James 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1مٜىٰنٜىٰنٜىٰ يَكٜىٰ كَٰوُاْ ڢَطَا دَ جَيَيَّ ڟَكَانِنْكُ؟ بَاشَكَّ سُنَ ذُوَا نٜىٰ تَدَلِيلِنْ ݣُوطَيِ إِرِ إِرِ وَطَنْدَ سُكٜىٰ يَاڧِ عَثِكِنْكُ؞

2كُكَنْ نٜىٰمِ أَبُ كُرَسَ، سَيْ كُيِ كِسَنْ كَيْ؞ كُكَنْ نٜىٰمِ أَبُ دَ ڟَنَنِ، كُكَاسَ سَامُ، سَيْ كُشِغَ ڢَطَ دَ يِنْ جَيَيَّ؞ أَيْ، بَكُ سَامِ أَبِنْدَ كُكٜىٰ نٜىٰمَ بَ سَبُواْدَ بَكُ ضُواْڧَا بَ؞

3كُمَ سَعَدَّ كُكَنْ ضُواْڧَا بَكُ سَامُبَ، غَمَا كُكَنْ ضُواْڧَا دَ مُوغُنْ نُڢِ؞ كُنَسُواْ كُكَشٜىٰ أَبِنْدَ كُنْ سَامُ عَكَنْ أَيُّكَنْ بَنْظَ نَجِنْ دَاطِنْ جِكِنْكُ نٜىٰ؞

4كُو مَرَسَ أَمِنْثِ! بَكُسَنِے بَ ثٜىٰوَ ذَمَنْ أَبُواْكِنْ دُونِيَا يَنَ دَيْدَيْ دَ ذَمَنْ غَابَادَ اللَّهْ ؟ غَمَا دُكْ مَيْ ڧَوْنَرْ دُونِيَا، يَمَيْدَ كَنْسَ مَيْ غَابَادَ اللَّهْ كٜىٰنَنْ؞

5كُواْ كُنَ ڟَمَّنِ عَبَنْظَا نٜىٰ رُبُوتَثِّيَرْ مَغَنَرْ اللَّهْ تَثٜىٰ «اللَّهْ يَنَ ثِكٜىٰ دَ ڟَنَنِنْ كِيشِنْ ڧَوْنَ عَكَنْ رُوحُنْدَ يَسَا عَثِكِنْمُ؟

6عَمَّا اللَّهْ يَنَ ڧَارَ مَنَ أَلْحٜىٰرِنْسَ مَيْ يَوَ، شِے يَسَا رُبُوتَثِّيَرْ مَغَنَرْسَ تَثٜىٰ، «اللَّهْ يَنَ ڧِنْ مَيْ غِرْمَنْ كَيْ، عَمَّا يَنَ يِنْ أَلْحٜىٰرِ غَ مَيْ سَوْڧِنْ كَيْ؞»

7دُواْمِنْ حَكَ سَيْ كُمِيڧَ كَنْكُ طُنْ‌غُمْ غَ اللَّهْ ؞ كَدَ كُبَا شَيْطَنْ دَامَ، شِيكُوَ ذَيْ غُجٜىٰ مُكُ؞

8كُيِ كُسَدَ اللَّهْ ، شِے كُوَ ذَيْ يِكُسَدَكُو؞ يَا كُو مَاسُ ذُنُوبِ، كُڟَبْتَثٜىٰ حَنُّوَنْكُ دَغَ أَيُّكَنْ ذُنُوبِ، كُڟَبْتَثٜىٰ ظُكَاتَنْكُ، يَا كُو مُنَاڢُكَيْ؞

9كُيِ بَڧِنْ ثِكِ، كُيِ كُوكَا، كُيِ هَوَيٜىٰ؞ بَرِ دَارِيَارْكُ تَكُواْمَ كُوكَا، ڢَضٍ ثِكِنْكُ كُمَ يَكُواْمَ بَڧِنْ ثِكِ؞

10كُڧَسْڧَنْتَرْ دَكَنْكُ أَغَبَنْ عُبَنْ‌غِجِ ، شِے كُوَ ذَيْ طَوْكَكَاكُ؞

11یَنْعُوَ، كَدَ كُذَمَ مَاسُ مَغَنَرْ زَرْغِنْ جُونَ؞ سَبُواْدَ دُكْ وَنْدَ يَكٜىٰ زَرْغِنْ طَنْعُوَنْسَ مَيْبِے، كُواْ يَطُواْرَ مَسَ لَيْڢِے، يَنَ زَرْغِنْ كُواْيَرْوَرْ مُوسَٰى كٜىٰنَنْ، يَنَ كُمَ طُواْرَوَ كُواْيَرْوَرْ لَيْڢِے؞ غَمَا سَعَدَّ كَيِ وَ كُواْيَرْوَرْ مُوسَٰى شَرِيعَ، بَكَ مِيڧَ كَنْكَ غَ يِنْ بِيَيَّ دَ كُواْيَرْوَرْ مُوسَٰى بَ، مَيْمَكُوانْ حَكَ كَذَمَ مَيْيِ مَتَ شَرِيعَ؞

12اللَّهْ نٜىٰ كَطَيْ مَيْ بَادَ كُواْيَرْوَا، شِينٜىٰ كُمَ مَيْيِنْ شَرِيعَ؞ شِے كَطَيْ يَكٜىٰبَادَ ثٜىٰتُواْ، كُمَ شِے يَكٜىٰدَ إِيكُوانْ هَلَّكَرْوَ؞ سَبُواْدَ حَكَ، وَنٜىٰنٜىٰ كَيْ دَ حَرْ كَاإِسَ كَطُواْرَ وَطَنْعُوَنْكَ لَيْڢِے؟

13كُسَوْرَرَ، كُو دَ كُكٜىٰثٜىٰوَ «يَوْ كُواْ غُواْبٜىٰ ذَامُ تَڢِے غَرِ كَاظَا، مُيِ شٜىٰكَرَا غُدَا مُنَ تَكَاسُوَنْثِ مُنَ ثِنْ رِيبَ؞»

14غَاشِ كُوَ بَكُ مَا سَنْ مٜىٰ ذَيْ ڢَرُ غُواْبٜىٰبَ؞ شِنْ، وَنٜىٰ إِرِنْ أَبُ نٜىٰ رَنْكُ؟ أَيْ، أَبُ نٜىٰ كَمَرْ حَزُواْ وَنْدَ يَكٜىٰ بَيَّنَ أَطَنْ لُواْكَثِ سَعَنً يَٻَثٜىٰ؞

15يَا كَمَاتَ كُثٜىٰ «عِدَنْ اللَّهْ يَيَرْدَ، عِدَنْ كُمَ مُنَ ثِكِنْ مَاسُ رَيْ، ذَامُيِ كَاظَا دَ كَاظَا؞»

16عَمَّا غَاشِ، يَنْذُ كُنَ تَاڧَمَ كُنَ يَنْ‌غَ؞ أَيْ، وَنَّنْ إِرِنْ تَاڧَمَ مُوغُوَرْ أَبُ نٜىٰ؞

17سَبُواْدَ حَكَ دُكْ وَنْدَ يَسَنْ أَبِنْدَ يَكَمَاتَ يَيِ عَمَّا يَڧِيِ، يَيِ ذُنُوبِ كٜىٰنَنْ؞

← Chapter 3 Jump to: Chapter 5 →