Lamentations 3 — Hausa Arabic 2020 (أَتَّوْرَتْ دَ أَنَّبَاوَا)

1نِنٜىٰ مُتُمِنْدَ يَغَ وَهَلَ عَڧَرْڧَشِنْ سَنْدَنْ ڢُشِنْ اللَّهْ ؞

2نِنٜىٰ يَكُواْرٜىٰنِ يَسَا نَيِ تَڢِيَ عَثِكِنْ دُهُ بَابُ حَصْكٜىٰ؞

3حَڧِيڧَ، عَكَيْنَ نٜىٰ كَطَيْ حَنُّنْ حُواْرُوانْسَ يَيِ تَ دُوكَ دُكَنْ يِنِ؞

4يَسَ نَامَنْ جِكِينَ دَ ڢَتَرْ جِكِينَ سُلَلَثٜىٰ، يَكُمَ كَكَّرْيَ ڧَسُسُوَنَ؞

5يَغِنَ كَتَنْ‌غَرْ وَهَلَ كٜىٰوَيٜىٰ دَنِے، يَرُڢٜىٰنِ دَ رَايُوَا مَيْ طَاثِ ڨُورَيْ؞

6يَسَ نَذَوْنَ عَثِكِنْ دُهُ، كَمَرْ وَطَنْدَ سُكَ مُتُ تُنْدَا؞

7يَكٜىٰوَيٜىٰنِ دَ كَتَنْ‌غَ دُواْمِنْ كَدَ إِنْكُٻُتَ، يَطَوْرٜىٰنِ دَ سَرْڧُواْڧِ مَاسُ نَوْيِ؞

8كُواْدَيَكٜىٰ إِنَ كُوكَنْ نٜىٰمَنْ تَيْمَكُواْ، يَتُواْشٜىٰ كُنّٜىٰنْسَ غَ أَدُّعَتَ؞

9يَتُواْشٜىٰ حَنْيَتَ دَ مَنْيَنْ دُووَڟُنْ، يَسَا هَنْيُواْيِنَ سُنْيِ ݣُونَ ݣُونَ؞

10يَيِ مِنِ ݣُونْتُوانْ ٻَوْنَ كَمَرْ بٜىٰيَرْ، كَمَرْ ذَاكِ مَيْ جِرَا عَٻُواْيٜىٰ؞

11يَتُورَنِ دَغَ حَنْيَتَ، يَيَيَّاغٜىٰنِ، يَبَرْنِ نِے كَطَيْ بَابُ تَيْمَكُواْ؞

12يَجَا بَكَنْسَ، يَسَا نَذَمَ أَبِنْدَ ذَيْهَرْبَ؞

13يَهَرْبٜىٰنِ أَ ذُوثِيَا دَ كِبِيَ دَغَ غِدَنْ كِبِيُواْيِنْسَ؞

14نَاذَمَ أَبِنْ دَارِيَا غَ دُكَنْ مُتَنٜىٰنَ، نَاذَمَ أَبِنْ وَاڧَرْ غُواْرِنْسُ دُكَنْ يِنِ؞

15يَسَا نَاشَا نَاڧُواْشِ دَ ضُوً طَاثِ، يَڧُواْسَرْ دَنِے دَ عَبِنْثِ مَيْ طَاثِ؞

16يَكَرْيَ هَڧُواْرَانَ دَ دُوَڟُو دَ يَشِ، يَسَا إِنَ بِرْغِمَ عَثِكِنْ ڧُورَا؞

17أَنْ رَبَ رَيْنَ دَ سَلَمَ، غَبَاطَيَ نَمَنْتَادَ ڢَضٍ ثِكِنْ غَبَ؞

18سَيْنَثٜىٰ «دَرَجَتَ تَٻَثٜىٰ، دُكْ دَ سَا ذُوثِيَاتَ وُرِنْ يَهْوٜىٰهْ ؞»

19تُنَانِنْ عَذَابَتَ دَ رَشِنْ وُرِنْ ذَمَنَ أَبُنٜىٰ مَيْ طَاثِنْ رَيْ دَ ٻَثِنْ ذُوثِيَا؞

20كُلُّمْ إِنَ تُنَانِنْ وَنَّنْ، كُمَ رَيْنَ يَٻَثٜىٰ ڨُورَيْ؞

21عَمَّا أَݣَويْ أَبِنْدَ نَرِڧٜىٰ عَتُنَانِنَ، سَبُواْدَ حَكَ إِنَدَ سَا ذُوثِيَا، وَتُواْ،

22ڧَوْنَرْكَ مَرَرْ ثَنْجَاوَا بَاتَڧَارٜىٰوَ، جِنْڧَنْكَ بَاسُ دَ إِيَاكَ، يَا يَهْوٜىٰهْ ؞

23غَمَا سَابَبِّے نٜىٰ سُو كُواْوَثٜىٰ سَاڢِيَ، أَمِنْثِنْكَ تَبَّتَاثّٜىٰ نٜىٰ، يَا يَهْوٜىٰهْ ؞

24سَيْنَثٜىٰ « يَهْوٜىٰهْ شِينٜىٰ رَبُواْنَ، سَبُواْدَ حَكَ ذَنْسَا ذُوثِيَا غَرٜىٰشِ؞»

25يَهْوٜىٰهْ مَيْ أَلْحٜىٰرِنٜىٰ غَ وَطَنْدَ سُكٜىٰ جِرَا غَرٜىٰشِ، غَ كُمَ وَطَنْدَ سُكٜىٰ نٜىٰمَنْسَ؞

26يَنَ دَݣَوْ مُتُمْ يَجِرَا ثِكِنْ نَڟُوَ حَرْ سَيْ ثٜىٰتُوانْ يَهْوٜىٰهْ يَذُواْ!

27يَنَ دَݣَوْ، مُتُمْ يَجِمْرٜىٰوَ غُنْ‌غُمٜىٰنْ رَايُوَرْسَ تُنْ يَنَ ثِكِنْ ڧُرُثِيَرْسَ؞

28يَنَ دَݣَوْ مُتُمْ يَذَوْنَ شِضُ شِے كَطَيْ، سَعَدَّ يَهْوٜىٰهْ نٜىٰ يَسَا غُنْ‌غُمٜىٰنْ عَكَنْسَ؞

29يَنَ دَݣَوْ مُتُمْ يَڧَسْڧَنْتَرْ دَكَنْسَ ثِكِنْ ڧُورَا، غَمَا وَتَڧِيلَ أَݣَويْ سَوْرَنْ سَا ذُوثِيَا؞

30يَنَ دَݣَوْ يَبَادَ كُمَتُنْسَ غَ مَيْ مَرِنْسَ، يَهَڧُرَا دَ ثِنْ مُتُنْثِنْ دَ عَكٜىٰيِ مَسَ؞

31غَمَا عُبَنْ‌غِجِ بَذَيْ يَاشٜىٰ مُتُمْ حَرْ أَبَدَا بَ؞

32كُواْ دَ يَسَا ٻَثِنْ رَيْ، يَكَنْ جِ تَوْسَيِ بِسَغَ يَوَنْ ڧَوْنَرْسَ مَرَرْ ثَنْجَاوَا؞

33غَمَا بَ دَ غَنْ‌غَنْ يَكَنْ سَا وَمُتُمْ وَهَلَ كُواْ بَڧِنْ ثِكِيبَ؞

34يِ وَیَنْ كُرْكُكُ دَنِّيَ، دَ كُمَ دَنّٜىٰ مُتُمْ،

35حَنَ وَمُتُمْ حَكِّنْسَ أَغَبَنْ مَڢِے طَوْكَكَ ،

36حَنَ وَمُتُمْ شَرِيعَرْ غَسْكِيَ، أَيْ، عُبَنْ‌غِجِ بَايَ يَرْدَ دَ وَطَنَّنْ!

37وَنٜىٰنٜىٰ ذَيْ عِيَ ڢَطَرْ أَبُ حَرْ يَڢَرُ، إِنْ بَ عُبَنْ‌غِجِ نٜىٰ يَعُمَرْتَ بَ؟

38بَ دَغَ بَاكِنْ مَڢِے طَوْكَكَ نٜىٰ مَسِيڢَ دَ أَلْحٜىٰرِ سُكٜىٰ ڢِتُواْوَبَ؟

39دُوانْمٜىٰ مُتُمْ مَيْ رَيْ ذَيْ يِ غُنَغُنِ سَعَدَّ عَكَ حُكُنْتَشِ سَبُواْدَ ذُنُبَنْسَ؟

40بَرِ مُڠُودَ، مُبِنْثِكَ هَنْيُواْيِنْمُ، سَعَنً مُجُويُواْ وُرِنْ يَهْوٜىٰهْ ؞

41مُطَغَ ذُوثِيَارْمُ دَ حَنُّنْمُ ثِكِنْ ضُواْڧُواْ غَ اللَّهْ نَسَمَ مُثٜىٰ،

42«مُنْيِ ذُنُوبِنْ غَنْ‌غَنْثِ، مُنْيِ تَاوَيٜىٰ، عَمَّا كَيْ كُوَ بَكَ غَاڢَرْتَا مَنَبَ؞

43كَا رُڢٜىٰ كَنْكَ دَ ڢُشِے، كَنَ تَبِنْمُ، كَنَ كَكَّشٜىٰمُ بَا تَوْسَيِ؞

44كَا كُمَ رُڢٜىٰ كَنْكَ ثِكِنْ غِرْغِجٜىٰ، دُواْمِنْ كَدَ وَتَ أَدُّعَ تَكَيْ وُرِنْكَ؞

45كَا مَيْشٜىٰمُ شَارَ دَ أَبِنْ ڨَمَ عَثِكِنْ ڧَبِيلُ؞

46دُكَنْ أَبُواْكَنْ غَابَنْمُ سُنَبُوطٜىٰ بَاكِ سُنَ يِمَنَ بَعَ؞

47ڢَاطُوَ ثِكِنْ تَرْكُواْ دَ ڟُواْرُواْ سُنْ ڢَرُ دَمُو، لَلَتَرْوَ دَ هَلَّكَرْوَ سُنْ سَوْكُواْ مَنَ؞»

48هَوَيٜىٰ سُنَ ظُبُواْوَ كَمَرْ ضُوً كُواْغِ سَبُواْدَ أَنْهَلَّكَ مُتَنٜىٰنْ ذُوثِيَاتَ؞

49هَوَيٜىٰنَ ذَاسُيِ تَظُبُواْوَ، بَا ڟَيَاوَا، بَا هُوتَوَا،

50حَرْ سَيْ لُواْكَثِنْ دَ يَهْوٜىٰهْ يَدُوبَ دَغَ سَمَ يَغَنِ؞

51غَنِنْ عَذَابَرْ یَنْ مَاتَانْ بِرْنِنَ يَسَانِ بَڧِنْ ثِكِ؞

52بَابُ دَلِيلِ، أَبُواْكَنْ غَابَنَ سُكَ ڢَرَوْثٜىٰنِ كَمَرْ نِے ڟُنْڟُنٜىٰ؞

53سُكَ جٜىٰڢَرْ دَنِے ثِكِنْ رَامِ، سُكَ كُمَ جٜىٰجّٜىٰڢٜىٰنِ دَ دُوَڟُو؞

54ضُوَيٜىٰ سُكَشَا كَيْنَ، سَيْ نَغَ كَمَرْ تَاوَتَاڧَارٜىٰ؞

55يَا يَهْوٜىٰهْ ، نَيِ كِرَا غَ سُونَنْكَ دَغَ ثِكِنْ رَامِ مَيْ ظُرْڢِ؞

56كَكُوَجِ مُرْيَرْ كُوكَنَ دَنَثٜىٰ، «بُوطٜىٰ كُنّٜىٰنْكَ، كَجِ كُوكَنَ!»

57أَ لُواْكَثِنْدَ نَيِ كِرَا غَرٜىٰكَ، كَكَنْ ذُواْ كُسَ كَثٜىٰ «كَدَ كَجِڟُواْرُواْ!»

58يَا عُبَنْ‌غِجِ ، كَيْ كَكَرْٻِ دَامُوَتَ، كَا كُوَ ڢَنْشِ رَيْنَ؞

59يَا يَهْوٜىٰهْ ، كَيْ كَاغَ لَيْڢِنْدَ عَكَيِ مِنِ، تُواْ، يِمِنِ شَرِيعَرْ غَسْكِيَ؞

60يَا يَهْوٜىٰهْ ، كَيْ كَغَ دُكَنْ وُلَڧَنْثِنْسُ دَ دُكَنْ ڧُلّٜىٰ ڧُلّٜىٰنْسُ عَكَيْنَ؞

61يَا يَهْوٜىٰهْ كَجِ ذَاغٜىٰ ذَاغٜىٰنْسُ، دَ دُكَنْ ڧُلّٜىٰ ڧُلّٜىٰنْسُ عَكَيْنَ؞

62يَا يَهْوٜىٰهْ ، كَيْ كَجِ مَغَنْ‌غَنُنْسُ، دَ تُنَانِنْسُ غَابَادَنِے أَدُكَنْ يِنِ؞

63دُوبِے يَدَّ كُواْ أَ ظَوْنٜىٰ كُواْ أَڟَيٜىٰ، سُنَ رٜىٰرَ مِنِ وَاڧَرْ غُواْرِنٜىٰ؞

64يَا يَهْوٜىٰهْ ، سَاكَ مُسُ دَيْدَيْ، سَاكَ مُسُ يَدَّ يَدَاثٜىٰ دَ أَيُّكَنْسُ؞

65بَرِ كَبَاسُ عَذَابَ أَ ذُوثِيَا، لَعَنَرْكَ كُوَ تَذَوْنَ عَكَنْسُ!

66يَا يَهْوٜىٰهْ ، بِيسُ ثِكِنْ ڢُشِنْكَ، هَلَكَاسُ دَغَ ڧَرْڧَشِنْ سَمَّنْكَ!