James 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to:

1تُواْ، كُسَوْرَرَ، كُو مَاسُ أَرْزِڧِ! كُيِ كُوكَا دَ إِيهُ سَبُواْدَ عَذَابَرْ دَتَكٜىٰ ذُوَا عَكَنْكُ؞

2أَرْزِڧِنْكُ دُكَ ضُٻَٻّٜىٰ نٜىٰ، كُمَ ڨُورِ سُنْثِنْيٜىٰ تُڢَاڢِنْكُ؞

3ظِينَارِيَرْكُ دَ أَظُرْڢَرْكُ سُنْيِ ڟَاڟَا؞ ڟَاڟَرْ نَنْ دَ سُكَيِ عِتَثٜىٰ ذَاتَ ذَمَ شَيْدَ عَكَنْكُ، ذَاتَ كُمَ ثِنْيٜىٰ نَامَنْ جِكِنْكُ كَمَرْ وُتَا؞ كُنْ دَيْ تَارَ وَكَنْكُ دُوكِيَ عَݣُونَكِنْنَنْ نَڧَرْشٜىٰ؞

4غَمَا أَلْبَشِنْ مَعَيْكَتَنْ غُواْنَكِنْكُ، وَطَنْدَ كُكَڧِ بِيَنْسُ سَبُواْدَ حَلِنْ ثُوتَرْكُ، يَنَ كُوكَا غَ اللَّهْ ؞ حَكَ نَنْ كُوكَنْ مَاسُ يِمُكُ غِرْبِے أَغُواْنَكِنْكُ يَكَيْ كُنّٜىٰنْ اللَّهْ عُبَنْ‌غِجِ مَيْ ضُنْدُنَا ؞

5كُنْيِ ذَمَ عَدُونِيَا ثِكِنْ جِنْ دَاطِے، كُنَثِ دَ شَا نَغَنِنْ دَامَ؞ تُواْ، كُنْيِ وَكَنْكُ كِيوُاْ نٜىٰ كُنَ ذَمَنْ جِضَانْ رَانَرْ يَنْكَ؞

6كُنْ حُكُنْتَ مَرَسَ لَيْڢِے، كُكَ كُمَ كَشٜىٰسُ، بَسُ كُوَيِ غَابَادَكُوبَ؞

7سَبُواْدَ وَنَّنْ، یَنْعُوَ، كُيِ ذَمَنْ حَڧُرِ حَرْ سَيْ عُبَنْ‌غِجِ يَدَاوُاْ؞ كُدُوبِے إِرِنْ حَڧُرِنْ دَ مَنُواْمِ يَكَنْيِ لُواْكَثِنْ دَيَكٜىٰ جِرَا غُواْنَرْسَ تَبَادَ أَمْڢَانِ مَيْݣَوْ؞ دَ يَوَنْ حَڧُرِ يَكَنْ جِرَا ضُوً شُوكَ دَ ضُوً ڧَرْشٜىٰ؞

8سَيْ كُو مَا كُكَسَنْثٜىٰ دَ حَڧُرِ؞ كُڧَرْڢَڢَ ذُوثِيَارْكُ، دُواْمِنْ ذُوَانْ عُبَنْ‌غِجِ يَيِ كُسَ؞

9یَنْعُوَ، كَدَ كُيِ غُنَغُنِ دَ جُونَ، دُواْمِنْ كَدَ أَ حُكُنْتَكُ؞ غَاشِ، مَيْ شَرِيعَ يَكُسَنْ ذُوَا، حَرْ يَنَ عَبَاكِنْ ڧُواْڢَ؞

10یَنْعُوَ، كُلُورَ دَ أَنَّبَاوَنْ دَ سُكَيِ مَغَنَ دَ سُونَنْ عُبَنْ‌غِجِ ؞ كُبِے غُرْبِے نَجِمْرٜىٰوَرْسُ ثِكِنْ وَهَلَ؞

11غَاشِ، وَطَنْدَ سُكَ جِمْرٜىٰ مُكَنْثٜىٰ دَسُو مَاسُ أَلْبَرْكَ نٜىٰ؞ كُنْ دَيْجِ إِرِنْ جِمْرٜىٰوَرْ دَ أَيُوبَ يَيِ، كُنْ كُمَ سَنْ يَدَّ عُبَنْ‌غِجِ يَ أَلْبَرْكَثٜىٰشِ عَڧَرْشٜىٰ؞ غَمَا عُبَنْ‌غِجِ مَيْ جِنْڧَيْ نٜىٰ، مَيْ يَوَنْ تَوْسَيِ كُمَ؞

12ڢِيٜىٰ دَكُواْمٜىٰ دَيْ، یَنْعُوَنَ، كَدَ كُيِ ضَنْڟُوَا كُواْ كَطَنْ؞ كَدَ كُيِ ضَنْڟُوَا دَ سَمَ، كُواْ دَ ڧَسَا، كُواْ عَكَنْ وَنِ أَبُ؞ سَيْ دَيْ كُثٜىٰ «عِ» كَوَيْ، كُواْ كُوَ كُثٜىٰ «أَعَ» كَوَيْ دُواْمِنْ كَدَ كُشِغَ حُكُنْثِنْ اللَّهْ ؞

13كُواْ أَݣَويْ وَنِ مَيْ شَنْ وَهَلَ عَثِكِنْكُ؟ تُواْ، سَيْ يَيِ أَدُّعَ؞ كُواْ أَݣَويْ وَنِ مَيْ مُرْنَ؟ تُواْ، سَيْ يَيِ وَاڧُواْڧِنْ يَبُواْ؞

14كُواْ أَݣَويْ وَنِ مَيْ رَشِنْ لَاڢِيَ عَثِكِنْكُ؟ سَيْ يَكِرَا دَتَّاوَنْ جَمَعَرْ مَاسُبِنْ عِيسَىٰ سُيِ مَسَ أَدُّعَ، سُنَ شَاڢٜىٰشِ دَ مَيْ عَثِكِنْ سُونَنْ عُبَنْ‌غِجِ ؞

15إِرِنْ وَنَّنْ أَدُّعَرْ دَ عَكَيِ ثِكِنْ بَنْ‌غَسْكِيَ، ذَاتَ وَرْكَرْدَ مَرَرْ لَاڢِيَرْ؞ عُبَنْ‌غِجِ كُمَ ذَيْ وَرْكَرْ دَشِ؞ إِنْ كُمَ يَيِ ذُنُوبِ، ذَاعَ غَاڢَرْتَا مَسَ؞

16سَبُواْدَ حَكَ كُڢُرْتَ وَجُونَ لَيْڢُواْڢِنْكُ، كُنَيِ وَجُونَ أَدُّعَ دُواْمِنْ أَوَرْكَرْدَكُو؞ أَدُّعَرْ مَيْ أَدَلْثِے تَنَدَ ڧَرْڢِنْ عَيْكِ دَ إِيكُواْ سُواْسَيْ؞

17إِلْيَاسُ مُتُمْ نٜىٰ كَمَرْمُ؞ يَنَاثٜىٰ سُواْسَيْ ثِكِنْ أَدُّعَ دُواْمِنْ كَدَ عَيِ ضُوً سَمَ، سَيْ كُوَ بَعَيِ ضُوَ عَڧَسَرْبَ حَرْ شٜىٰكَرَا عُكُ دَ وَتَا شِدَ؞

18بَايَنْ حَكَ يَسَاكٜىٰيِنْ أَدُّعَ، سَيْ سَمَ يَبَادَ ضُوَ، ڧَسَا كُمَ تَبَادَ أَمْڢَانِنْتَ؞

19یَنْعُوَنَ، عِدَنْ طَيَ دَغَ ثِكِنْكُ يَرَبُ دَ حَنْيَرْ غَسْكِيَ، وَنِنْكُ كُمَ يَدَاوُاْ دَشِ كَنْ حَنْيَ،

20سَيْ يَسَنِ ڢَا دُكْ وَنْدَ يَدَاوُاْ دَ مَيْ ذُنُوبِ عَكَنْ حَنْيَ يَثٜىٰثِ رَنْ مَيْ ذُنُوبِنْ دَغَ مُتُوَ، كُمَ وَنَّنْ ذَيْ ذَمَ حَنْيَرْ غَاڢَرْتَ ذُنُبَيْ مَاسُ طُمْبُنْ يَوَ؞

← Chapter 4 Jump to: