James 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1یَنْعُوَنَ، كَدَ كُنُونَ بَمْبَنْثِ أَڟَكَانِنْكُ دَيَكٜىٰ كُنْ سَا بَنْ‌غَسْكِيَرْكُ غَ عُبَنْ‌غِجِنْمُ عِيسَىٰ أَلْمَسِيحُ ، عُبَنْ‌غِجِ مَطَوْكَكِ؞

2مِصَالِ، مَيْيِوُوَ وَنِ مَيْ أَرْزِڧِ يَشِغُواْ ثِكِنْ تَارُوانْكُ يَنَ سَنْيٜىٰ دَ ذُواْبٜىٰنْ ظِينَارِيَ دَ كُمَ رِيغُنَ مَاسُ دَرَجَ، سَعَنً كُمَ وَنِ مَتَلَوْثِ يَشِغُواْ دَ رِغَرْ دَ تَيَيَّاغٜىٰ؞

3عِدَنْ ذَاكُڢِبَا مَيْ أَرْزِڧِنَّنْ غِرْمَ كُثٜىٰ مَسَ «غَا كُجٜىٰرَ مَيْݣَوْ كَذَوْنَ،» عَمَّا كُثٜىٰ وَمَتَلَوْثِنَّنْ «كَڟَيَ عَثَنْ،» كُواْ كُمَ «كَذَوْنَ عَڧَسَا،»

4أَيْ، بَمْبَنْثِ كٜىٰنَنْ كُكٜىٰ نُونَاوَ جُونَنْكُ، كُنَ كُمَ يَنْكٜىٰ شَرِيعَ دَ مُوغُنْ تُنَانِ؞

5كُجِ، یَنْعُوَنَ وَطَنْدَ نَكٜىٰ ڧَوْنَ! أَشٜىٰ، اللَّهْ بَيْ ذَاٻِ مَتَلَوْتَنْ دُونِيَرْ نَنْ سُذَمَ مَاسُ أَرْزِڧِ ثِكِنْ بَنْ‌غَسْكِيَابَ؟ بَسُونٜىٰ كُمَ ذَاسُ غَاجِ مُلْكِنَّنْ وَنْدَ يَيِ أَلْڧَوَرِ وَ وَطَنْدَ سُكٜىٰ ڧَوْنَرْسَبَ؟

6عَمَّا كُو، كُكَنْ رٜىٰنَ مَتَلَوْتَ؞ أَشٜىٰ، بَا مَاسُ أَرْزِڧِنٜىٰ سُكٜىٰ وُلَڧَنْتَاكُبَ؟ بَسُونٜىٰ سُكٜىٰ جَنْكُ ذُوَا غَبَنْ كُواْتُبَ؟

7بَسُونٜىٰ كُمَ سُكٜىٰ مَغَنَرْ صَاٻُواْ عَكَنْ سُونَنَّنْ مَيْ دَرَجَ دَ عَكَ سَنْكُ دَشِيبَ؟

8عِدَنْ كُنْيِ بِيَيَّ دَ كُواْيَرْوَرْ نَنْ تَمُلْكٍ اللَّهْ وَدَّ تَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ «كَڧَوْنَثِ مَڨُوبْثِنْكَ كَمَرْ كَنْكَ، كُنْيِ دَيْدَيْ؞»

9عَمَّا عِدَنْ كُنَ نُونَ بَمْبَنْثِ أَڟَكَانِنْكُ، وَنَّنْ ذُنُوبِ نٜىٰ؞ بِسَغَ كُواْيَرْوَرْ مُوسَٰى كُنْ ذَمَ مَاسُ كَرْيٜىٰ دُواْكَا؞

10غَمَا دُكْ وَنْدَ يَكِيَايٜىٰ دُكَنْ كُواْيَرْوَرْ مُوسَٰى، عَمَّا يَكَرْيٜىٰ طَيَ، تُواْ، يَكَرْيَ دُكَنْ كٜىٰنَنْ؞

11غَمَا شِے وَنْدَ يَثٜىٰ «كَدَ كَيِ ظِنَ» شِينٜىٰ كُمَ يَثٜىٰ «كَدَ كَيِ كِسَنْكَيْ؞» عِدَنْ بَكَيِ ظِنَ بَ، عَمَّا كَكَشٜىٰ وَنِ، تُواْ، كَا ذَمَ مَيْ كَرْيٜىٰ كُواْيَرْوَرْ كٜىٰنَنْ؞

12سَبُواْدَ حَكَ، كُيِ مَغَنَرْكُ دَ عَيْكِنْكُ يَدَّ ذَاتَ نُونَ ثٜىٰوَ كُو مُتَنٜىٰنٜىٰ دَ ذَاعَيِ مُسُ شَرِيعَ بِسَغَ ڧَٰعِدَ مَيْ بَادَ یَنْثِ؞

13غَمَا أَ لُواْكَثِنْ شَرِيعَ، اللَّهْ بَذَيْ نُونَ جِنْڧَيْ غَ مُتُمْ مَرَرْ جِنْڧَيْبَ؞ عَمَّا جِنْڧَيْ ذَيْ يِنَصَرَا عَكَنْ حُكُنْثِ؞

14یَنْعُوَ، إِنَا أَمْڢَانِ مُتُمْ يَثٜىٰ يَنَدَ بَنْ‌غَسْكِيَ عَمَّا أَيُّكَنْسَ بَسُ نُونَ حَكَبَ؟ أَنْيَ! وَنَّنْ بَنْ‌غَسْكِيَرْسَ ذَاتَ عِيَ ثٜىٰتُوانْسَ كُوَ؟

15مِصَالِ، مَيْيِوُوَ وَنِ طَنْعُوَ كُواْ وَتَ یَرْعُوَ سُنَ ذَمَ بَابُ رِغَرْ سَاوَا، كُمَ بَابُ عَبِنْثِ نَيَوْ دَ كُلُّمْ؞

16عِدَنْ وَنِنْكُ يَثٜىٰ مُسُ «كُسَوْكَ لَاڢِيَ، اللَّهْ يَبَاكُ عَبِنْثِ دَ أَبِنْ سَاوَا،» عَمَّا بَيْيِ كُواْمٜىٰ غَمٜىٰدَ بُڧَاتَرْسُ نَنْ تَجِكِبَ، تُواْ، إِنَا أَمْڢَانِنْ وَنَّنْ؟

17حَكَكُمَ بَنْ‌غَسْكِيَ وَدَّ بَاتَ دَ أَيُّكَنْ دَسُكٜىٰ تَبَّتَرْ دَ عِتَ بَنْظَثٜىٰ؞

18وَنِ ذَيْ عِيَ ثٜىٰوَ «أَيْ، كَيْ كَنَدَ بَنْ‌غَسْكِيَ، نِے كُمَ إِنَدَ أَيُّكَ نٜىٰ؞» تُواْ، نُونَ مِنِ بَنْ‌غَسْكِيَرْكَ مَرَرْ أَيُّكَ، نِے كُمَ ذَنْ نُونَ مَكَ بَنْ‌غَسْكِيَتَ تَوُرِنْ أَيُّكَنَ؞

19كَا غَسْكَتَ اللَّهْ طَيَ نٜىٰ؟ تُواْ مَادَلَّ؞ أَيْ، كُواْ أَلْجَنُ مَا سُنْ غَسْكَتَ حَكَ، حَرْ مَا دَ ضَوَرْ جِكِے؞

20كَيْ مَرَرْ حِكِمَ! كُواْ كَنَ بُڧَاتَ حَرْ يَنْذُ إِنْ تَبَّتَا مَكَ يَدَّ بَنْ‌غَسْكِيَ مَرَرْ أَيُّكَ بَنْظَ ثٜىٰ؟

21سَعَدَّ كَكَنْمُ إِبْرَٰهِيمْ يَبَادَ طَنْسَ إِسْحَٰڧَ عَكَنْ بَغَدٜىٰنْ هَدَايَ، بَ سَبُواْدَ أَيُّكَنْسَ نٜىٰ عَكَ شَيْدَ شِے مَيْ أَدَلْثِبَ؟

22تُواْ، كَا غَنِ يَدَّ بَنْ‌غَسْكِيَرْسَ تَنَ تَڢِيَ تَرٜىٰدَ أَيُّكَنْسَ، كُمَ بَنْ‌غَسْكِيَرْسَ تَذَمَ ثِكَكِّيَ تَوُرِنْ أَيُّكَنْسَ؞

23أَ نَنْ عَكَ ثِكَ رُبُوتَثِّيَرْ مَغَنَرْ اللَّهْ ثٜىٰوَ «سَبُواْدَ إِبْرَٰهِيمْ يَبَادَ غَسْكِيَ غَ اللَّهْ ، سَيْ اللَّهْ يَلِسَّڢْتَا وَنَّنْ أَدَلْثِے نٜىٰ أَغَرٜىٰشِ؞» تَدَلِيلِنْ حَكَ كُوَ عَكَثٜىٰ دَ إِبْرَٰهِيمْ أَبُواْكِنْ اللَّهْ ؞

24تُواْ، كُنْ غَنِ، مُتُمْ يَنَ سَامُنْ ذَمَ مَرَرْ لَيْڢِے أَغَبَنْ اللَّهْ سَبُواْدَ أَيُّكَنْسَ نٜىٰ، بَ سَبُواْدَ بَنْ‌غَسْكِيَ عِتَ كَطَيْبَ؞

25حَكَ يَكٜىٰ كُمَ دَ كَارُوَرْ نَنْ رَهَبْ أَ لُواْكَثِنْ دَ تَٻُواْيٜىٰ یَنْ لٜىٰڧٜىٰنْ أَسِيرِنْ ڧَسَرْ نَنْ، تَكُمَ تَيْمَكٜىٰسُ سُنْ ڟِيرَا تَوَتَ حَنْيَ دَبَمْ؞ بَتَوُرِنْ أَيُّكَ نٜىٰ تَذَمَ مَرَرْ لَيْڢِے بَ؟

26سَبُواْدَ حَكَ كَمَرْ يَدَّ جِكِنْ مُتُمِنْ دَ بَاشِدَ رُوحُ غَاوَا نٜىٰ، حَكَكُمَ بَنْ‌غَسْكِيَ مَرَرْ أَيُّكَ تَكٜىٰ دَيْدَيْ دَ غَاوَا؞

← Chapter 1 Jump to: Chapter 3 →