1 Peter 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1تُنْدَيَكٜىٰ أَلْمَسِيحُ يَشَا وَهَلَ أَجِكِے، كُو مَا كُطَوْكِ إِرِنْ وَنَّنْ تُنَانِ دُواْمِنْ كُجِمْرٜىٰ شَنْ وَهَلَ؞ أَيْ، دُكْ وَنْدَ يَشَا وَهَلَ أَجِكِے، يَا رَبُ دَ عَيْكَتَ ذُنُوبِ كٜىٰنَنْ،

2دُواْمِنَّنْ غَبَ، تُنْ يَنَدَ رَيْ أَجِكِے، أَبِنْدَ ذَيْبِدَ شِ، شِينٜىٰ نُڢِنْ اللَّهْ ، بَ شَعَوَرْ جِكِبَ؞

3كُنْ رِغَا كُنْ ٻَاتَ لُواْكَثِ سُواْسَيْ عَكَنْ ذَمَنْ دَ كُكَيِ أَدَا، وَتُواْ ذَمَ إِرِ وَنْدَ مَرَسَ سَنِنْ اللَّهْ سُكٜىٰ جِنْ دَاطِنْسَ، وَتُواْ نٜىٰمَنْ جِنْ دَاطِے نَرَشِنْ كُنْيَا دَ شَعَوَ إِرِ إِرِ تَجِكِے دَ بُغُوَ دَ بُكُكُوَنْ شَيٜىٰ شَيٜىٰ دَ ڢِتَرْ شَنْ إِسْكَ تَلَلَتَ، حَرْ دَ بَوْتَرْ غُمَكَ، أَبِنْ ڨَمَ نٜىٰ؞

4يَنْذُ كُوَ أَبُواْكَنْكُ نَدَا سُنَ مَامَاكِ يَدَّ كُنْ دَيْنَ حَطِنْ كَيْ دَسُو ثِكِنْ يِنْ مُوغَيٜىٰنْ أَبُبُوَنَّنْ كَمَرْ دَا، حَرْ مَا سُنَ رٜىٰنَكُ؞

5ذَاسُ كُوَ بَادَ لِسَّڢِنْ كَنْسُ أَغَبَنْ اللَّهْ ، وَنْدَ يَكٜىٰ أَشِرْيٜىٰ يَيِ وَمَاسُ رَيْ دَ مَتَتُّو شَرِيعَ؞

6تَدَلِيلِنْ وَنَّنْ نٜىٰ مَا عَكَيِ وَعَظِنْ لَابَرِ مَيْ دَاطِے غَ مَتَتُّو، دُواْمِنْ كُواْدَيَكٜىٰ أَنْيَنْكٜىٰ مُسُ حُكُنْثِ ثِكِنْ جِكِے كَمَرْ سَوْرَنْ مُتَنٜىٰ، سُنَ عِيَ رَايُوَا ثِكِنْ رُوحُ كَمَرْ اللَّهْ ؞

7ڧَرْشٜىٰنْ دُكَنْ أَبُ يَايِكُسَ؞ سَبُواْدَ حَكَ سَيْ كُنَڟُ، كُكَمٜىٰ كَنْكُ، دُواْمِنْ كُإِيَيِنْ أَدُّعَ؞

8ڢِيٜىٰ دَكُواْمٜىٰ كُمَ سَيْ كُڧَوْنَثِ جُونَ دَ ڧَوْنَ تَعَّيْنِحِ، غَمَا ڧَوْنَ تَكَنْ يَاڢٜىٰ لَيْڢُواْڢِ مَاسُ طُمْبُنْ يَوَ؞

9كُدِنْ‌غَ كَرْٻَرْ جُونَ عَثِكِنْ غِدَاجٜىٰنْكُ، بَاتَرٜىٰدَ غُنَغُنِبَ؞

10اللَّهْ يَبَا كُواْوَ بَيْوَرْ يِنْ وَنِ أَبُ؞ دُواْمِنْ حَكَ، سَيْ كُيِ أَمْڢَانِ دَ بَيْوَرْكُ غَ يِنْ حِدِمَ غَ یَنْعُوَنْمُ، أَمَڟَيِنْكُ نَمَاسُ رِڧُوانْ أَمَانَرْ أَلْحٜىٰرِنْ اللَّهْ إِرِ إِرِ؞

11دُكْ وَنْدَ بَيْوَرْسَ يِنْ وَعَظِ ثٜىٰ، تُواْ، سَيْ يَيِ تَيِنْ وَعَظِنْسَ سَيْ كَثٜىٰ اللَّهْ نٜىٰ دَ كَنْسَ يَكٜىٰ مَغَنَ تَوُرِنْسَ؞ دُكْ وَنْدَ بَيْوَرْسَ تَيِنْ حِدِمَ ثٜىٰ، تُواْ، سَيْ يَيِ حِدِمَرْ دَ ڧَرْڢِنْ دَ اللَّهْ يَبَايَرْ، دُواْمِنْ ثِكِنْ دُكَنْ كُواْمٜىٰ أَطَوْكَكَ اللَّهْ تَوُرِنْ عِيسَىٰ أَلْمَسِيحُ ؞ طَوْكَكَ دَ مُلْكِ سُنْ تَبَّتَا أَغَرٜىٰشِ حَرْ أَبَدَا أَبَدِنْ؞ أَمِينْ؞

12یَنْعُوَنَ وَطَنْدَ نَكٜىٰ ڧَوْنَ، كَدَ كُيِ مَامَاكِ عَكَنْ وَهَلَ مَيْ ذَاڢِ وَدَّ تَكٜىٰ سَامُنْكُ دُواْمِنْ أَڠُودَكُ؞ كَدَ كُطَوْكَ ثٜىٰوَ وَنِ بَڧُوانْ أَبُنٜىٰ يَكٜىٰ ڢَرُوَ أَغَرٜىٰكُ؞

13أَ مَيْمَكُوانْ حَكَ، سَيْ كُيِ ڢَضٍ ثِكِ دَيَكٜىٰ كُنَ تَرَيَّ دَ أَلْمَسِيحُ ثِكِنْ شَنْ وَهَلَرْسَ، دُواْمِنْ كُيِ ڢَضٍ ثِكِ دَ مُرْنَ مَرَرْ إِيَاكَ أَ سَعَدَّ ذَاعَ بَيَّنَ طَوْكَكَرْسَ؞

14كُواْ أَنْذَغٜىٰكُ سَبُواْدَ سُونَنْ أَلْمَسِيحُ ، أَيْ، مَاسُ أَلْبَرْكَنٜىٰ كُو، سَبُواْدَ وَنَّنْ يَا تَبَّتَرْ دَ ثٜىٰوَ رُوحُ مَيْ طَوْكَكَ، وَتُواْ رُوحٌ اللَّهْ نٜىٰ يَكٜىٰ تَرٜىٰدَكُو؞

15عَمَّا كُكُلَ دَيْ، دُواْمِنْ كَدَ وَنِ عَثِكِنْكُ يَشَا وَهَلَ عَكَنْ شِے مَيْ كِسَنْ كَيْنٜىٰ، كُواْ مَيْسَاتَا، كُواْ مَيْ وَنِ مُوغُنْ أَبُ حَكَ، كُواْ مَيْشِغَ أَلْعَمُرَنْ وَطَنْسُ؞

16عَمَّا إِنْ وَنِ يَشَا وَهَلَ عَكَنْ شِے كِرِسْتَ نٜىٰ، تُواْ، كَدَ يَجِ كُنْيَا، سَيْدَيْ يَطَوْكَكَ اللَّهْ سَبُواْدَ وَنَّنْ سُونَ؞

17غَمَا لُواْكَثِ يَيِ دَذَاعَ ڢَارَيِ وَمُتَنٜىٰنْ اللَّهْ شَرِيعَ؞ تُواْ، عِدَنْ دَمُو نٜىٰ ذَاعَ ڢَارَ شَرِيعَ، يَيَ ڧَرْشٜىٰنْ وَطَنْدَ سُكَڧِيجِنْ لَابَرِ مَيْ دَاطِے نَ اللَّهْ ذَيْ كَسَنْثٜىٰ؟

18كَمَرْ يَدَّ يَكٜىٰ أَرُبُوثٜىٰ، «عِدَنْ دَݣَرْ مُتَنٜىٰنْ أَدَلْثِے ذَاسُ ڟِيرَا، تُواْ، مٜىٰ ذَيْ ڢَرُ دَ مَرَسَ حَلِنْ اللَّهْ دَ مَاسُ ذُنُوبِ؟»

19سَبُواْدَ حَكَ، وَطَنْدَ سُكٜىٰ شَنْ وَهَلَ بِسَغَ نُڢِنْ اللَّهْ ، سَيْ سُدِنْ‌غَ يِنْ أَبِنْدَ يَكٜىٰ دَيْدَيْ، سُكُمَ دَنْڧَ رَنْسُ أَ حَنُّنْ اللَّهْ مَحَلِثِّنْسُ مَيْ أَمِنْثِ؞

← Chapter 3 Jump to: Chapter 5 →