Lamentations 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1أَيَّ! أَيَّ! يَيَ عَكَيِ ظِينَارِيَ تَذَمَ دُهُ! يَيَ عَكَيِ ظِينَارِيَ ظَلَّ تَثَنْجَ! دُوَڟُو نَوُرِ مَيْ ڟَرْكِے أَوَرْوَڟٜىٰ سُكٜىٰ عَكُواْوَثٜىٰ ݣُونَ تَتِيتِ؞

2يَيَ یَیَنْ سِهِيُواْنَ مَاسُ دَرَجَ، وَطَنْدَ دَا كَمَرْ ظَلَّرْ ظِينَارِيَ سُكٜىٰ، سُكَ ذَمَ كَمَرْ تُݣُونٜىٰنْ لَاكَ، كَمَرْ عَيْكِنْ حَنُّنْ مَيْ غِنِنْ تُݣُونٜىٰ!

3كُواْ دِلُواْلِ مَا سُكَنْ بَا یَیَنْسُ مَامَا، سُبَاسُ نُواْنُواْ سُشَا؞ عَمَّا مُتَنٜىٰنْ ذُوثِيَاتَ سُنْ ذَمَ مَرَسَ تَوْسَيِ كَمَرْ جِمِنُ؞

4هَرْشٜىٰنْ جَرِرِ يَمَنّٜىٰ عَبْكِنْسَ، يَمَنُّ سَبُواْدَ ڟَنَنِنْ ڧِشِ؞ یَنْ يَارَا سُنَ ضُواْڧُوانْ عَبِنْثِ، عَمَّا بَاوَنْدَ يَبَاسُ كُواْمٜىٰ؞

5سُو وَطَنْدَ دَا سُكَثِ عَبِنْثِ مَيْ دَاطِے، عَتِيتِ سُنَ عَݣُونْثٜىٰ ثِكِنْ يُنْوَ؞ سُو وَطَنْدَ دَا سُكَيِ غِرْمَ ثِكِنْ دَاطِے، يَنْذُ سُنَ جِنْ دَاطِنْ بُواْلَ؞

6حُكُنْثِنْ لَيْڢِنْ مُتَنٜىٰنْ ذُوثِيَاتَ يَڢِ نَ سُواْدُوامْ، سُواْدُوامْ وَدَّ عَكَ تُمْٻُكٜىٰ بَا لَابَرِ، بَاوَنْدَ يَسَا حَنُّ عَكَيْ ثِكِنْ مَكُواْكِ؞

7شُوغَبَنِّنْ عُرُوشَلِيمَ، مَاسُ ڟَبْتَ نٜىٰ حَصْكٜىٰنْسُ يَڢِ نَدُوسَرْ ڧَنْڧَرَ دَ مَدَرَ؞ جِكُنَنْسُ سُنْيِ سُمُلْ كَمَرْ نَجَرِرَيْ، ݣَنْسُ يَنَ حَصْكَكَاوَا كَمَرْ دُوڟٜىٰنْ سَڢَّيَ؞

8يَنْذُ غَ ڢُسْكُواْكِنْسُ بَڧِ كَمَرْ تُكُنْيَ، بَعَ عِيَ غَانٜىٰسُ عَتِيتُنَبَ؞ ڢَتَرْ جِكِنْسُ تَمَنّٜىٰوَ ڧَسُسُوَنْسُ، سُنْ بُوشٜىٰ كَمَرْ بُوسَشّٜىٰنْ إِتَاثٜىٰ؞

9ڠُومَّ وَطَنْدَ تَكُواْبِے يَكَشٜىٰ دَ وَطَنْدَ يُنْوَ تَكٜىٰ كَشٜىٰوَ، وَطَنْدَ سُكَيِ تَرَمٜىٰوَ سَبُواْدَ رَشِنْ سَامُنْ عَبِنْثِ دَغَ غُواْنَ؞

10مَاتَا مَاسُ تَوْسَيِ مَا، دَ حَنُّوَنْسُ سُكَ طَوْكِ یَیَنْسُ، سُكَ دَڢَ؞ یَیَنْ سُكَ ذَمَ مُسُ عَبِنْثِ أَ لُواْكَثِنْ دَ عَكٜىٰ هَلَّكَرْ دَ مُتَنٜىٰنْ ذُوثِيَاتَ؞

11يَهْوٜىٰهْ يَا بَرْ ثِكَكّٜىٰنْ ڢُشِنْسَ يَٻَرْكٜىٰ، يَظُبَ ڢُشِنْسَ مَيْ ذَاڢِ؞ يَكُنَّ وَ سِهِيُواْنَ وُتَا وَدَّ تَثِنْيٜىٰ تُوشٜىٰنْ غِنِنْتَ؞

12سَرَاكُنَنْ دُونِيَا بَسُ غَسْكَتَبَ، مَذَوْنَنْ دُونِيَا مَا بَسُيِ ڟَمَّنِ ثٜىٰوَ أَبُواْكَنْ غَابَادَ مَاسُ ڧِنْ عُرُوشَلِيمَ ذَاسُ عِيَ شِغَ ڧُواْڢُواْڢِنْتَبَ؞

13عَمَّا يَڢَرُنٜىٰ سَبُواْدَ ذُنُبَنْ أَنَّبَاوَا دَ لَيْڢُواْڢِنْ ڢِرِسْتُواْثِے، وَطَنْدَ سُكَ ظُبْدَ جِنِ، جِنِنْ مَاسُ أَدَلْثِے عَثِكِنْتَ؞

14سُنْيِ تَلَلُبَ عَتِيتُنَ كَمَرْ مَكَڢِ، سُنْ ڧَظَنْتَرْ دَكَنْسُ دَ جِنِ، حَرْ بَاوَنْدَ ذَيْ عِيَتَٻَ رِيغُنَنْسُ؞

15مُتَنٜىٰ سُكَ يِتَيِ مُسُ إِيهُ ثٜىٰوَ «تَڢِے، كُو ڧَظَامَيْ، تَڢِے، تَڢِے، كَدَ كُتَٻَمُ!» سَيْ سُكَ ذَمَ مَاسُ يَٰوُاْ بَرْكَتَيْ، أَلْعُمَّيْ سُنَ ثٜىٰوَ «بَذَاسُ ذَمَ أَنَنْبَ؞»

16يَهْوٜىٰهْ دَ كَنْسَ يَوَاڟَرْ دَسُو، بَذَيْ ڧَارَ كُلَوَ دَسُوبَ؞ بَعَكُلَ دَ دَرَجَرْ ڢِرِسْتُواْثِيبَ، بَعَكُوَ غِرْمَمَ دَتَّاوَبَ؞

17حَرْ يَنْذُ عِدَنُونْمُ سُنْ غَجِ، مُنَ ظُبَ عِدُواْ عَبَنْظَ دُواْمِنْ نٜىٰمَنْ تَيْمَكُواْ؞ مُنْ ظُبَ عِدُواْ غَ وَتَ أَلْعُمَّ، أَلْعُمَّرْ دَ بَذَاتَ عِيَ ثٜىٰتُوانْمُبَ؞

18أَنْيِ تَبِنْمُ دُكْ عِنْدَ مُكَسَا ڧَڢَا، حَرْ بَمُ عِيَ تَڢِيَ عَتِيتُنَنْمُبَ؞ ڧَرْشٜىٰنْمُ يَيِ كُسَ! ڧَرْشٜىٰنْمُ يَذُواْ! ݣُونَكِنْمُ سُنْ ڧَارٜىٰ!

19مَاسُبِنْمُ سُنْڢِے غَغَّڢَ سَوْرِ، غَغَّڢَ مَاسُ تَڢِيَ أَ سَمَ، سُنْ كُواْرٜىٰمُ عَكَنْ مَنْيَنْ تُدَّيْ، سُنْيِ مَنَ ݣُونْتُوانْ ٻَوْنَ أَدَاجِ؞

20وَنْدَ يَهْوٜىٰهْ يَكٜىٰٻٜىٰ نٜىٰ، سَا ذُوثِيَارْمُ، يَشِغَ ثِكِنْ رَامِنْسُ، وَنْدَ مُكَثٜىٰ دَشِ، «عَڧَرْڧَشِنْ إِنُوَرْسَ نٜىٰ ذَامُ ذَوْنَ دَ أَلْعُمَّيْ كٜىٰوَيٜىٰ دَمُو؞»

21يَا كٜىٰ ذُوثِيَاتَ عٜىٰدُوامْ، مَيْ ظَوْنٜىٰ أَ عُظْ، كِيِ ڢَضٍ ثِكِ كِيِ مُرْنَ؞ عَمَّا ڢَا ذَاعَ بَاكِ وَنَّنْ ݣُوڢْ كِشَا، ذَاكِشَا كِبُغُ حَرْ كِتُوٻٜىٰ كَنْكِ ڟِرَرَ؞

22يَا كٜىٰ ذُوثِيَاتَ سِهِيُواْنَ، حُكُنْثِنْ لَيْڢِنْكِ يَڧَارٜىٰ، بَذَاعَ ڧَارَ بَرِنْكِ عَڧَسَرْ بَوْتَبَ؞ عَمَّا يَا كٜىٰ ذُوثِيَاتَ عٜىٰدُوامْ، حُكُنْثِنْ لَيْڢِنْكِ يأَنَانً، ذَاعَ كُمَ تُواْنَ أَسِيرِنْ ذُنُوبِنْكِ؞

← Chapter 3 Jump to: Chapter 5 →