Colossians 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1تُنْدَيَكٜىٰ اللَّهْ يَتَادَكُو دَ رَيْ تَرٜىٰدَ أَلْمَسِيحُ ، سَيْ كُسَا عِدُواْ عَكَنْ أَبُبُوَنَّنْ دَسُكٜىٰ سَمَ، عِنْدَ أَلْمَسِيحُ يَكٜىٰ، يَنَ كُوَ أَ ظَوْنٜىٰ أَ حَنُّنْ دَامَ نَ اللَّهْ ؞

2كُسَا تُنَانِنْكُ عَكَنْ أَبُبُوَنْ دَسُكٜىٰ نَسَمَ، كَدَ كُدَامُ دَ أَبُبُوَنْ دُونِيَرْ نَنْ؞

3غَمَا كُنْ رِغَا كُنْ مُتُ، رَنْكُ كُوَ يَنَ عَٻُواْيٜىٰ تَرٜىٰدَ أَلْمَسِيحُ ثِكِنْ اللَّهْ ؞

4سَعَدَّ أَلْمَسِيحُ ، وَنْدَ شِينٜىٰ رَنْ نَاكُ، يَبَيَّنَ، سَيْ كُو مَا كُبَيَّنَ تَرٜىٰ دَشِ ثِكِنْ طَوْكَكَرْسَ؞

5سَبُواْدَ حَكَ، سَيْ كُكَشٜىٰ حَلِنْ شَعَوَثٜىٰ شَعَوَثٜىٰنْ دُونِيَا أَ ذُوثِيَارْكُ، وَتُواْ إِسْكَنْثِ دَ عَيْكِنْ لَلَتَ دَ مُوغُوَرْ شَعَوَ دَ مُوغُنْ حَلِ دَ كُمَ ݣُوطَيِ، وَنْدَ شِے مَا بَوْتَرْ غُمَكَ نٜىٰ؞

6سَبُواْدَ إِرِنْ هَلَيٜىٰنَّنْ نٜىٰ ڢُشِنْ اللَّهْ يَكٜىٰ سَوْكُواْوَ عَكَنْ مَرَسَ بِيَيَّ؞

7دَا كُو دَ كَنْكُ كُنَ تَڢِيَ عَثِكِنْ وَطَنَّنْ هَلَيٜىٰ، سَعَدَّ كُكٜىٰ رَايُوَا عَثِكِنْسُ؞

8عَمَّا يَنْذُ دُواْلٜىٰنٜىٰ كُرَبُ دَ دُكَنْ إِرِنْ هَلَيٜىٰنَّنْ؞ كُبَرْ يِنْ ڢُشِے دَ ذَاڢِنْ رَيْ دَ ڧِيَيَّرْ ذُوثِيَا دَ ٻَاتَ سُونَ دَ مَغَنَرْ ڧَظَنْتَادَغَ بَاكِنْكُ؞

9كَدَ كُيِ وَجُونَ ڧَضْيَا دَيَكٜىٰ كُنْ رِغَا كُنْ كَوَرْدَ حَلِنْكُ نَدَا دَ أَيُّكَنْسَ،

10حَرْ كُنْ طَوْكِ سَابُوانْ حَلِنَّنْ، وَنْدَ عَكٜىٰ سَابُنْتَاوَا غَ سَنِ بِسَغَ كَمَنِّنْ مَحَلِثِّنْسَ؞

11دَيَكٜىٰ كُنْ سَامِ سَابُوانْ حَلِ، بَابُ سَوْرَنْ بَمْبَنْثِ ڟَكَانِنْكُ كٜىٰنَنْ دَ يَهُودَاوَا دَ وَطَنْدَ بَا يَهُودَاوَا بَ دَ مَيْ كَاثِيَ دَ مَرَرْ كَاثِيَ دَ مَيْ طَنْيٜىٰنْ حَلِ دَ مُتُمِنْ ڧَوْيٜىٰ دَ بَاوَ دَ مَيْ یَنْثِ، دُكَنْسُ طَيَ نٜىٰ غَمَا أَلْمَسِيحُ شِينٜىٰ كُواْمٜىٰ، شِينٜىٰ كُمَ يَكٜىٰ ثِكِنْمُ دُكَ؞

12اللَّهْ يَذَاٻٜىٰكُ دُواْمِنْ كُذَمَ مُتَنٜىٰنْسَ مَاسُ ڟَرْكِے وَطَنْدَ يَكٜىٰ ڧَوْنَ ڨُورَيْ؞ سَبُواْدَ حَكَ، سَيْ كُطَوْكِ حَلِ نَجِنْ تَوْسَيِنْ جُونَ، كُنَ يِنْ أَلْحٜىٰرِ، كُنَ نُونَ تَوَلِعُ دَ سَوْڧِنْ كَيْ دَ جِمْرٜىٰوَ،

13كُنَ تَ يِنْ حَڧُرِ دَ جُونَ؞ عِدَنْ كُمَ وَنِ عَثِكِنْكُ يَيِ وَوَنِ لَيْڢِے، كُغَاڢَرْتَا مَسَ، كَمَرْ يَدَّ عُبَنْ‌غِجِ يَغَاڢَرْتَا مُكُ ذُنُبَنْكُ، حَكَمَا كُو مَا كُغَاڢَرْتَا وَ جُونَ؞

14ڢِيٜىٰ دَ وَطَنَّنْ، كُطَوْكِ حَلِنْ ڧَوْنَ، غَمَا ڧَوْنَ ثٜىٰ تَكٜىٰ طَوْرَ دُكَنْ كُواْمٜىٰ ثِكِنْ ثِكَكِّيَرْ طَيَنْتَكَ؞

15بَرِ سَلَمَ تَ أَلْمَسِيحُ تَيِ مُلْكِ أَ ذُوثِيَارْكُ، غَمَا سَبُواْدَ سَلَمَرْ نَنْ ثٜىٰ اللَّهْ يَكِرَاكُ ثِكِنْ جِكِے طَيَ، كُكُمَ كَسَنْثٜىٰ مَاسُ غُواْدِيَ؞

16بَرِ مَغَنَرْ أَلْمَسِيحُ تَكَسَنْثٜىٰ أَ ذُوثِيَارْكُ عَيَلْوَثٜىٰ، كُنَ كُواْيَ وَ جُونَ، كُنَيِ وَجُونَ غَرْغَطِے دَ دُكَنْ حِكِمَ، كُنَ رٜىٰرَ وَاڧُواْڧِنْ زَبُورَا دَ نَيَبُوانْ اللَّهْ ، كُنَ رٜىٰرَ وَاڧُواْڧِنْ دَ رُوحُ يَڧِرْڧِرُواْ، كُنَ رٜىٰرَاوَ دَ غُواْدِيَ أَذُوثِيَارْكُ؞

17عَكُواْوَنٜىٰ أَبِنْدَ كُكٜىٰيِ، ثِكِنْ مَغَنَ كُواْ أَيُّكَ، كُيِشِ عَثِكِنْ سُونَنْ عُبَنْ‌غِجِ عِيسَىٰ ، كُنَ غُواْدٜىٰ وَ اللَّهْ عُبَا تَوُرِنْسَ؞

18كُو مَتَنْ عَوْرٜىٰ، كُمِيڧَ كَنْكُ غَ مَذَنْكُ كَمَرْ يَدَّ يَدَاثٜىٰ ثِكِنْ عُبَنْ‌غِجِ ؞

19كُو مَظَا كُمَ كُڧَوْنَثِ مَاتَنْكُ؞ كَدَ كُنُونَ مُسُ حَلِ مَرَرْ تَوْسَيِ؞

20كُو يَارَا، كُيِ وَ إِيَايٜىٰنْكُ بِيَيَّ ثِكِنْ كُواْوَنٜىٰ أَبُ، غَمَا وَنَّنْ يَكَنْ ڢَرَنْتَاوَا عُبَنْ‌غِجِ رَيْ؞

21كُو عُبَنِّ، كَدَ كُمَاڟَ وَيَارَنْكُ لَمْبَ، دُواْمِنْ كَدَ سُڢِدَّ ذُوثِيَا؞

22كُو بَايِ، كُيِ بِيَيَّ غَ إِيَايٜىٰنْ‌غِجِنْكُ نَدُونِيَا ثِكِنْ كُواْمٜىٰ؞ كَدَ كُيِ عَيْكِنْ غَنِنْ عِدُواْ كَمَرْ مَاسُ سُوانْ ڢَرَنْتَ وَمُتَنٜىٰ رَيْ، أَمَيْمَكُوانْ حَكَ، كُيِ عَيْكِ دَ ذُوثِيَا طَيَ، كُنَ ڟُواْرُوانْ عُبَنْ‌غِجِ ؞

23دُكْ أَبِنْدَ كُكٜىٰيِ، كُيِشِ دَ دُكَنْ ذُوثِيَارْكُ كَمَرْ غَ عُبَنْ‌غِجِ نٜىٰ كُكٜىٰيِوَ، بَ غَ مُتُمْبَ،

24تُنْدَيَكٜىٰ كُنْ سَنِ ثٜىٰوَ عُبَنْ‌غِجِ ذَيْبَاكُ غَادُواْ وَنْدَ يَكٜىٰ لَادَنْكُ؞ غَمَا عُبَنْ‌غِجِ أَلْمَسِيحُ نٜىٰ كُكٜىٰ بَوْتَاوَ!

25مَيْ عَيْكِنْ مُغُنْتَا كُوَ، ذَيْسَامِ لَادَنْ مُغُنْتَارْسَ، غَمَا بَابُ نُونَ بَمْبَنْثِ؞

← Chapter 2 Jump to: Chapter 4 →