Lamentations 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1أَيَّ! أَيَّ! عَثِكِنْ ڢُشِنْسَ، عُبَنْ‌غِجِ يَرُڢٜىٰ ذُوثِيَارْسَ سِهِيُواْنَ دَ كُنْيَا كَمَرْ غِرْغِجٜىٰ؞ دَغَ سَمَ يَجٜىٰڢَرْ دَ دَرَجَرْ إِسْرَٰٓءِيلَ ڧَسَا! أَ رَانَرْ ڢُشِنْسَ، بَيْ تُنَ دَ وُرِنْ سَا ڧَڢَرْسَ ثِكِنْ أَلْحٜىٰرِبَ؞

2عَثِكِنْ رَشِنْ تَوْسَيِ، عُبَنْ‌غِجِ يَهَلَّكَرْ دَ دُكَنْ وُرَارٜىٰنْ ذَمَنْ يَعْڧُوبَ؞ عَثِكِنْ ڢُشِنْسَ، يَرُرُّشٜىٰ وُرَارٜىٰ مَاسُ كَتَنْ‌غَ نَذُوثِيَارْسَ يَهُودَ؞ مُلْكِ دَ مَاسُ مُلْكِنْسَ، يَڧَسْڧَنْتَرْ دَسُو؞

3دَ ڢُشِنْسَ، يَيَنْكٜىٰ ڧَرْڢِنْ سُواْجُواْجِنْ إِسْرَٰٓءِيلَ، يَجَنْيٜىٰ حَنُّنْسَ مَيْ إِيكُواْ دَغَ غَرٜىٰسُ، سَعَدَّ سُكٜىٰ ڢُسْكَنْثِ أَبُواْكَنْ غَابَا؞ كَمَرْ هَرْشٜىٰنْ وُتَا مَيْ ثِنْيٜىٰوَ، يَڧُواْنٜىٰ دُكَنْ أَبِنْدَ يَكٜىٰ نَظُرِيَرْ يَعْڧُوبَ؞

4يَجَا بَكَنْسَ كَمَرْ أَبُواْكِنْ غَابَا، يَكُمَ نُونَ حَنُّنْ إِيكُوانْسَ كَمَرْ مَڧِيِ؞ يَهَلَّكَ دُكَنْ أَبِنْدَ عَكٜىٰ تَاڧَمَ عَكَيْ نَثِكِنْ تٜىٰنْتِنْ ذُوثِيَارْسَ سِهِيُواْنَ؞ عِ، يَظُبَ ڢُشِنْسَ كَمَرْ هَرْشٜىٰنْ وُتَا؞

5عُبَنْ‌غِجِ يَذَمَ كَمَرْ أَبُواْكِنْ غَابَا، يَهَلَّكَرْ دَ إِسْرَٰٓءِيلَ؞ يَهَلَّكَرْ دَ غِدَاجٜىٰنْ سَرَاكُنَنْتَ دُكَ، يَرُرُّشٜىٰ وُرَارٜىٰ مَاسُ كَتَنْ‌غَرْتَ؞ غَ ذُوثِيَارْسَ يَهُودَ، يَڧَارَ كُوكَا دَ بَڧِنْ ثِكِ؞

6يَرُشٜىٰ هَيْكَلِنْسَ كَمَرْ بُكَّ أَغُواْنَ، يَكَوَرْدَ تٜىٰنْتِنْ سَدُوَرْسَ؞ أَ سِهِيُواْنَ يَهْوٜىٰهْ يَكَوَرْدَ بُكُكُوَ دَ كِيَايٜىٰوَرْ رَانَرْ هُوتُ تَمَكُواْ؞ أَ ذَاڢِنْ ڢُشِنْسَ يَڧِ سَرْكِے دَ ڢِرِسْتُواْثِے؞

7عُبَنْ‌غِجِ يَڧِ بَغَدٜىٰنْسَ يَكُمَ ڧِ وُرِنْسَ مَيْ ڟَرْكِے؞ يَبَادَ بِرْنِ أَ حَنُّنْ أَبُواْكَنْ غَابَا؞ أَبُواْكَنْ غَابَا سُكَيِ إِيهُ أَ غِدَنْ يَهْوٜىٰهْ إِيهٌ نَصَرَا إِرِنْ نَرَانَرْ بِكٍ دَ عَكَ ڟَارَا؞

8يَهْوٜىٰهْ يَا يِنِيَّرْ كَوَرْدَ كَتَنْ‌غَ مَيْ ڟَرٜىٰ ذُوثِيَارْسَ سِهِيُواْنَ؞ يَمِيڧَ إِغِيَرْ أَوُانْ هَلَّكَ، بَيْ جَنْيٜىٰ حَنُّنْ إِيكُوانْسَ دَغَ هَلَّكَرْتَ بَ، يَسَا كَتَنْ‌غَرْ ڟَرٜىٰوَ تَلَلَثٜىٰ تَيِ مَكُواْكِ؞

9ڧُواْڢُواْڢِنْتَ سُنْ رِغَا سُنْ نُڟٜىٰ ڧَسَا، سَنْدُنَنْ كُلّٜىٰ ڧُواْڢُواْڢِنْتَ سُنْ كَرْيَ؞ سَرْكِے دَ شُوغَبَنِّ سُنَ ثِكِنْ أَلْعُمَّيْ، كُواْيَرْوَا تَٻَثٜىٰ، أَنَّبَاوَا بَاسَ سَامُنْ رُعُيَ دَغَ يَهْوٜىٰهْ ؞

10دَتَّاوَا نَذُوثِيَارْسَ سِهِيُواْنَ سُنَ ظَوْنٜىٰ عَڧَسَا شِضُ؞ سُنْ يَيَّڢَا ڧُورَا عَكَنْسُ، سُنَ سَنْيٜىٰ دَ رِيغُنَنْ نُونَ بَڧِنْ ثِكِ؞ بُدُرْوَيْ سُنْ سُنْكُيَرْدَ كَنْسُ ڧَسَا؞

11عِدَنُونَ سُنْ كُمْبُرَ سَبُواْدَ كُوكَا، ثِكِنَ يَيِ ضُوَ ضُوَ، ذُوثِيَاتَ تَنَرْكٜىٰ سَبُواْدَ هَلَّكَرْ مُتَنٜىٰنَ، غَمَا جَرِرَيْ دَ یَنْ يَارَا سُنَ سُومَ عَتِيتُنَنْ بِرْنِنْ؞

12سُنَتَيِ وَمَامَرْسُ كُوكَا سُنَ ثٜىٰوَ «إِنَا عَبِنْثِ دَ أَبِنْشَا؟» سُنَ سُومَ كَمَرْ سُواْجُواْجِنْ يَاڧِ وَطَنْدَ عَكَيِ مُسُ رَوْنِ، عَتِيتُنَ سُنَ مُتُوَ عَڧِرْجِنْ مَامَرْسُ؞

13مٜىٰ ذَنْثٜىٰ، إِنْكُمَ ݣُوتَنْتَا كٜىٰ دَشِ، يَا كٜىٰ ذُوثِيَاتَ عُرُوشَلِيمَ؟ دَمٜىٰ ذَنْ ݣُوتَنْتَاكِ إِنْ تَعَظَنْتَرْ دَكٜىٰ، يَا كٜىٰ بُدُرْوَ ذُوثِيَاتَ سِهِيُواْنَ؟ ظُرْڢِنْ رَوْنِنْكِ تٜىٰكُنٜىٰ، بَابُ وَرْكٜىٰوَ؞

14رُعُيُواْيِنْ دَ أَنَّبَاوَنْكِ سُكَ غَنِ، أَيْ، رُعُيُواْيِنْ ڧَضْيَا نَبَنْظَنٜىٰ! بَسُ تُواْنَ أَسِيرِنْ لَيْڢُواْڢِنْكِ دُواْمِنْ أَ هَنَكِ ذُوَا بَوْتَبَ؞ عَمَّا سُكَيِ مِكِ أَنَّبْثِنْ ڧَضْيَا نَبَنْظَ؞

15دُكَنْ وَطَنْدَ سُكٜىٰ وُثٜىٰوَ سُنَ تَڢَ حَنُّنْ رٜىٰنِ سُنَ كَطَكَيْ؞ سُنَيِ وَذُوثِيَاتَ عُرُوشَلِيمَ ڟَكِ ثٜىٰوَ «أَشٜىٰ، بِرْنِ مَڢِے ݣَنْ غَنِ أَدَا كٜىٰنَنْ، أَبِنْ ڢَضٍ ثِكِ غَ دُكَنْ دُونِيَا؟»

16دُكَنْ أَبُواْكَنْ غَابَنْكِ سُنْ بُوطٜىٰ بَاكِنْسُ كَمَرْ ذَاكُواْكِ سُنَ غَابَادَكٜىٰ، سُنَ ڟَكِ، سُنَ ثِظُوانْ هَڧُواْرَ، سُنَ ثٜىٰوَ «أَيْ، مُنْ هَلَكَاتَ! رَانَثٜىٰ وَدَّ مُكٜىٰ جِرَا، غَاشِ كُوَ، تَذُواْ، مُنْ غَنْتَ!»

17يَهْوٜىٰهْ يَا عَيْكَتَ أَبِنْدَ يَنُڢَ، يَثِكَ كَلْمَرْسَ كَمَرْ يَدَّ يَعُمَرْتَ تُنْدَا؞ يَرُشٜىٰكِ بَا تَوْسَيِ، يَسَا أَبُواْكِنْ غَابَا يَيِ مُرْنَ عَكَنْكِ، يَڧَارَ غِرْمَنْ ڧَرْڢِنْ مَاسُ ڧِنْ غَنِنْكِ؞

18ذُوثِيَارْ جَمَعَ تَايِكُوكَا غَ عُبَنْ‌غِجِ ؞ يَا كٜىٰ كَتَنْ‌غَ مَيْ ڟَرٜىٰ ذُوثِيَا سِهِيُواْنَ، بَرِ هَوَيٜىٰنْكِ سُيِ تَغُدُ كَمَرْ كُواْغِ سُيِ تَغَنْ‌غَرُواْوَ دَرٜىٰ دَ رَانَ؞ كَدَ كِبَا كَنْكِ دَ عِدَنُونْكِ هُوتُ!

19كِتَاشِ، كِيِ تَكُوكَا دَ دَرٜىٰ، دُكَنْ دَرٜىٰ كِبَيَّنَ ذُوثِيَارْكِ؞ كِظُبَتَ كَمَرْ ضُوَ أَغَبَنْ عُبَنْ‌غِجِ ، كِمِيڧَ حَنُّ كِيِضُواْڧُواْ سَبُواْدَ یَیَنْكِ، یَیَنْكِ مَاسُ سُومَ دَ يُنْوَ عَكُواْوَنٜىٰ تِيتِ!

20يَا يَهْوٜىٰهْ ، دُوبَ، كَغَنِ! حَكَ كَسَابَايِ دَ مُتَنٜىٰ؟ يَيِ ݣَوْ إِيَايٜىٰ مَاتَا سُثِنْيٜىٰ یَیَنْسُ؟ يَيِ ݣَوْ عَكَشٜىٰ ڢِرِسْتِ دَ أَنَّبِے عَثِكِنْ وُرِے مَيْ ڟَرْكِے نَ عُبَنْ‌غِجِ ؟

21مُتَنٜىٰنَ يَارَا دَ ڟُواْڢَڢِّ سُنَ ݣُونْثٜىٰ عَڧَسَا عَتِيتُنَ؞ بُدُرْوَيْنَ دَ سَمَارِنَ سُكَ مُتُ دَ تَكُواْبِے؞ كَا كَشٜىٰسُ أَ رَانَرْ ذَاڢِنْ ڢُشِنْكَ، كَا كَشٜىٰسُ بَابُ تَوْسَيِ؞

22كَيْ كَا كِرَوُاْ أَبُواْكَنْ غَابَنَ سُكٜىٰوَيٜىٰنِ، كَمَرْ يَدَّ عَكَنْ غَيَّثِ مُتَنٜىٰ ذُوَا بِكِ؞ أَ رَانَرْ ڢُشِنْ يَهْوٜىٰهْ ، بَا مَيْ كُٻُتَ كُواْ مَيْ ڟِيرَا؞ یَیَنْدَ نَحَيْڢَ نَيِ رٜىٰنُوانْسُ، سُنْ هَلَكَاسُ؞

← Chapter 1 Jump to: Chapter 3 →