Micah 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1كَيْتُوانْ مَاسُ شِرْيَ مُغُنْتَا، مَاسُ ڧُلّٜىٰ ڧُلّٜىٰنْ مُغُنْتَا عَكَنْ غَدَجٜىٰنْسُ! دَ غَرِ يَوَايٜىٰ، سُكَنْ ڢِتَ سُأَيْكَتَ مُغُنْتَارْ، دُواْمِنْ إِيكُوانْ عَيْكَتَاوَا يَنَ حَنُّنْسُ؞

2سُكَنْيِ كِيشِنْ غُواْنَكِ، سُڨُوثٜىٰ؞ سُكَنْيِ كِيشِنْ غِدَاجٜىٰ، سُڨُوثٜىٰ؞ سُكَنْ دَنّٜىٰ مُتُمْ، سُڨُوثٜىٰ غِدَنْسَ دَ غَادُوانْسَ؞

3سَبُواْدَ حَكَ، إِنْجِ يَهْوٜىٰهْ ، «غَاشِ، إِنَ شِرْيَ مَسِيڢَ غَ وَنَّنْ عِيَلِ، وَدَّ بَذَاكُ عِيَ ڢِتَرْدَ كَنْكُ دَغَ ثِكِيبَ؞ بَذَاكُيِ تَڢِيَ دَ تَاڧَمَ بَ، غَمَا ذَيْ ذَمَ مُوغُنْ لُواْكَثِنٜىٰ؞

4أَ رَانَرْ نَنْ ذَاعَ طَغَ وَاڧَرْ ڟُواْكَنَ عَكَنْكُ، ذَاعَيِ كُوكَا نَبَڧِنْ ثِكِ مَيْ ذَاڢِ عَثٜىٰ، « ‹تَامُ تَا ڧَارٜىٰ! يَهْوٜىٰهْ يَا ثَنْجَ رَبُوانْ مُتَنٜىٰنَ، يَكَوَرْ دَشِ دَغَ غَرٜىٰنِ! يَرَرَّبَ غُواْنَكِنْمُ غَ وَطَنْدَ سُكَثِمُ دَ يَاڧِ؞› »

5دُواْمِنْ حَكَ، أَ لُواْكَثِنْ دَ ذَاعَ مَيَرْدَ ڧَسَا، بَذَاكُ سَامِ رَبُوانْكُ عَثِكِنْ تَارُوانْ جَمَعَرْ يَهْوٜىٰهْ بَ؞

6مُتَنٜىٰنْ سُكَيِ مِنِ وَعَظِ سُكَثٜىٰ، «كَدَ كَيِ وَعَظِ! كَدَيْنَ يِنْ وَعَظِ عَكَنْ أَبُبُوَنَّنْ، بَابُ أَبِنْ كُنْيَرْ دَ ذَيْسَامٜىٰمُ!»

7دَيْدَيْ نٜىٰ أَ ڢَطِ حَكَ، يَا ذُرِيَرْ يَعْڧُوبَ؟ حَڧُرِنْ يَهْوٜىٰهْ يَا كَاسَ نٜىٰ؟ كُواْ شِينٜىٰ يَيِ وَطَنَّنْ أَبُبُوَ؟ مَغَنَرْ يَهْوٜىٰهْ بَاتَدَ أَمْڢَانِ غَ مَيْ تَڢِيَ دَيْدَيْ عَثِكِنْتَ كٜىٰنَنْ؟

8يَهْوٜىٰهْ يَأَمْسَ يَثٜىٰ، «عَمَّا كُكَنْيِ دَ مُتَنٜىٰنَ كَمَرْ سُو أَبُواْكَنْ غَابَنٜىٰ؞ كُكَنْ تُوٻٜىٰ رِيغُنَنْ مَاسُ وُثٜىٰوَ ثِكِنْ سَلَمَ، مَاسُ وُثٜىٰوَ بَ دَ تُنَانِنْ يَاڧِبَ؞

9كُكَنْ كُواْرِ مَاتَانْ مُتَنٜىٰنَ دَغَ غِدَاجٜىٰنْسُ مَاسُ ݣَوْ؞ كُكَنْ كَوَرْدَ أَلْبَرْكَتَ دَغَ وُرِنْ یَیَنْسُ حَرْ أَبَدَا؞

10تَاشِ كُتَڢِے، غَمَا نَنْ بَوُرِنْ هُوتُ بَنٜىٰ؞ سَبُواْدَ ڧَظَنْتَرْكُ، مُوغُوَرْ هَلَّكَ ذَاتَ ڢَاطُواْ مُكُ؞

11عِدَنْ مُتُمْ يَا تَاشِ يَنَ تَمَغَنَرْ ڧَضْيَا يَنَ ثٜىٰوَ ‹ذَنْيِ مُكُ وَعَظِ غَمٜىٰدَ ضُوً إِنَبِے دَ أَبِنْ كَٰوُاْ بُغُوَ عَيَلْوَثٜىٰ؞› إِرِنْ مَيْ وَعَظِنَّنْ نٜىٰ مُتَنٜىٰ سُكٜىٰسُواْ!»

12«حَڧِيڧَ ذَنْ تَتَّرَاكُ يَا ذُرِيَرْ يَعْڧُوبَ، ذَنْ تَتَّارَ ضَغُواْوَرْ جَمَعَرْ إِسْرَٰٓءِيلَ؞ ذَنْ حَطَكُ تَرٜىٰ كَمَرْ غَرْكٜىٰنْ تُمَكِ، كَمَرْ غَرْكٜىٰنْ تُمَكِ أَوُرِنْ كِيوُاْ، ذَاكُ ذَمَ بَبَّنْ تَارُوانْ جَمَعَ وَدَّ ذَاعَ جِ سُورُوتُنْسُ؞»

13شِ وَنْدَ ذَيْ هُودَ كَتَنْ‌غَ، ذَيْ يِمُسُ جَغُواْرَ سُٻَرْكٜىٰ تَوُرِنْ، يَذَمَ مُسُ ڧُواْڢَ سُڢِتَ؞ سَرْكِنْسُ ذَيْ شَا غَبَنْسُ، يَهْوٜىٰهْ دَ كَنْسَ ذَيْ جَغُواْرَنْثٜىٰسُ؞

← Chapter 1 Jump to: Chapter 3 →