Colossians 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1غَمَا إِنَ سُواْ كُسَنْ إِرِنْ ڢَامَرْ دَنَكٜىٰيِ دُواْمِنْكُ دَ مُتَنٜىٰنْ دَسُكٜىٰ لَوُدِكِيَ دَ كُمَ دُكَنْ وَطَنْدَ بَسُ تَٻَ غَنِينَبَ؞

2سُواْنَ شِينٜىٰ ڧَوْنَ تَهَطَسُو، سُكُمَ سَامِ ڧَرْڢَڢَاوَا أَ ذُوثِيَارْسُ، دُواْمِنْ سُسَامِ وَدَتَرْ تَبَّتَاثِّيَرْ ڢَهِمْتَ، دُواْمِنْ سُكَيْ غَ سَنِنْ ظُرْڢِنْ أَسِيرِنْ اللَّهْ ، وَتُواْ أَلْمَسِيحُ دَ كَنْسَ كٜىٰنَنْ؞

3عَثِكِنْسَ نٜىٰ دُكَنْ دَرَجَرْ حِكِمَ دَ تَسَنِ سُكٜىٰ عَٻُواْيٜىٰ؞

4إِنَ غَيَ مُكُ وَنَّنْ نٜىٰ دُواْمِنْ كَدَ وَنِ يَرُوطٜىٰكُ دَ مَغَنَرْ يَوْدَرَ؞

5كُواْدَيَكٜىٰ أَجِكِے بَانَ نَنْ تَرٜىٰدَكُو، عَمَّا أَ رُوحُ إِنَانَنْ تَنَ تَرٜىٰدَكُو؞ إِنَڢَضٍ ثِكِ سُواْسَيْ دَ جِنْ يَدَّ كُكٜىٰ ڟَيٜىٰ دَرَمْ، كُنَ كُمَ دَاغٜىٰوَ ثِكِنْ بَنْ‌غَسْكِيَرْكُ ثِكِنْ أَلْمَسِيحُ ؞

6تُنْدَ كُنْ يَرْدَ ثٜىٰوَ عِيسَىٰ أَلْمَسِيحُ شِينٜىٰ عُبَنْ‌غِجِنْكُ ، سَيْ كُثِيغَبَدَ يِنْ تَڢِيَرْكُ عَثِكِنْسَ؞

7كُنَ عِيَيِنْ حَكَ عِدَنْ كُنْ كَڢُ سُواْسَيْ عَثِكِنْسَ، كُنَ كُمَ غِنَا كَنْكُ عَتُوشٜىٰنَّنْ، كُمَ كُنَ ڟَيَاوَا عَكَنْ بَنْ‌غَسْكِيَرْكُ، كَمَرْ دَيْ يَدَّ مُكَ كُواْيَ مُكُ، كُنَ كُمَ يَلْوَتَ ثِكِنْ غُواْدِيَ؞

8كُلُورَ ڢَا، كَدَ وَنِ يَكَامَ حَنْكَلِنْكُ تَوُرِنْ عِلِمٍ دُونِيَرْ نَنْ دَ كُمَ عِلِمٍ رُوطُ نَبَنْظَ، وَطَنْدَ سُكَ ڢِتُواْ دَغَ وُرِنْ أَلْعَادَرْ یَنْ أَدَمْ، بِسَغَ إِيكُوانْ رُوحُواْحِ نَدُونِيَا نٜىٰ، بَدَغَ أَلْمَسِيحُ بَ؞

9غَمَا عَثِكِنْ أَلْمَسِيحُ نٜىٰ، دُكَنْ ثِكَرْ اللَّهْ نْتَكَ تَكٜىٰ ظَوْنٜىٰ أَجِكِنْسَ؞

10حَكَ مَا عَثِكِنْسَ، كُنْ ذَمَ ثِكَكُّ، شِے وَنْدَ يَكٜىٰ مَيْ مُلْكِ عَكَنْ مُلْكُواْكِ دَ إِيكُواْكِ؞

11عَثِكِنْسَ نٜىٰ كُمَ عَكَيِ مُكُ كَاثِيَ، كَاثِيَ بَ إِرِنْ دَ عَكٜىٰيِ دَ حَنُّ بَ، عَمَّا كَاثِيَرْدَ أَلْمَسِيحُ نٜىٰ يَيِ مُكُ، تَوُرِنْ تُوٻٜىٰ مُكُ حَلِنْ مُتُنْتَكَ؞

12غَمَا سَعَدَّ عَكَيِ مُكُ بَڢْتِسْمَ دَيْدَيْنٜىٰ دَ بِنّٜىٰوَرْكُ تَرٜىٰدَ أَلْمَسِيحُ ؞ عَثِكِنْ بَڢْتِسْمَ عَكَ كُمَ تَادَكُ تَرٜىٰدَ أَلْمَسِيحُ تَوُرِنْ بَنْ‌غَسْكِيَرْكُ غَ إِيكُوانْ اللَّهْ ، وَنْدَ يَتَادَشِ دَغَ مَتَتُّو؞

13أَ دَا كُو مَتَتُّو نٜىٰ سَبُواْدَ ذُنُوبِ، دَ كُمَ سَبُواْدَ رَشِنْ كَاثِيَرْكُ تَتُوٻٜىٰ حَلِنْكُ نَمُتُنْتَكَ، عَمَّا اللَّهْ يَتَادَكُو رَايَيُّ تَرٜىٰدَ أَلْمَسِيحُ ، تُنْدَيَكٜىٰ يَيَاڢٜىٰمَنَ دُكَنْ ذُنُبَنْمُ؞

14يَيِ وَنَّنْ تَوُرِنْ يَنْكٜىٰ إِغِيَرْ نَنْ تَرُبُوتَثِّيَرْ شَيْدَ عَكَنْمُ ثٜىٰوَ مُنْ كَرْيَ كُواْيَرْوَا دَ ڧَٰعِدُواْدِنْتَ؞ عَمَّا اللَّهْ يَكَوَرْدَ عِتَ، حَرْ أَنَ عِيَ ثٜىٰوَ يَكَڢٜىٰتَ دَ ڧُوسَ أَجِكِنْ غِثِّيٜىٰنْ أَلْمَسِيحُ ؞

15يَڨُوثٜىٰ كَايَنْ يَاڧِ نَمُلْكُواْكِ دَ إِيكُواْكِ، يَبَاسُ كُنْيَا أَ ڢِيلِ تَوُرِنْ ثِنْ نَصَرَا عَكَنْسُ عَكَنْ غِثِّيٜىٰ؞

16سَبُواْدَ حَكَ، كَدَ كُبَرْ وَنِ يَبَاكُ لَيْڢِے عَكَنْ أَبِنْدَ كُكٜىٰثِ، كُواْ أَبِنْدَ كُكٜىٰشَا، كُواْ كُمَ عَكَنْ رَشِنْ كِيَايٜىٰوَرْ وَنِ بِكِ، كُواْ بِكٍ سَابُوانْ وَتَ، كُواْ هُوتُ أَ رَانَرْ هُوتُ تَمَكُواْ؞

17وَطَنَّنْ أَبُبُوَ كَمَرْ حُواْتُواْ نٜىٰ كَوَيْ نَأَبِنْدَ ذَيْذُواْ، عَمَّا أَلْمَسِيحُ شِينٜىٰ عَيْنِحِنْ أَبِنْ؞

18سَبُواْدَ حَكَ، كَدَ كُبَرْ وَنِ يَرَبَكُ دَ نَصَرَرْكُ تَوُرِنْ نَاثٜىٰوَ عَكَنْ حَنَ وَكَنْسُ جِنْ دَاطِے دُواْمِنْ نٜىٰمَنْ لَادَ دَ يِوَمَلاَىِٕكُ سُجَّدَ دَ دُواْغَضَ غَ غَنِنْ رُعُيُواْيِ دَ كُمَ طَغَ كَيْ بَابُ دَلِيلِ؞ ذُوثِيَارْسُ تَحَلِنْ مُتُنْتَكَ تَسَا سُيِ حَكَ؞

19أَيْ، إِرِنْ وَنَّنْ مُتُمْ بَيْ مَنّٜىٰوَ أَلْمَسِيحُ بَ، وَنْدَ شِينٜىٰ كَيْ نَجِكِے؞ غَمَا شِے يَنَ رِڧٜىٰ دَ دُكَنْ جَمَعَرْ مَاسُبِے، وَتُواْ جِكِنْسَ، وَنْدَ يَكٜىٰ أَ حَطٜىٰ تَوُرِنْ غَٻُواْٻِ دَ جِجِيُواْيِ، يَنَ كُمَيِنْ غِرْمَ دَ غِرْمَنْ دَ اللَّهْ يَكٜىٰ سَاوَا؞

20غَاشِ، كُنْ مُتُ تَرٜىٰدَ أَلْمَسِيحُ ، يَكُمَ یَنْتَرْ دَكُو دَغَ إِيكُواْكِنْ دُونِيَرْ نَنْ؞ دُوانْمٜىٰ كُكٜىٰيِنْ رَايُوَا كَمَرْ حَرْ يَنْذُ كُو نَدُونِيَا نٜىٰ؟ دُوانْمٜىٰ كُكٜىٰ مِيڧَ كَنْكُ غَ ڧَٰعِدُواْدِنْ دُونِيَرْ نَنْ، وَتُواْ،

21كَمَرْ ڧَٰعِدُواْدِ مَاسُ ثٜىٰوَ «كَدَ كَيِ أَمْڢَانِ دَ وَنَّنْ، كَدَ كَطَنْطَنَ، كَدَ كَتَٻَ؟»

22إِرِنْ وَطَنَّنْ ڧَٰعِدُواْدِ كُوَ سُنْ شَاڢِ أَبُبُوَنْ دَ ذَاسُ ضُٻَ نٜىٰ، سَبُواْدَ أَنْكَڢَ سُونٜىٰ بِسَغَ ڧَٰعِدُواْدِ دَ كُواْيَرْوَرْ مُتُمْ؞

23حَڧِيڧَ، إِرِنْ ڧَٰعِدُواْدِنَّنْ سُنَدَ عَلَمَرْ حِكِمَ يَدَّ سُكَنْ كَٰوُاْ ڨُوذُواْ ثِكِنْ أَدِّينِنْ دَ مُتَنٜىٰ سُكَ ڧِرْڧِرُواْ دَ نَاثٜىٰوَ عَكَنْ حَنَ وَكَنْسُ جِنْ دَاطِے دُواْمِنْ نٜىٰمَنْ لَادَ دَ كُمَبَا وَجِكِے وَهَلَ؞ عَمَّا غَسْكِيَ، ڧَٰعِدُواْدِنَّنْ بَاسُدَ وَنِ إِيكُواْ وَجٜىٰنْ حَنَ شَعَوَرْ جِكِے؞

← Chapter 1 Jump to: Chapter 3 →