Lamentations 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1أَيَّ! أَيَّ! يَيَ عُرُوشَلِيمَ وَدَّ دَا ثِكٜىٰدَ مُتَنٜىٰ تَكٜىٰ تَذَوْنَ بَابُ كُواْوَ؟ يَيَ عِتَ وَدَّ دَا بَبَّثٜىٰ عَثِكِنْ أَلْعُمَّيْ تَذَمَ كَمَرْ مَثٜىٰ وَدَّ مِجِنْتَ يَمُتُ؟ يَيَ عِتَ وَدَّ دَا سَرَوْنِيَ ثٜىٰ عَثِكِنْ يَنْكُنَ تَذَمَ كَمَرْ بَيْوَ مَيْ عَيْكِنْ دُواْلٜىٰ؟

2دَ دَرٜىٰ تَنَ كُوكَا مَيْ ڟَنَنِ، هَوَيٜىٰنْتَ سُنَ ظُبُواْوَ عَكُمَتُنْتَ؞ بَابُ كُواْ طَيَ دَغَ ثِكِنْ مَسُواْيَنْتَ وَنْدَ يَكٜىٰيِنْ مَتَ تَعَظِيَّ، دُكَنْ أَبُواْكَنْتَ سُنْثِ أَمَانَرْتَ سُنْ ذَمَ أَبُواْكَنْ غَابَنْتَ؞

3يَهُودَ تَتَڢِے بَوْتَا، عَثَنْ تَشَا عَذَابَ دَ عَيْكِنْ بَوْتَا؞ يَنْذُ تَنَ ظَوْنٜىٰ أَڟَكِيَرْ سَوْرَنْ أَلْعُمَّيْ، عَمَّا بَتَسَامِ هُوتَوَابَ؞ غَاشِ، مَاسُبِنْتَ دَ يَاڧِ سُنْ كَمَاتَ عَثِكِنْ وَهَلَرْتَ بَابُ حَنْيَرْ ڟِيرَا؞

4هَنْيُواْيِنْ سِهِيُواْنَ سُنَ بَڧِنْ ثِكِ، بَا مَاسُ تَڢِيَ عَكَنْسُ ذُوَا بُكُكُوَنْتَ؞ ڧُواْڢُواْڢِنْتَ دُكَ، بَابُ مَيْشِغَ كُواْ ڢِتَ، ڢِرِسْتُواْثِنْتَ سُنَ نِيشِنْ عَذَابَ؞ بُدُرْوَيْ نَاتَ سُنَ شَنْ وَهَلَ، سِهِيُواْنَ دَ كَنْتَ تَنَ ثِكِنْ بَڧِنْ ثِكِ؞

5يَنْذُ أَبُواْكَنْ غَابَنْتَ سُونٜىٰ كَنْ غَبَ، أَبُواْكَنْ غَابَنْتَ سُنَ ذَمَ ثِكِنْ ݣُونْثِيَرْ رَيْ؞ يَهْوٜىٰهْ يَا حُكُنْتَ عُرُوشَلِيمَ سَبُواْدَ يَوَنْ ذُنُبَنْتَ نَغَنْ‌غَنْثِ؞ یَیَنْتَ سُنْ تَڢِے بَوْتَا أَ حَنُّنْ أَبُواْكَنْ غَابَنْتَ؞

6دُكَنْ دَرَجَرْ ذُوثِيَاتَ سِهِيُواْنَ تَرَبُ دَ عِتَ! شُوغَبَنِّنْتَ سُنْ غَجِ دَ يَٰوُاْ كَمَرْ بَرٜىٰوَ، كَمَرْ بَرٜىٰوَرْ دَ بَتَسَامِ وُرِنْ كِيوُاْ بَ، وَدَّ ڧَرْڢِنْتَ يَڧَارٜىٰ أَغَبَنْ مَاسُ كُواْرَرْتَ؞

7عَݣُونَكِنْ عَذَابَرْتَ دَ رَشِنْ وُرِنْ ذَمَنْتَ، عُرُوشَلِيمَ تَتُنَ دَ رَايُوَرْتَ تَدَرَجَ تَدَا؞ أَ لُواْكَثِنْ دَ تَڢَاطَ أَ حَنُّنْ أَبُواْكَنْ غَابَنْتَ، كُمَ بَابُ مَيْ تَيْمَكُوانْتَ، سَيْ أَبُواْكَنْ غَابَنْتَ سُكَيِ مَتَ كَلُّوانْ رٜىٰنِ سَبُواْدَ ڢَاطُوَرْتَ؞

8عُرُوشَلِيمَ تَايِ ذُنُوبِ ڨُورَيْ دَ غَسْكٜىٰ، يَنْذُ تَذَمَ أَبِنْ ڨَمَ؞ دُكَنْ مَاسُ غِرْمَمَتَ أَدَا يَنْذُ سُنَ رٜىٰنَتَ دُواْمِنْ سُنْ غَ ڟِرَيْثِنْتَ؞ عُرُوشَلِيمَ مَا دَ كَنْتَ، تَنَ نِيشِ تَنَ ٻُواْيٜىٰ ڢُسْكَرْتَ ثِكِنْ كُنْيَا؞

9جِنِنْ ڧَظَنْتَرْتَ يَنُونَ أَ ذَنٜىٰنْتَ، بَتَمَا يِتُنَانِ يَدَّ ڧَرْشٜىٰنْتَ ذَيْ كَسَنْثٜىٰبَ؞ غَاشِ، ڢَاطُوَرْتَ تَذَمَ مُومُّنَ، بَابُ مَيْ تَعَظَنْتَرْ دَ عِتَ؞ يَا يَهْوٜىٰهْ ، دُوبِے وَهَلَاتَ! أَبُواْكَنْ غَابَنَ سُنْثِ نَصَرَا عَكَيْنَ!

10أَبُواْكَنْ غَابَنْتَ سُنْ مِيڧَ حَنُّنْ غَابَا عَكَنْ دُكَنْ كَايَنْتَ مَاسُ دَرَجَ؞ عِ، سِهِيُواْنَ تَاغَا أَلْعُمَّيْ سُنْ شِغَ وُرِے مَيْ ڟَرْكِے، أَلْعُمَّنْ دَ كَيْ يَهْوٜىٰهْ كَا عُمَرْتَ كَدَ سُشِغَ ثِكِنْ تَارُوانْ جَمَعَرْكَ؞

11دُكَنْ جَمَعَرْ بِرْنِنْ سُنَ نِيشِنْ نٜىٰمَنْ عَبِنْثِ، سُنَ بَادَ كَايَنْسُ مَاسُ دَرَجَ سَبُواْدَ نٜىٰمَنْ عَبِنْثِ دُواْمِنْ سُرَايُ؞ عُرُوشَلِيمَ تَتَادَ مُرْيَرْ كُوكَا، دُوبَ، يَا يَهْوٜىٰهْ ، غَاشِ نَا ذَمَ أَبِنْ رٜىٰنِ!

12أَغَرٜىٰكُ، دُكَنْكُ مَاسُ وُثٜىٰوَ وَنَّنْ بَيْ ذَمَ دَامُوَبَ؟ دُوبَ، كُغَنِ مَنَ! أَنْ تَٻَيِ وَنِ بَڧِنْ ثِكِ إِرِنَّوَ، إِرِنْ بَڧِنْ ثِكِنْ دَ يَهْوٜىٰهْ يَطُواْرَ مِنِ أَ رَانَرْ ڢُشِنْسَ مَيْ ذَاڢِ؟

13دَغَ سَمَ يَعَيْكُواْ مِنِ دَ وُتَا، وُتَرْ دَتَبِے حَرْ ثِكِنْ ڧَسُسُوَنَ؞ يَكُمَ كَڢَ وَڧَڢَاڢُنَ تَرْكُواْ، يَكُواْمَرْ دَنِے بَايَ؞ يَبَرْنِ نِے كَطَيْ، دُكَنْ يِنِ إِنَثِكِنْ ذَاڢِ؞

14يَطَوْرَا ذُنُبَيْنَ عَكَيْنَ كَمَرْ غُنْ‌غُمٜىٰ، دَ حَنُّنْسَ يَتَتَّرَاسُ يَطَوْرَا؞ يَطُواْرَسُ أَوُيَنَ، غُنْ‌غُمٜىٰنَّنْ يَسَا ڧَرْڢِينَ يَكَاسَ؞ عُبَنْ‌غِجِ يَكُمَ بَاشٜىٰنِ أَ حَنُّنْ مُتَنٜىٰ، مُتَنٜىٰنْ دَ بَنْ عِيَ ڟَيَاوَ أَغَبَنْسُبَ؞

15عُبَنْ‌غِجِ يَيِ بَنْظَ دَ مَاسُ عِيَ يَاڧِ نَوَ، يَكِرَوُاْ ڧُنْ‌غِيَرْ سُواْجُواْجِ عَكَيْنَ، دُواْمِنْ سُمُرْڧُشٜىٰ سَمَارِنَ، كَمَرْ يَدَّ عَكٜىٰ تَتَّاكٜىٰ یَیَنْ إِنَبِے؞ حَكَ عُبَنْ‌غِجِ يَتَتَّاكٜىٰ بُدُرْوَ ذُوثِيَارْسَ يَهُودَ؞

16سَبُواْدَ وَطَنَّنْ أَبُبُوَ، إِنَ تَكُوكَا، هَوَيٜىٰ سُنَ ظُبُواْوَ دَغَ عِدَنُونَ؞ غَمَا مَيْ تَعَظَنْتَرْ دَنِے يَيِ نٜىٰسَ، وَنْدَ ذَيْ ڧَرْڢَڢَ رَيْنَ يَيِ نٜىٰسَ دَنِے؞ یَیَنَ سُنَ ذَمَنْ كَطَيْثِ، غَمَا أَبُواْكِنْ غَابَا يَيِ نَصَرَا عَكَنْسُ؞

17سِهِيُواْنَ تَنَ مِيڧَ حَنُّوَنْتَ ثِكِنْ ضُواْڧُواْ، عَمَّا بَاوَنْدَ ذَيْ تَعَظَنْتَرْدَ عِتَ؞ غَمَا يَهْوٜىٰهْ يَا عُمَرْثِ أَلْعُمَّنْ دَسُكٜىٰ كٜىٰوَيٜىٰ دَ يَعْڧُوبَ سُذَمَ أَبُواْكَنْ غَابَنْسَ؞ عُرُوشَلِيمَ تَذَمَ مُسُ أَبِنْ ڨَمَ؞

18أَبِنْ دَ يَهْوٜىٰهْ يَيِ دَيْدَيْنٜىٰ، غَمَا نِے نَا يِتَاوَيٜىٰ غَ مَغَنَرْسَ؞ كُجِ، يَا كُو ڧَبِيلُ دُكَ، دُوبِے وَهَلَاتَ! بُدُرْوَيْنَ دَ سَمَارِنَ، أَنْ كَيْسُ بَوْتَا!

19نَيِكِرَا غَ مَسُواْيَنَ، عَمَّا سُكَ رُوطٜىٰنِ؞ ڢِرِسْتُواْثِنَ دَ دَتَّاوَنَ عَثِكِنْ بِرْنِ سُنْ هَلَّكَ، ثِكِنْ نٜىٰمَنْ عَبِنْثِ، عَبِنْثِنْ دَ ذَاسُثِ سُرَايُ؞

20دُوبَ يَا يَهْوٜىٰهْ ، يَدَّ نَكٜىٰ شَنْ وَهَلَ! ثِكِنَ يَيِ ضُوَ ضُوَ، ذُوثِيَاتَ تَكَرْيَ سَبُواْدَ نَيِ مَكَ تَاوَيٜىٰ؞ أَوَجٜىٰ، غَا تَكُواْبِنْ هَلَّكَرْوَ، عَثِكِنْ غِدَاجٜىٰ كُمَ غَا مُتُوَ؞

21كُواْوَ يَجِ يَدَّ نَكٜىٰنِيشِ، عَمَّا بَابُ مَيْ تَعَظَنْتَرْ دَنِے؞ دُكَنْ أَبُواْكَنْ غَابَنَ سُنْ جِ لَابَرِنْ مَسِيڢَاتَ، سُنْ كُوَيِ ڢَضٍ ثِكِ عَكَنْ أَبِنْدَ كَيِ مِنِ؞ بَرِ كَكَٰوُاْ رَانَرْ نَنْدَ كَيِ شٜىٰلَرْتَ، دُواْمِنْ سُو مَا سُذَمَ كَمَرْ يَدَّ نَكٜىٰ؞

22بَرِ دُكَنْ مُغُنْتَارْسُ سُبَيَّنَ أَغَبَنْكَ، سَعَنً كَحُكُنْتَسُ؞ بَرِ كَحُكُنْتَسُ دَيْدَيْ يَدَّ كَحُكُنْتَنِ سَبُواْدَ دُكَنْ ذُنُبَنْ غَنْ‌غَنْثِنَ؞ غَمَا نِشٜىٰ نِشٜىٰنَ سُنْيِيَوَ، كُمَ إِنَ ثِكِنْ ڢِدَّ ذُوثِيَا؞

Jump to: Chapter 2 →