسَّڧَ جِضْغٍ؞ أَ لُواْكَثِنْ مُتَنٜىٰ كَطَنْ نٜىٰ سُكَ ڟِيرَا تَوُرِنْ ضُوَ، وَتُواْ مُتَنٜىٰ تَݣُوسْ؞

21ضُوً كُوَ ݣُوتَنْثِ نٜىٰ نَوَنْكَنْ بَڢْتِسْمَرْ دَ تَثٜىٰثٜىٰكُ عَيَنْظُ؞ عَمَّا ثٜىٰتُوانْ دَ مُكَ سَامُ كُوَ بَسَبُواْدَ أَنْڢِتَرْدَ دَتِّ دَغَ جِكِنْمُ بَنٜىٰ، عَمَّا تَوُرِنْ ضُواْڧُوانْ اللَّهْ مُكَسَنْثٜىٰ دَ تَبَّثِ ثٜىٰوَ تُنَانِنْمُ بَذَيْبَامُ لَيْڢِے بَ سَبُواْدَ تَاشِنْ عِيسَىٰ أَلْمَسِيحُ دَغَ مَتَتُّو؞

22أَلْمَسِيحُ دَيْ يَا تَڢِے سَمَ؞ يَنَ أَ حَنُّنْ دَامَ نَ اللَّهْ ، عِنْدَ أَنْسَا مَلاَىِٕكُ دَ مَاسُ مُلْكِ دَ مَاسُ إِيكُواْ عَڧَرْڧَشِنْسَ؞

← Chapter 2 Jump to: Chapter 4 →