Colossians 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to:

1كُو إِيَايٜىٰنْ‌غِجِ، كُرِڧٜىٰ بَايِنْكُ ثِكِنْ غَسْكِيَ دَ أَدَلْثِے، غَمَا كُنْ سَنِ ثٜىٰوَ كُو مَا كُنَدَ عُبَنْ‌غِجِ أَ سَمَ؞

2كُنَاثٜىٰ ثِكِنْ أَدُّعَ، كُنَ ڟَرُواْ عَثِكِنْتَ دَ غُواْدِيَ؞

3كُكُمَ يِمَنَ أَدُّعَ، يَدَّ اللَّهْ ذَيْ بُوطٜىٰ مَنَ حَنْيَرْ دَ ذَامُ شَيْدَ كَلْمَرْسَ، مُسَنَرْوَ مُتَنٜىٰ أَسِيرِنَّنْ نَ أَلْمَسِيحُ ؞ سَبُواْدَ أَسِيرِنَّنْ نٜىٰ نَكٜىٰ عَكُرْكُكُ؞

4كُيِ مِنِ أَدُّعَ إِنْ بَيَّنَ أَسِيرِنَّنْ سُواْسَيْ، كَمَرْ يَدَّ يَا كَمَاتَ إِنْيِ؞

5عَثِكِنْ ذَمَنْكُ تَرٜىٰدَ مَرَسَ بِے، كُيِ كُواْمٜىٰ دَ حِكِمَ، كُنَ أَمْڢَانِ دَ كُواْوَنٜىٰ ظَرَڢِنْ دَ كُكٜىٰ دَشِ؞

6عَكُواْيَوْشٜىٰ، بَرِ مَغَنَرْكُ تَكَسَنْثٜىٰ دَ أَلْحٜىٰرِ دَ كُمَ دَاطِنْجِ، دُواْمِنْ كُسَنْ إِرِنْ أَمْسَرْ دَ يَيِݣَوْ كُبَا كُواْوَ؞

7تِكِكُسْ ذَيْ غَيَ مُكُ كُواْمٜىٰ غَمٜىٰدَ يَدَّ نَكٜىٰ أَنَنْ؞ شِ طَنْعُوَنْمُ نٜىٰ وَنْدَ مُكٜىٰ ڧَوْنَ سُواْسَيْ، كُمَ شِے مَيْ أَمِنْثِ نٜىٰ ثِكِنْ حِدِمَرْ عُبَنْ‌غِجِ تَرٜىٰدَمُو؞

8أَبِنْ دَ يَسَا نَعَيْكٜىٰشِ وُرِنْكُ شِينٜىٰ دُواْمِنْ كُو كُسَنْ لَابَرِنْ لَاڢِيَرْمُ، سَعَنً كُمَ يَڧَرْڢَڢَ ذُوثِيَارْكُ؞

9غَا كُمَ عُواْنِسِمُسْ تَرٜىٰ دَشِ، طَنْعُوَنْمُ مَيْ أَمِنْثِ وَنْدَ مُكٜىٰ ڧَوْنَ، وَنْدَ شِے مَا طَنْ وَجٜىٰنْكُنٜىٰ؞ سُو بِيُنْ ذَاسُ ڢَطَا مُكُ دُكَنْ أَبِنْدَ يَكٜىٰ ڢَرُوَ أَنَنْ؞

10أَرِسْتَرْكُسْ، وَنْدَ يَكٜىٰ عَكُرْكُكُ أَنَنْ تَرٜىٰدَنِ، يَثٜىٰ إِنْ غَيْشٜىٰكُ، حَكَكُمَ مَرْكُسْ وَنْدَ كَكَنْسَ طَيَ نٜىٰ دَ بَرْنَبَ؞ شِينٜىٰ نَارِغَا نَايِ مَغَنَ عَكَنْسَ، نَثٜىٰمُكُ إِنْ يَذُواْ، كُكَرْٻٜىٰشِ حَنُّ بِيُ بِيُ؞

11يُواْشُوَ وَنْدَ عَكٜىٰثٜىٰ دَشِ يُسْتُسْ، شِے مَا يَنَ غَيْشٜىٰكُ؞ وَطَنَّنْ مُتَنٜىٰ عُكُ سُو كَطَيْ نٜىٰ دَغَ ثِكِنْ يَهُودَاوَا مَاسُبِے وَطَنْدَ سُكٜىٰيِنْ عَيْكِنْ مُلْكٍ اللَّهْ تَرٜىٰدَنِ، سُنْ كُمَ ذَمَ أَبِنْ تَعَظِيَّ أَغَرٜىٰنِ؞

12أَبَڢَرَسْ وَنْدَ يَكٜىٰ طَيَ دَغَ ثِكِنْكُ، وَنْدَ شِے مَا بَاوَنْ عِيسَىٰ أَلْمَسِيحُ نٜىٰ، يَنَ غَيْشٜىٰكُ؞ كُلُّمْ يَنَ كُواْكَوَ ثِكِنْ أَدُّعَ غَ اللَّهْ دُواْمِنْ كُڟَيَ دَرَمْ، كُكُمَ ذَمَ ثِكَكُّ، كُنَدَ تَبَّثِ عَثِكِنْ دُكَنْ نُڢِنْ اللَّهْ ؞

13نِے كَيْنَ نَشَيْدَ يَدَّ شِے أَبَڢَرَسْ يَكٜىٰ عَيْكِ دَ ڨُوذُواْ دُواْمِنْ يَتَيْمَكٜىٰكُ، كُو دَ كُمَ مُتَنٜىٰنْ لَوُدِكِيَ دَ نَ حِرَڢُواْلِسْ؞

14لُكَّ، لِكِتَنَّنْ دَمُكٜىٰ ڧَوْنَ دَ كُمَ دٜىٰمَسْ، سُنَ غَيْشٜىٰكُ؞

15كُغَيْ دَ دُكَنْ یَنْعُوَنْ دَسُكٜىٰ لَوُدِكِيَ دَ كُمَ نِمْڢَ تَرٜىٰدَ جَمَعَرْ مَاسُبِنْ عِيسَىٰ دَتَكٜىٰ تَارُوَ أَغِدَنْتَ؞

16إِنْ أَنْ‌غَمَ كَرَنْتَ وَنَّنْ وَسِيڧَ أَغَبَنْكُ، سَيْكُ عَيْكَ دَ عِتَ ذُوَاغَ جَمَعَرْ مَاسُبِنْ عِيسَىٰ دَتَكٜىٰ أَ لَوُدِكِيَ، دُواْمِنْ سُو مَا سُكَرَنْتَ؞ كُو مَا كُكَرَنْتَ وَسِيڧَرْ دَ مُتَنٜىٰنْ لَوُدِكِيَ ذَاسُ عَيْكَ مُكُ؞

17كُكُمَ غَيَوَ أَرْكِبُسْ يَبَادَ حَنْكَلِ يَثِكَ عَيْكِنَّنْ دَ عُبَنْ‌غِجِ يَبَاشِ؞

18نِے بُلُسْ نٜىٰ دَ هَنُّونَ نَكٜىٰ رُبُوتَ مُكُ وَنَّنْ غَيْسُوَا؞ كَدَ كُمَنْتَا إِنَثِكِنْ سَرْڧُواْڧِ؞ أَلْحٜىٰرِنْ اللَّهْ يَكَسَنْثٜىٰ تَرٜىٰدَكُو؞ أَمِينْ؞

← Chapter 3 Jump to: