James 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ يَعْڧُوبَ بَاوَنْ اللَّهْ دَ كُمَ نَ عُبَنْ‌غِجِ عِيسَىٰ أَلْمَسِيحُ ، ذُوَاغَ ذُرِيَ غُواْمَشَا بِيُنَّنْ دَسُكٜىٰ أَوَرْوَڟٜىٰ كُواْعِنَ ثِكِنْ دُونِيَا؞ غَيْسُوَا مَيْ يَوَ؞

2یَنْعُوَ، كُمَيْدَ كُواْوَثٜىٰ إِرِنْ وَهَلَرْ دَ تَسَامٜىٰكُ أَبِنْ ڢَضٍ ثِكِ،

3غَمَا كُنْ سَنْ وَهَلَرْ نَنْ تَكَنْ ڠُودَ بَنْ‌غَسْكِيَرْكُ تَكَنْ حَيْڢَرْ دَ جِمْرٜىٰوَ؞

4سَيْ جِمْرٜىٰوَرْكُ كُمَ يَثِكَ عَيْكِنْسَ، يَكَيْكُ غَ ذَمَنْ نَڟَڟُو دَ ثِكَكُّ حَرْ كَدَ كُرَسَ كُواْمٜىٰ؞

5إِنْ وَنِنْكُ يَنَ بُڧَاتَرْ حِكِمَ، سَيْ يَضُواْڧِ اللَّهْ وَنْدَ يَكٜىٰ بَا كُواْوَ حَنُّ سَكٜىٰ بَاتَرٜىٰدَ غُواْرِ بَ، ذَيْ كُوَ بَاشِ؞

6عَمَّا سَيْ يَضُواْڧَا دَ بَنْ‌غَسْكِيَ، بَنْدَ شَكَّ، دُواْمِنْ دُكْ مَيْ شَكَّ يَنَ كَمَ دَ رَاڧُمَنْ ضُوً تٜىٰكُ وَطَنْدَ إِسْكَ تَكٜىٰ هُورَاوَ تَنَ جُجُّويَسُ عَتَكُواْعِنَ؞

7كَدَ إِرِنْ مُتُمِنَّنْ يَيِ ڟَمَّنِ ذَيْسَامِ وَنِ أَبُ دَغَ وُرِنْ عُبَنْ‌غِجِ ،

8غَمَا شِے مَيْ ذُوثِيَا بِيُنٜىٰ، بَايَ أَجِيٜىٰ حَنْكَلِنْسَ أَوُرِے طَيَ عَثِكِنْ دُكَنْ أَيُّكَنْسَ؞

9بَرِ طَنْعُوَنْ دَيَكٜىٰ مَتَلَوْثِ يَيِ تَاڧَمَ دَ طَوْكَكَرْسَ؞

10حَكَ مَا وَنْدَ يَكٜىٰ مَيْ أَرْزِڧِ يَيِ تَاڧَمَ دَ ڧَسْڧَنْثِنْسَ؞ غَمَا مَيْ أَرْزِڧِ ذَيْ بُوشٜىٰ كَمَرْ ڢُلَوَرْ ثِيَوَ؞

11غَمَا إِنْ رَانَ تَڢِتُواْ تَيِ ذَاڢِ ڨُورَيْ، تَكَنْسَا ثِيَوَ تَبُوشٜىٰ، سَيْ ڢُلَوَرْتَ تَڢَاطِ، ݣَنْتَ كُمَ يَٻَثٜىٰ؞ حَكَمَا مَيْ أَرْزِڧِ ذَيْ ٻَثٜىٰ ثِكِنْ كَيْوَ دَ كَٰوُاْوَرْسَ؞

12مَيْ أَلْبَرْكَنٜىٰ مُتُمِنْدَ يَجِمْرٜىٰ ثِكِنْ وَهَلَرْسَ، غَمَا إِنْ يَجِمْرٜىٰ ثِكِنْ ڠُوجِ، ذَيْ كَرْٻِ هُولَرْ لَادَ نَرَيْ مَدَوَّمِ وَنْدَ اللَّهْ يَيِ أَلْڧَوَرِ ذَيْبَا دُكَنْ مَاسُ ڧَوْنَرْسَ؞

13عِدَنْ جَرَّبَ تَا سَامِ مُتُمْ، كَدَ يَثٜىٰ اللَّهْ نٜىٰ يَجَرَّبْثٜىٰشِ؞ دُواْمِنْ اللَّهْ بَايَ جَرَّبْتَرْ كُواْوَ دَ مُغُنْتَا، كُمَ بَايَ يِوُوَ أَ جَرَّبْثٜىٰشِ؞

14كُواْوَنٜىٰ مُتُمْ دَيْ يَكَنْ سَامِ جَرَّبَ سَعَدَّ مُوغُنْ ݣُوطَيِنْسَ يَرُوطٜىٰشِ، يَكُمَ شَا كَنْسَ؞

15مُوغُنْ ݣُوطَيِ كُوَ إِنْ يَيِ ثِكِ يَكَنْ حَيْڢِ ذُنُوبِ؞ ذُنُوبِ إِنْ يَيِ غِرْمَ يَكَنْ حَيْڢِ مُتُوَ؞

16یَنْعُوَنَ وَطَنْدَ نَكٜىٰ ڧَوْنَ، كَدَ كُيَرْدَ أَ رُوطٜىٰكُ؞

17كُواْوَثٜىٰ بَيْوَ مَيْݣَوْ دَ كُواْوَثٜىٰ ثِكَكِّيَرْ ݣَوْتَادَغَ سَمَ سُكٜىٰ؞ سُنْ سَوْكُواْ نٜىٰ دَغَ وُرِنْ اللَّهْ عُبَا وَنْدَ يَحَلِثِّ رَانَ دَ وَتَ دَ تَوْرَرِ دُكَ ؞ شِے كُوَ بَايَ ثَنْجَاوَا، بَايَ جُويٜىٰ جُويٜىٰ كَمَرْ إِنُوَ؞

18بِسَغَ نُڢِنْسَ اللَّهْ يَبَامُ رَيْ تَوُرِنْ كَلْمَرْسَ مَيْ غَسْكِيَ دُواْمِنْ مُذَمَ كَمَرْ نُونً ڢَارِ نَدُكَنْ حَلِتَّرْسَ؞

19یَنْعُوَنَ، وَطَنْدَ نَكٜىٰ ڧَوْنَ، كُسَنِ ڢَا يَا كَمَاتَ كُواْوَ يَكَسَنْثٜىٰ مَيْ سَوْرِنْجِ، عَمَّا بَمَيْ سَوْرِنْ مَغَنَ كُواْ مَيْ سَوْرِنْ ڢُشِيبَ،

20سَبُواْدَ ڢُشِنْ مُتُمْ بَايَ كَيْشِ غَ عَيْكَتَ أَدَلْثِنْ اللَّهْ ؞

21سَيْ كُكَوَرْدَ ڧَظَامِنْ حَلِنَّنْ نَذُنُوبِ دَ كُمَ كُواْوَثٜىٰ إِرِنْ مُغُنْتَا؞ سَعَنً عَثِكِنْ سَوْڧِنْ كَيْ كُكَرْٻِ كَلْمَرْ نَنْ دَ عَكَ شُوكَ أَ ذُوثِيَارْكُ، وَدَّ كُمَ تَنَ عِيَ كَيْكُ غَ ثٜىٰتُواْ؞

22كُذَمَ مَاسُ عَيْكَتَ كَلْمَرْ اللَّهْ ، بَا مَاسُجِ كَوَيْبَ، وَتُواْ كُنَ رُوطِنْ كَنْكُ؞

23دُواْمِنْ دُكْ وَنْدَ يَكٜىٰ جِنْ كَلْمَرْ كَوَيْ عَمَّا بَايَ عَيْكَتَاوَا يَنَ كَمَ دَ مُتُمِنْدَ يَدُوبِے ڢُسْكَرْسَ أَ مَدُوبِے،

24بَايَنْدَ يَتَاشِ دَغَ وُرِنْ، نَنْ دَنَنْ سَيْ يَا مَنْتَادَ يَدَّ ڢُسْكَرْسَ تَكٜىٰ؞

25عَمَّا مُتُمِنْدَ يَمَيْدَ حَنْكَلِنْسَ وَجٜىٰنْ بِنْثِكٜىٰ ثِكَكِّيَرْ كُواْيَرْوَرْ نَنْ وَدَّ عِتَثٜىٰ مَيْ كَٰوُاْ یَنْثِ، ذَاعَ سَا مَسَ أَلْبَرْكَ ثِكِنْ دُكَنْ أَبِنْدَ يَكٜىٰيِ، عِدَنْ حَرْ بَيْ ذَمَ مَيْجِ كَوَيْ يَمَنْتَبَ، عَمَّا يَذَمَ مَيْ نَاثِيَ ثِكِنْ عَيْكَتَاوَا؞

26عِدَنْ وَنِ يَنَ ڟَمَّنِ شِے مَيْ أَدِّينِ نٜىٰ سُواْسَيْ، عَمَّا بَايَ كَمٜىٰ بَاكِنْسَ، تُواْ، يَنَ رُوطِنْ كَنْسَنٜىٰ، أَدِّينِنْسَ كُمَ بَنْظَنٜىٰ؞

27أَدِّينِنْ دَ اللَّهْ عُبَا يَتَبَّتَرْ مَيْ ڟَرْكِے كُمَ مَيْ غَسْكِيَ، شِينٜىٰ، عَكُلَ دَ مَاتَانْدَ مَذَنْسُ سُكَ مُتُ دَ كُمَ مَرَايُ ثِكِنْ شَنْ وُيَرْسُ، عَكُمَ كٜىٰٻٜىٰكَيْ دَغَ مُوغُوَرْ رَايُوَا تَدُونِيَا؞

Jump to: Chapter 2 →