Micah 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to:

1كَيْتُواْنَ! غَمَا نَا ذَمَ كَمَرْ مَيْ يُنْوَ، وَنْدَ بَيْ سَامِ كُواْمٜىٰبَ بَايَنْدَ عَكَيِ غِرْبِنْ أَمْڢَانِنْ غُواْنَ، بَايَنْدَ عَكَيِ كَالَ أَغُواْنَرْ إِنَبِے؞ بَابُ یَیَنْ إِنَبِنْدَ ذَاعَ ڟِنْكَ عَثِ، بَابُ یَیَنْ ٻَوْرٜىٰنْ دَ سُكَ نُونَ، وَنْدَ رَيْنَ يَكٜىٰسُواْ؞

2بَابُ مَاسُ حَلِنْ اللَّهْ دَ سُكَ ضَغٜىٰ عَڧَسَرْ، بَابُ مَيْ غَسْكِيَ أَ ظُوثِ وَنْدَ يَضَغٜىٰ؞ كُواْوَ يَنَ نٜىٰمَنْ دَامَرْ كَشٜىٰ وَنِ، كُواْوَ يَنَ ڢَرَوْتَرْ طَنْعُوَنْسُ دَ تَرْكُواْ؞

3حَنُّوَنْسُ ڠُونِنْ عَيْكَتَ مُغُنْتَا نٜىٰ، سَرْكِے دَ أَلْڧَلِ دُكْ سُنَ نٜىٰمَنْ ثِنْ حَنْثِ، بَبَّنْ مُتُمْ يَنَ سَا عَيِ أَبِنْدَ ذُوثِيَارْسَ تَكٜىٰسُواْ؞ تَهَكَ سُنَ جُجُّويٜىٰ غَسْكِيَ؞

4مُتُمْ مَڢِے كِرْكِ عَثِكِنْسُ كَمَرْ إِتَاثٜىٰ مَرَرْ یَیَ نٜىٰ؞ مَڢِے غَسْكِيَ عَثِكِنْسُ كُمَ كَمَرْ إِتَاثٜىٰنْ لٜىٰمُوانْ ڟُنْڟُ مَرَرْ یَیَنٜىٰ سَيْ ڧَيَ؞ رَانَرْ حُكُنْثِنْسُ تَذُواْ، رَانَرْ دَ عَكَ ڢَطَا مُسُ تَبَاكِنْ أَنَّبَاوَا مَاسُ غَادِنْسُ، يَنْذُ كُواْوَ يَضِكِثِے؞

5كَدَ كَدُواْغَرَ غَ مَڨُوبْثِنْكَ، كَدَ كَأَمِنْثٜىٰ دَ أَبُواْكِنْكَ، كُواْ دَ مَاتَرْكَ وَدَّ كَكٜىٰ ڧَوْنَ، لُورَ دَ مَغَنَرْ بَاكِنْكَ؞

6غَمَا طَا يَنَ رٜىٰنَ بَابَنْسَ، یَ مَثٜىٰ كُمَ تَنَ تَيَرْ وَ مَامَرْتَ، مَاتَرْ طَا تَنَ يِنْ غَابَادَ مَامَرْ مِجِنْتَ؞ أَبُواْكَنْ غَابَنْ مُتُمْ، مُتَنٜىٰنْ غِدَنْسَ نٜىٰ؞

7عَمَّا نِے ذَنْ ظُبَ عِدُواْ غَ يَهْوٜىٰهْ ذَنْ جِرَا اللَّهْ مَيْ ثٜىٰتُواْنَ، اللَّهْ نَا كُوَ ذَيْجِينِ؞

8يَا أَبُواْكَنْ غَابَنَ، كَدَ كُيِ مُرْنَ عَكَيْنَ، غَمَا سَعَدَّ نَڢَاطِ، ذَنْ تَاشِ؞ سَعَدَّ نَذَوْنَ عَثِكِنْ دُهُ، يَهْوٜىٰهْ ذَيْ ذَمَ حَصْكٜىٰ أَغَرٜىٰنِ؞

9ذَنْ جِمْرٜىٰ دَ ڢُشِنْ يَهْوٜىٰهْ غَمَا نَا يِمَسَ ذُنُوبِ؞ عَمَّا عَڧَرْشٜىٰ ذَيْ ڟَيَ مِنِ، يَدَيْدَيْتَ مُغُنْتَارْ دَ عَكَيِ مِنِ؞ ذَيْ كَٰوُاْ نِے ثِكِنْ حَصْكٜىٰ، ذَيْ نُونَ أَ ڢِيلِ بَ نِے دَ لَيْڢِے؞

10سَعَنً أَبُواْكَنْ غَابَنَ ذَاسُ غَنِ، كُنْيَا ذَاتَ رُڢٜىٰ وَطَنْدَ سُكَثٜىٰ مِنِ، «إِنَا يَهْوٜىٰهْ اللَّهْ نْكَ؟» عِدَنُونَ ذَاسُغَ ڢَاطُوَرْسُ، يَنْذُ ذَاعَ تَتَّاكٜىٰسُ كَمَرْ لَاكَ عَتِيتُنَ؞

11رَانَرْ سَاكٜىٰ غِنَا كَتَنْ‌غَرْكُ تَنَ ذُوَا، رَانَرْ دَ ذَاعَ ڧَارَ ڢَاطِنْ إِيَاكَرْ ڧَسَرْكُ؞

12أَ رَانَرْ نَنْ مُتَنٜىٰنْكُ ذَاسُ دَاوُاْ وُرِنْكُ، دَغَ أَسُّرِيَ دَ كُواْغِنْ يُڢِرٜىٰتِسْ أَغَبَسْ، دَغَ كُمَ مَصَرْ عَكُدُ، دَغَ مَنْيَنْ تُدَّيْ دَ تٜىٰكُنَ مَاسُ نِيسَ؞

13عَمَّا ڧَسَا كٜىٰوَيٜىٰ دَ تَاكُ ذَاتَ ذَمَ كُڢَيْ، سَبُواْدَ مُغُنْتَارْ مَذَوْنَنْ دَسُكٜىٰ ثِكِنْتَ؞

14يَا يَهْوٜىٰهْ ، يِكِيوُانْ مُتَنٜىٰنْكَ دَ سَنْدَنْكَ، غَرْكٜىٰنْ تُمَكِنْكَ نَغَادُواْ، غَرْكٜىٰنْكَ وَنْدَ يَكٜىٰ ظَوْنٜىٰ شِ كَطَيْ عَكُرْمِ أَڟَكِيَرْ ڧَسَا مَيْ أَلْبَرْكَ؞ بَرِ سُڢِتَ سُيِ كِيوُاْ عَڧَسَرْ بَشَنْ دَ ڧَسَرْ غِلٜىٰيَدْ كَمَرْ ݣُونَكِنْ دَا؞

15إِنْجِ يَهْوٜىٰهْ ، «ذَنْ نُونَ مُسُ أَيُّكَنْ بَنْ مَامَاكِ، كَمَرْ عَݣُونَكِنْ دَ سُكَ ڢِتَ دَغَ مَصَرْ؞

16أَلْعُمَّيْ ذَاسُ غَنِ ذَاسُ كُمَ شَا كُنْيَا عَكَنْ دُكَنْ إِيكُوانْسُ؞ ذَاسُ سَا حَنُّ عَبَاكِ، كُنُّوَنْسُ ذَاسُ تُواْشٜىٰ؞

17ذَاسُ لَشٜىٰ ڧُورَا كَمَرْ مَثِيجِ، كَمَرْ حَلِتُّو مَاسُ رَرَّڢٜىٰ؞ ذَاسُ ڢِتَ دَ ضَوَرْ جِكِے، دَغَ وُرَارٜىٰنْ ٻُيَنْسُ، ذَاسُ جُويُواْ وُرِينَ، نِے يَهْوٜىٰهْ اللَّهْ نْكُ، سَبُواْدَ ڟُواْرُواْ؞»

18بَابُوَنِ اللَّهْ كَمَرْكَ، يَا يَهْوٜىٰهْ! كَيْ اللَّهْ نٜىٰ مَيْ يَاڢٜىٰ لَيْڢِے، مَيْ كَوَرْدَ ذُنُوبِ نَضَغُواْوَرْ جَمَعَرْكَ تَغَادُواْ؞ بَاكَ رِڧٜىٰ ڢُشِنْكَ حَرْ أَبَدَا، غَمَا كَنَ جِنْ دَاطِے كَنُونَ ڧَوْنَ مَرَرْ ثَنْجَاوَا؞

19ذَاكَ سَاكٜىٰ جُويُواْوَ كَيِ مَنَ جِنْڧَيْ ذَاكَ تَتَّاكَ لَيْڢُواْڢِنْمُ ڧَرْڧَشِنْ ڧَڢَاڢُنْكَ؞ ذَاكَ جٜىٰڢَرْ دَ دُكَنْ ذُنُبَنْمُ عَثِكِنْ ظُرْڢَڢَّنْ تٜىٰكُ؞

20ذَاكَ نُونَ أَمِنْثِنْكَ غَ مُتَنٜىٰنْكَ، ڧَوْنَرْكَ مَرَرْ ثَنْجَاوَا غَ ذُرِيَرْ يَعْڧُوبَ دَ إِبْرَٰهِيمْ، كَمَرْ يَدَّ كَرَنْڟٜىٰوَ كَاكَنِّنْمُ تُنْ زَامَانِنْ دَا؞

← Chapter 6 Jump to: