Colossians 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ، وَنْدَ يَذَمَ مَنْذُوانْ عِيسَىٰ أَلْمَسِيحُ بِسَغَ نُڢِنْ اللَّهْ ، تَرٜىٰدَ تِمُواْتِ، طَنْعُوَنْمُ،

2ذُوَاغَ ڟَرْكَكَا دَ یَنْعُوَ مَاسُ أَمِنْثِ ثِكِنْ أَلْمَسِيحُ وَطَنْدَ سُكٜىٰ ذَمَ أَ كُواْلُواْسِ؞ أَلْحٜىٰرِنْ اللَّهْ عُبَنْمُ دَ سَلَمَرْسَ سُكَسَنْثٜىٰ تَرٜىٰدَكُو؞

3كُلُّمْ مُنَ غُواْدٜىٰ وَ اللَّهْ ، عُبَنْ عُبَنْ‌غِجِنْمُ عِيسَىٰ أَلْمَسِيحُ ، أَدُكْ لُواْكَثِنْ دَمُكٜىٰ أَدُّعَ دُواْمِنْكُ؞

4غَمَا مُنْ جِ يَدَّ كُكَ غَسْكَتَ ثِكِنْ أَلْمَسِيحُ عِيسَىٰ دَ كُمَ يَدَّ كُكٜىٰ ڧَوْنَرْ دُكَنْ ڟَرْكَكَا؞

5دَلِيلِنْدَ كُكٜىٰيِنْ حَكَ كُوَ شِينٜىٰ، كُنَسَا ذُوثِيَا عَكَنْ أَبِنْدَ عَكَيِ مُكُ أَجِيَرْسَ أَ سَمَ؞ لَابَرِنْ سَا ذُوثِيَارْ نَنْ كُنْجِ شِ ثِكِنْ كَلْمَرْ غَسْكِيَ، وَتُواْ لَابَرِ مَيْ دَاطِے؞

6لَابَرِ مَيْ دَاطِنَّنْ يَنَ تَحَيْڢَرْ دَ رَايُوَا مَيْݣَوْ، يَنَ كُمَ ڧَارَ يَطُوَ ثِكِنْ دُكَنْ دُونِيَا، كَمَرْ يَدَّ يَيِ عَثِكِنْكُ تُنْ لُواْكَثِنْ دَ كُكَ ڢَارَ جِنْ لَابَرِنْ أَلْحٜىٰرِنْ اللَّهْ ، كُكَ كُمَ غَانٜىٰ يَدَّ يَكٜىٰ؞

7وَنَّنْ لَابَرِنْ أَلْحٜىٰرِنْ اللَّهْ كُوَ، أَبَڢَرَسْ، أَبُواْكِنْمُ ثِكِنْ حِدِمَ، وَنْدَ مُكٜىٰ ڧَوْنَ، يَڢَارَ كَٰوُاْ مُكُ؞ شِے مَيْ أَمِنْثِ نٜىٰ ثِكِنْ حِدِمَرْ أَلْمَسِيحُ ، يَنَ كُمَيِنْ حِدِمَ عَثِكِنْكُ أَمَدَدِنْمُ نٜىٰ؞

8شِينٜىٰ كُمَ يَبَامُ لَابَرِنْ إِرِنْ ڧَوْنَرْ دَ كُكٜىٰيِ ثِكِنْ رُوحُ ؞

9شِيَسَا تُنْ لُواْكَثِنْ دَ مُكَجِ لَابَرِنْ، بَمُڢَاسَ يِنْ أَدُّعَ دُواْمِنْكُبَ، مُنَ ضُواْڧُوانْ اللَّهْ يَثِكَكُ دَ سَنِنْ نُڢِنْسَ تَرٜىٰدَ ثِكَكِّيَرْ حِكِمَ تَ رُوحُ دَ ڢَهِمْتَ؞

10تَهَكَنٜىٰ ذَاكُيِ تَڢِيَرْدَ تَثَنْثَنْتَ دَ مَاسُبِنْ عُبَنْ‌غِجِ ، كُنَ ڢَرَنْتَ مَسَ رَيْ، كُنَ حَيْڢَرْ دَ رَايُوَا مَيْݣَوْ ثِكِنْ كُواْوَنٜىٰ إِرِنْ عَيْكِ، كُنَ كُمَ دِنْ‌غَ ڧَارُوَ ثِكِنْ سَنِنْ اللَّهْ ؞

11بَرِ اللَّهْ يَڧَرْڢَڢَاكُ دَ دُكَنْ ڧَرْڢِنْدَ يَڢِتُواْ دَغَ ڧَرْڢِنْسَ مَيْ طَوْكَكَ، دُواْمِنْ كُجِمْرٜىٰ عَكَنْ كُواْوَنٜىٰ أَبِنْدَ يَڢَرُ، كُنَ حَڧُرِ ثِكِنْ ڢَضٍ ثِكِ،

12كُنَ دِنْ‌غَ غُواْدٜىٰ وَ عُبَا عَكُواْوَنٜىٰ لُواْكَثِ، غَمَا شِينٜىٰ يَسَا مُكَ إِسَ سَامُنْ رَبُواْ ثِكِنْ غَادُواْنَّنْ دَيَشِرْيَ وَڟَرْكَكَنْسَ، وَطَنْدَ سُكٜىٰ عَثِكِنْ مُلْكٍ حَصْكٜىٰ؞

13غَمَا شِے يَكُٻُتَرْ دَمُو دَغَ مُلْكٍ دُهُ، يَكَيْمُ مُلْكٍ طَنْسَ وَنْدَ يَكٜىٰ ڧَوْنَ،

14وَنْدَ تَوُرِنْسَ نٜىٰ مُكَ سَامِ ڢَنْسَ، وَتُواْ غَاڢَرَرْ ذُنُبَنْمُ؞

15أَلْمَسِيحُ شِينٜىٰ كَمَنِّنْ اللَّهْ وَنْدَ بَعَ عِيَ غَنِ، شِينٜىٰ طَنْ ڢَارِ غَبَنْ دُكَنْ حَلِتَّ؞

16غَمَا تَوُرِنْسَ نٜىٰ عَكَيِ كُواْمٜىٰ دَكُواْمٜىٰ، أَبُبُوَنْ دَسُكٜىٰ أَ سَمَّيْ دَ كُمَ أَنَنْ دُونِيَا دَ أَبُبُوَنْ دَ عَكٜىٰ غَنِ دَ وَطَنْدَ بَعَ عِيَ غَنِ، كُواْ كُجٜىٰرُنْ مُلْكِ، كُواْ مُلْكُواْكِ، كُواْ مَاسُ سَرَوْتَ، كُواْ إِيكُواْكِ؞ دُكَنْ أَبُبُوَنْ دَ عَكَ حَلِتَّ، أَنْحَلِثّٜىٰ سُونٜىٰ تَوُرِنْسَ دَ كُمَ دُواْمِنْسَ؞

17أَلْمَسِيحُ شِينٜىٰ أَغَبَ دَ دُكَنْ كُواْمٜىٰ، تَوُرِنْسَ نٜىٰ كُمَ دُكَنْ حَلِتَّ تَكَسَنْثٜىٰ أَ هَرْهَطٜىٰ؞

18شِينٜىٰ كَيْ نَجِكِے، وَتُواْ جَمَعَرْ مَاسُبِے؞ شِينٜىٰ ڢَرْكُواْ، شِينٜىٰ كُمَ نَڢَرْكُواْ عَثِكِنْ مَاسُ تَاشِ دَغَ مَتَتُّو، دُواْمِنْ ثِكِنْ كُواْمٜىٰ دَكُواْمٜىٰ يَذَمَ شِينٜىٰ نَڢَارِ؞

19غَمَا يَڢَرَنْتَوَ اللَّهْ رَيْ يَكَسَنْثٜىٰ عَثِكِنْسَ دَ ثِكَكِّيَرْ اللَّهْ نْتَكَرْسَ،

20تَوُرِنْ أَلْمَسِيحُ كُمَ يَمَيْدَ دُكَنْ حَلِتَّرْسَ وُرِنْسَ؞ وَتُواْ، تَوُرِنْ ظُبْدَ جِنِنْ طَنْ عَكَنْ غِثِّيٜىٰ، يَكَڢَ زُمُنْثِ ڟَكَانِنْسَ دَ دُكَنْ أَبُبُوَ وَطَنْدَ سُكٜىٰ أَ سَمَ دَ كُمَ وَطَنْدَ سُكٜىٰ عَڧَسَا؞

21أَ دَا دَيْ كُنْيِ نٜىٰسَ دَ اللَّهْ ، حَرْ كُنْ ذَمَ مَاسُ غَابَادَشِ أَ ذُوثِيَارْكُ مَاسُ عَيْكَتَ مُوغَيٜىٰنْ أَبُبُوَ؞

22عَمَّا يَنْذُ، اللَّهْ يَشِرْيَ ڟَكَانِنْكُ دَشِے كَنْسَ عَثِكِنْ جِكِنْ أَلْمَسِيحُ نَنَامَ دَ جِنِ تَوُرِنْ مُتُوَرْسَ؞ يَنْذُ كُمَ أَلْمَسِيحُ يَمِيڧَكُ مَاسُ ڟَرْكِے، مَرَسَ لَيْڢِے، مَرَسَ زَرْغِ كُمَ أَغَبَنْ اللَّهْ ؞

23سَيْ دَيْ كُثِيغَبَ ثِكِنْ بَنْ‌غَسْكِيَرْكُ، كُنَ ڟَيَاوَا دَرَمْ عَكَنْ تُوشٜىٰنَّنْ؞ كَدَ كُمَ أَجِجِّغَكُ كُبَرْ سَا ذُوثِيَارْ نَنْ دَ كُكَ سَامُ أَ لُواْكَثِنْ دَ كُكَجِ لَابَرِنَّنْ مَيْ دَاطِے؞ وَنَّنْ لَابَرِنْ دَ عَكَيِ شٜىٰلَرْسَ غَ كُواْوَثٜىٰ حَلِتَّ عَڧَرْڧَشِنْ سَمَ نٜىٰ، نِے بُلُسْ، نَذَمَ مَيْ حِدِمَرْسَ؞

24يَنْذُ، إِنَ ڢَضٍ ثِكِ سَبُواْدَ وَهَلَرْ دَ نَكٜىٰ شَا دُواْمِنْكُ، دُواْمِنْ تَوُرِنْ وَهَلَرْ نَنْ ذَنْ ثِكَ أَبِنْدَ يَرَغُ نَعَذَابَرْ دَ أَلْمَسِيحُ يَشَا سَبُواْدَ جِكِنْسَ، وَتُواْ جَمَعَرْ مَاسُبِنْسَ؞

25نَذَمَ مَيْ حِدِمَرْ لَابَرِ مَيْ دَاطِنَّنْ بِسَغَ رِڧُوانْ أَمَانَ دَغَ وُرِنْ اللَّهْ سَبُواْدَكُو، دُواْمِنْ إِنْبَيَّنَ مُكُ ثِكَكِّيَرْ كَلْمَرْ اللَّهْ ؞

26وَنَّنْ لَابَرِنْ دَ نَكٜىٰ سَنَرْ مُكُ، أَسِيرِنٜىٰ وَنْدَ يَكٜىٰ عَٻُواْيٜىٰ تُنْ ذَامَانَيْ دَ ڟَارَا مَاسُيَوَ، عَمَّا يَنْذُ أَنْبَيَّنَا شِ غَ ڟَرْكَكَنْسَ؞

27اللَّهْ يَيِ نُڢِ يَسَنَرْ وَڟَرْكَكَنْسَ ثٜىٰوَ وَطَنْدَ مَا بَا يَهُودَاوَا بَ، وَدَتَرْ طَوْكَكَرْ أَسِيرِنَّنْ نَاسُ نٜىٰ؞ وَنَّنْ أَسِيرِ كُوَ شِينٜىٰ أَلْمَسِيحُ ، وَنْدَ يَكٜىٰ رَايٜىٰ عَثِكِنْكُ، وَنْدَ كُمَ شِينٜىٰ سَا رَنْكُ غَ رَبُواْ عَثِكِنْ طَوْكَكَرْسَ؞

28شِيَسَا مُكٜىٰ سَنَرْوَ كُواْوَ غَمٜىٰدَ عِيسَىٰ أَلْمَسِيحُ ، مُنَ جَنْ كُنّٜىٰنْ كُواْوَنٜىٰ مُتُمْ، مُنَ كُمَ كُواْيَرْ دَ وَطَنَّنْ أَبُبُوَ دَ دُكَنْ حِكِمَرْمُ دُواْمِنْ مُمِيڧَ كُواْوَ ثِكَكّٜىٰ ثِكِنْ أَلْمَسِيحُ ؞

29سَبُواْدَ وَنَّنْ نٜىٰ إِنَڢَامَ إِنَ كُمَ ڧُواْڧَرِ دَ إِيَاكَرْ ڧَرْڢِنَّنْ دَ أَلْمَسِيحُ يَكٜىٰ بَانِ، وَنْدَ يَكٜىٰ عَيْكِ عَثِكِنَ؞

Jump to: Chapter 2 →